షాకిచ్చేంత తక్కువ ధరలో పోర్ట్రానిక్స్ హార్మోనిక్స్ ట్విన్స్ ఎస్13 ఇయర్ బడ్స్
Portronics Harmonics Twins S13.. తక్కువ బడ్జెట్లో అత్యుత్తమ సౌండ్ క్వాలిటీ అందించే వైర్లెస్ ఇయర్ బడ్స్ కోసం ఎదురుచూస్తున్న వారికి ప్రముఖ టెక్ బ్రాండ్ 'పోర్ట్రానిక్స్' నుంచి అదిరిపోయే శుభవార్త అందింది. సంస్థ నుంచి సరికొత్తగా ‘హార్మోనిక్స్ ట్విన్స్ S13’ మోడల్ మార్కెట్లోకి అధికారికంగా విడుదలైంది. కేవలం రూ.599 ధరకే లభిస్తున్న ఈ ట్రూ వైర్లెస్ ఇయర్ బడ్స్, అత్యంత ఆకర్షణీయమైన స్టైలిష్ లుక్తో పాటు వినియోగదారులను కట్టిపడేసే అద్భుతమైన ఫీచర్లను కలిగి ఉన్నాయి. సుమారు 24 గంటల సుదీర్ఘ బ్యాటరీ బ్యాకప్, ప్రత్యేకమైన గేమింగ్ మోడ్తో వస్తున్న ఈ ట్రెండీ గ్యాడ్జెట్ పూర్తి వివరాలు తెలుసుకుందాం.
Updated on: Aug 15, 2026 | 9:10 PM
ప్రస్తుత ఆధునిక కాలంలో వైర్లెస్ ఇయర్ బడ్స్ వాడకం లేని స్మార్ట్ఫోన్ యూజర్ లేరనే చెప్పాలి. ముఖ్యంగా కాలేజీ విద్యార్థులు, ఆఫీస్ ఉద్యోగులు అందరూ రోజూవారీ అవసరాల కోసం వీటినే ఎక్కువగా ఉపయోగిస్తున్నారు. ఇలాంటి నేపథ్యంలో సామాన్యులకు సైతం అందుబాటు ధరలో ప్రీమియం అనుభూతిని పంచేందుకు పోర్ట్రానిక్స్ తన హార్మోనిక్స్ సిరీస్లో ఈ కొత్త మోడల్ను పరిచయం చేసింది. ఆకర్షణీయమైన క్లాసిక్ బ్లాక్ రంగులో లభించే ఈ బడ్స్ చెవిలో అత్యంత సౌకర్యవంతంగా ఇమిడిపోతాయి.
అద్భుతమైన సౌండ్ క్వాలిటీ
ఈ బడ్జెట్ ఇయర్ బడ్స్ పరిమాణంలో చిన్నగా ఉన్నప్పటికీ ఆడియో అవుట్పుట్ విషయంలో ఎక్కడా రాజీ పడలేదు. ఇందులో శక్తివంతమైన డ్రైవర్లను అమర్చడం వల్ల పాటలు వింటున్నప్పుడు క్లియర్ అయిన బాస్, ట్రిబుల్ ఆస్వాదించే అవకాశం లభిస్తుంది. అంతేకాకుండా ఇందులో లేటెస్ట్ బ్లూటూత్ వెర్షన్ 5.3 (BT 5.3v) టెక్నాలజీని వినియోగించారు. దీని కారణంగా స్మార్ట్ఫోన్కు ఇయర్ బడ్స్ క్షణాల వ్యవధిలో కనెక్ట్ అవుతాయి. ఎలాంటి అంతరాయాలు లేకుండా సిగ్నల్ స్టేబుల్గా ఉంటుది.
ప్రత్యేక గేమింగ్ మోడ్
మ్యూజిక్ లవర్స్తో పాటు గేమర్స్ను ప్రత్యేకంగా ఆకట్టుకునేలా ఇందులో ‘గేమ్/మ్యూజిక్ మోడ్’ను జోడించారు. గేమ్లు ఆడే సమయంలో లో-లాటెన్సీ సపోర్ట్ ద్వారా ఆడియో, వీడియో పర్ఫెక్ట్గా సింక్ అయ్యి అద్భుతమైన గేమింగ్ అనుభవాన్ని అందిస్తాయి. ఇక బ్యాటరీ పనితీరు విషయానికి వస్తే ఛార్జింగ్ కేస్తో కలిపి ఇది మొత్తం 24 గంటల పాటు నాన్స్టాప్ ప్లేటైమ్ను ఇస్తుంది. ఒకసారి పూర్తి ఛార్జ్ చేస్తే రోజంతా ఎలాంటి టెన్షన్ లేకుండా మ్యూజిక్ లేదా కాల్స్ ఎంజాయ్ చేయవచ్చు. అత్యంత తక్కువ ధరలో ఈ గ్యాడ్జెట్ లభించడం విశేషం.
