ఐపీఎల్ ఫ్యాన్స్‌కి “వాట్సాప్” గుడ్‌న్యూస్

ఐపీఎల్ ప్రేమికులకు వాట్సాప్ శుభవార్త చెప్పింది. యూజర్ల కోసం క్రికెట్ స్టిక్కర్లను తీసుకొచ్చింది. ప్రస్తుతం ఇవి ఆండ్రాయిడ్ యూజర్లకు మాత్రమే అందుబాటులో ఉండగా, త్వరలోనే ఐఫోన్ యూజర్లకు కూడా అందుబాటులోకి రానున్నాయి. ఐపీఎల్ అభిమానులు తాము ఇష్టపడే జట్లు, క్రికెటర్లపై వారి ఇష్టాలను, స్పందనను తెలియజేయడానికి ఈ స్టిక్కర్లు బాగా ఉపయోగపడతాయని వాట్సాప్ పేర్కొంది. ఎమోజీ సెక్షన్ నుంచి వినియోగదార్లు ఈ క్రికెట్ స్టిక్కర్ ప్యాక్‌ను డౌన్‌లోడ్ చేసుకోవడం ద్వారా ఉపయోగించుకోవచ్చు. ఒకసారి వీటిని డౌన్‌లోడ్ చేసుకున్న తర్వాత ఎప్పుడు కావాలంటే అప్పుడు వీటిని వాడుకోవచ్చు.