5G Phone Under 20000: ఇరవై వేల లోపు అందుబాటులో ఉన్న అదిరిపోయే 5జీ ఫోన్లు ఇవే.. సూపర్ డిజైన్‌తో మతిపోగొట్టే ఫీచర్లు..
5 జీ సర్వీసులను అనుభవించడానికి సరసమైన ఎంపికలను కోరుకునే వినియోగదారుల సంఖ్య పెరుగుతున్నందున అందరికీ అందుబాటులో ఉండేలా 20,000 కంటే తక్కువ ధర పరిధిలో లభించే ఉత్తమ 5జీ స్మార్ట్‌ఫోన్‌ల గురించి ఓ సారి తెలుసుకుందాం. ప్రస్తుతం మార్కెట్ అనేక రకాల ఫోన్స్‌తో నిండిపోయినప్పటికీ అన్ని పరికరాలు సంతృప్తికరమైన వినియోగదారు అనుభవాన్ని అందించడం లేదు.
Srinu |
Updated on: Jun 01, 2023 | 4:15 PM
భారతదేశంలో స్మార్ట్‌ఫోన్‌ల వినియోగం వేగంగా అభివృద్ధి చెందుతుంది. ముఖ్యంగా 5 జీ సాంకేతికత రావడంతో ఫోన్ల కనెక్టివిటీ, పనితీరులో గణనీయమైన పురోగతిని సాధించింది. అయితే 5 జీ సర్వీసులను అనుభవించడానికి సరసమైన ఎంపికలను కోరుకునే వినియోగదారుల సంఖ్య పెరుగుతున్నందున అందరికీ అందుబాటులో ఉండేలా 20,000 కంటే తక్కువ ధర పరిధిలో లభించే ఉత్తమ 5జీ స్మార్ట్‌ఫోన్‌ల గురించి ఓ సారి తెలుసుకుందాం. ప్రస్తుతం మార్కెట్ అనేక రకాల ఫోన్స్‌తో నిండిపోయినప్పటికీ అన్ని పరికరాలు సంతృప్తికరమైన వినియోగదారు అనుభవాన్ని అందించడం లేదు. అందుకే అందరిీన ఆకట్టుకునే స్పెసిఫికేషన్‌లు, అద్భుతమైన డిస్‌ప్లే, శక్తివంతమైన ప్రాసెసర్లు, బహుముఖ కెమెరాలు, దీర్ఘకాలిక బ్యాటరీల పరిగణలోకి తీసుకుని అందుబాటులో ఉన్న సూపర్ స్మార్ట్ ఫోన్లు ఏంటో ఓ సారి తెలుసుకుందాం.
పోకో ఎక్స్ 5
పోకో ఎక్స్ 5 అనే 5 జీ ఫోన్ 5,000 ఎంఏహెచ్ బ్యాటరీతో, 33 వాట్స్ ఫాస్ట్ ఛార్జర్‌తో వస్తుంది. స్నాప్‌డ్రాగన్ 695 చిప్‌సెట్ ద్వారా మంచి పనితీరును అందిస్తుంది. కార్నింగ్ గొరిల్లా గ్లాస్ రక్షణతో 6.67 అంగుళాల ఫుల్ హెచ్‌డీ ప్లస్ సూపర్ ఎమోఎల్ఈడీ డిస్ప్లేతో వస్తుంది. అలాగే ఈ ఫోన్‌లో హెడ్‌ఫోన్ జాక్, సింగిల్ స్పీకర్ కూడా ఉన్నాయి. ఈ ఫోన్ ధర రూ.17,315గా ఉంది.
ఐ క్యూ జెడ్ 6
ఐక్యూ జెడ్ 6 ఫోన్ అనేది అత్యంత సిఫార్సు చేయబడిన ఎంపిక. ఇది అందరినీ ఆకట్టుకునే ఫీచర్లు, పనితీరును అందిస్తుంది. స్నాప్ డ్రాగన్ 695 ప్రాసెసర్ ద్వారా పని చేస్తుంది. అలాగే ఇది 6.58 అంగుళాల ఎల్‌సీడీ డిస్ప్లేతో వస్తుంది. అలాగే 44 వాట్స్ ఫాస్ట్ ఛార్జింగ్ సపోర్ట్‌తో 5,000 ఎంఏహెచ్ బ్యాటరీని కలిగి ఉంది. అలాగే రెండేళ్ల పాటు ఆండ్రాయిడ్ అప్‌డేట్స్ ఈ ఫోన్ ప్రత్యేకం. ఈ ఫోన్ ధర రూ.13,999గా ఉంది.
రియల్ మీ 10 ప్రో
రియల్ మీ 10 ప్రో 5 జీ స్మార్ట్‌ఫోన్ చక్కటి అనుభవాన్ని అందిస్తుంది. 120 హెచ్‌జెడ్ వద్ద రిఫ్రెష్ చేసే పెద్ద 6.7 అంగుళాల ఎల్‌సీడీ డిస్ప్లేతో శక్తివంతమైన వీక్షణ అనుభవాన్ని అందిస్తుంది. స్నాప్‌డ్రాగన్ 695 ప్రాసెసర్ ద్వారా పని చేసే ఈ ఫోన్ గేమింగ్ ప్రియులకు మంచి ఎంపిక 33 వాట్స్ ఫాస్ట్ చార్జింగ్ సపోర్ట్‌తో 5000 ఎంఏహెచ్ బ్యాటరీ ఈ ఫోన్ ప్రత్యేకత. ఈ ఫోన్ ధర రూ.18,999గా ఉంది.
రెడ్‌మీ నోట్ 12
రెడ్ మీ నోట్ 12 లేటెస్ట్ స్నాప్ డ్రాగన్ ఫోర్త్ జెన్ వన్ చిప్ సెట్‌తో పని చేస్తుంది. స్నాప్ స్నాప్ డ్రాగన్ 695 ఫోన్ల కంటే మరింత సమర్థవంతంగా పని చేస్తుంది. 5,000 ఎంఏహెచ్ బ్యాటరీతో పని చేసే ఈ ఫోన్ 33 వాట్స్ ఫాస్ట్ చార్జింగ్‌కు సపోర్ట్ ఇస్తుంది. 6.7 అంగుళాల ఎమోఎల్ఈడీ స్క్రీన్‌తో పని చేసే ఈ ఫోన్ ధర రూ. 17,999.
సామ్‌సంగ్ ఎం 14
సామ్‌సంగ్ ఎం 14 ప్రారంభ ధర రూ.14,999 వద్ద అందుబాటులో ఉంది. ఈ ఫోన్ కొనుగోలుపై వినియోగదారులు హెచ్‌డీఎఫ్‌సీ బ్యాంక్ క్రెడిట్ కార్డ్‌ని ఉపయోగిస్తే అమెజాన్‌లో అదనంగా ₹1,500 తగ్గింపుతో పాటు రూ.14,200 వరకూ ఎక్స్‌ఛేంజ్ ధరను పొందవచ్చు. 6.6 అంగుళాల ఫుల్ హెచ్‌డీ ఎల్‌సీడీ డిస్ప్లేతో పని చేసే ఈ ఫోన్ 50 ఎంపీ ప్రధాన కెమెరాతో వస్తుంది. అలాగే సెల్ఫీల కోసం 13 ఎంపీ ఫ్రంట్ కెమెరాతో సహా ట్రిపుల్ రియర్-కెమెరా సెటప్‌తో ఆకర్షణీయంగా ఉంటుంది. ఎక్సినోస్ 1330 ప్రాసెసర్‌తో ఆధారితమైన ఈ పరికరం 25 వాట్స్ ఫాస్ట్ ఛార్జింగ్ సపోర్ట్‌తో భారీ 6,000 ఎంఏహెచ్ బ్యాటరీతో వస్తుంది. అలాగే ఈ ఫోన్ ధర రూ.14,990గా ఉంది.
మరిన్ని టెక్నాలజీ వార్తల కోసం ఇక్కడ క్లిక్ చేయండి..
