ఈ శుభలేఖ చూడటానికి రెండు కళ్లు సరిపోవు.. అతిథులు షాక్..!

కరీంనగర్ జిల్లా జమ్మికుంట పట్టణానికి చెందిన సుద్దాల శ్రీనివాస్-శ్రీదేవి దంపతులకు ఇద్దరు కూతుళ్లు ఒక కుమారుడు. మొదటి కూతురు రవళిక సీఏ పూర్తి చేసింది. ఇటీవలే కామారెడ్డి పట్టణానికి చెందిన నాగేంద్ర బాబుతో ఫిబ్రవరి 23వ తేదీన వివాహం నిశ్చయమైంది. తమ వివాహ వేడుక అందరికి గుర్తుండిపోయేలా నిర్వహించాలనుకున్నారు. ఇందులో భాగంగా వివాహానికి బందు మిత్రులను ఆహ్వానించడానికి ఏకంగా 36 పేజీలతో వివాహ విశిష్టత అంశాలను పేర్కొంటూ పెళ్లి పుస్తకాన్ని ముద్రించారు.

వెడ్డింగ్ కార్డు అందరిలా ఉంటే ఏం బాగుంటుందనుకున్నది ఆ కుటుంబం. వివాహ ఆహ్వాన పత్రికను పుస్తకం రూపంలో ప్రింట్ చేయించారు. వివాహానికి సంబంధించిన కళ్యాణ సంస్కృతి, పెళ్లిచూపులు, పాణిగ్రహణ శుభ ముహూర్త పత్రిక, పెళ్లి కుమార్తెను చేయుట, పెళ్లి కుమారుని చేయుట, వరపూజ, వధువును గంపలో తీసుకు వచ్చే తంతు, తెరసాల, కన్యా ఫలం, మాంగల్య పూజ, జిలకర బెల్లం, తలంబ్రాలు, బ్రహ్మముడి సప్తపది, ఉంగరాలు తీయించుట, అప్పగింతల పాట తోపాటు పెళ్లిలో జరిగే 36 తంతుల గురించి ఒక్కొక్క పేజీలో ముద్రించి తన కుమార్తె వివాహానికి అందరూ రావాలంటూ అందరినీ ఆహ్వానిస్తున్నారు సుద్దాల దంపతులు.

ఉన్నత చదువులు చదివిన వధువు కూడా తమ సంప్రదాయ సంస్కృతి ఆచరించి తన వివాహం చేయడం తనకు సంతోషంగా ఉండంటుంది. పెళ్లి పత్రికే ఈ రకంగా ఉంటే వివాహం ఎలా చేస్తారో అని ఆత్రుతగా చూస్తున్నారు బంధు మిత్రులు..ఈ పెళ్లి కార్డును ఆసక్తి చూస్తున్నారు. ఈ పెళ్లి కార్డును స్వయంగా అమ్మాయి తరుపున బంధువులు పంపిణి చేస్తున్నారు.

మరిన్ని హ్యుమన్ ఇంట్రెస్ట్ వార్తల కోసం ఇక్కడ క్లిక్ చేయండి..