వర్షమా! వైపర్ హెల్మెట్లు వస్తున్నాయి…

బైక్ మీద వెళ్తున్నప్పుడు వర్షం వస్తే చాలా ఇబ్బందిగా ఉంటుంది. బైక్‌ను సరిగ్గా డ్రైవ్ చేయలేం. వర్షం కారణంగా హెల్మెట్ అద్దం సరిగ్గా కనిపించదు. దీంతో రోడ్డుపై ఏముందో స్పష్టంగా చూడలేం. అదే వైపర్ ఉపయోగిస్తే హెల్మె్ట్ అద్దాన్ని క్లీన్ చేస్తుంది. ఎలక్ట్రిక్ హెల్మెట్ వైపర్ సాయంతో జర్నీ సురక్షితంగా చేయవచ్చు.

వైపీ అనే సంస్థ హెల్మెట్లకు వైపర్లను మార్కెట్‌లోకి తీసుకువచ్చేందుకు సిద్ధమౌతోంది. మే నెలలో వీటిని మార్కెట్‌లో లాంచ్ చేయనుంది. వివిధ హెల్మెట్లకు వైపర్లను సెట్ చేసుకోవచ్చు. వైపర్ బ్యాటరీ 3 నుంచి 12 గంటలపాటు పని చేస్తుంది. అన్ని రకాల హెల్మెట్లకు దీన్ని ఏర్పాటు చేసుకోవచ్చు. కేవలం ఒక్క సెకన్‌లో హెల్మెట్‌కు దీన్ని బిగించుకోవచ్చు. దీన్ని బరువు కేవలం 55 గ్రాములు. కంపెనీ వైపర్ ఆన్, ఆఫ్‌కు బైక్ హ్యాండిల్‌బార్‌పై ప్రత్యేకమైన రిమోట్ బ్లూటూత్ బటన్‌ కూడా ఏర్పాటు చేయనుంది.