Think Message: ఇకపై మీరు మెసేజ్ టైప్ చేయక్కర్లేదు.. అనుకోండి అంతే సందేశం సిద్ధం అయిపోతుంది..ఎలా అంటే..
ఇప్పటివరకూ మీరు టైప్ చేయడం ద్వారా.. మాట్లాడితే అక్షరాలు పడటం ద్వారా మీ మెసేజ్ లను పంపిస్తూ వస్తున్నారు. కానీ, కేవలం మీరు మనసులో అనుకున్నది మెసేజ్ రూపంలో మీ కళ్లముందు ప్రత్యక్షం అయితే..
Think Message: ఇప్పటివరకూ మీరు టైప్ చేయడం ద్వారా.. మాట్లాడితే అక్షరాలు పడటం ద్వారా మీ మెసేజ్ లను పంపిస్తూ వస్తున్నారు. కానీ, కేవలం మీరు మనసులో అనుకున్నది మెసేజ్ రూపంలో మీ కళ్లముందు ప్రత్యక్షం అయితే.. అంటే మీరు టైప్ చేసే పని లేదా నోటితో చెప్పే అవసరం లేకుండానే మెసేజ్ తాయారు చేయవచ్చు. కేవలం మీరు మనసులో అనుకుంటే చాలు ఆ మెసేజ్ మీ ముందు ప్రత్యక్షం అయిపోతుంది. ఇది ఊరికే చెబుతున్న మాట కాదు. ఇప్పటికే ఒక వ్యక్తి అటువంటి మెసేజ్ పంపించారు. వివరాలు ఇవే..
ఆస్ట్రేలియాకు చెందిన 62 ఏళ్ల ఫిలిప్ ఒకీఫ్ కేవలం ఆలోచించడం ద్వారా సోషల్ మీడియాలో సందేశం పంపిన ప్రపంచంలోనే మొదటి వ్యక్తిగా నిలిచాడు. తన మనసులో వచ్చిన ఆలోచనను ట్వీట్గా మార్చుకున్నాడు. ఆ మెసేజ్లో, ”ఇప్పుడు కీబోర్డ్లో ఏదైనా టైప్ చేయడం లేదా చెప్పాల్సిన అవసరం లేడు. కేవలం నేను ఆలోచించడం ద్వారా ఈ సందేశాన్ని సృష్టించాను. ఓ’కీఫ్ మెదడులో ఉంచిన పేపర్ క్లిప్ అంత చిన్న ఇంప్లాంట్తో ఇది సాధ్యమైంది.” అని అతను పేర్కొన్నాడు.
పక్షవాతానికి గురైన రోగులకు సహాయంగా..
ఫిలిప్ ఎగువ శరీరం పూర్తిగా పక్షవాతానికి గురైంది. అతను గత 7 సంవత్సరాల నుంచి అమియోట్రోఫిక్ లాటరల్ స్క్లెరోసిస్ (ALS) తో బాధపడుతున్నాడు. దీని కారణంగా అతను పై అవయవాలను కదల్చలేకపోయాడు. ఇది ఒక రకమైన మోటార్ న్యూరాన్ వ్యాధి. సింక్రోన్ అనే కాలిఫోర్నియాకు చెందిన న్యూరోవాస్కులర్ ..బయోఎలక్ట్రానిక్స్ మెడిసిన్ కంపెనీ కంపెనీ కలిసి రూపొందించిన బ్రెయిన్ కంప్యూటర్ ఇంటర్ఫేస్ ‘స్టెంట్రోడ్’ ఓ కీఫ్ లాంటి లక్షలాది మంది జీవితాలను మార్చేస్తుంది.
ఈ సాంకేతికత ఆలోచన ద్వారా మాత్రమే కంప్యూటర్లో పనిచేసే సౌకర్యాన్ని ఇస్తుంది. ఒకీఫ్ వివరిస్తూ, ‘నేను ఈ సాంకేతికత గురించి విన్నప్పుడు, ఇది కొంత వరకు ఉపయోగకరంగా ఉంటుందని ఊహించాము. కానీ అది నాకు పూర్తి స్వేచ్ఛనిచ్చింది. ఈ వ్యవస్థ ఆశ్చర్యకరంగా ఉంది. .అయితే, దీనికి సాధన అవసరం. ఒకసారి అలవాటు చేసుకుంటే అది తేలికవుతుంది.అంటే బైక్ నడపడం అంత సులువుగా ఉంటుంది.
బ్యాంకింగ్, షాపింగ్ ..ఇ-మెయిల్స్ పంపడంలో సౌలభ్యం
ఇప్పుడు నేను ఎక్కడ క్లిక్ చేయాలో ఆలోచిస్తున్నాను, అప్పుడే బ్యాంకింగ్, షాపింగ్, ఇ-మెయిల్స్ పంపడం సులభం అవుతుంది. సందేశాన్ని పంపడానికి ఫిలిప్ సింక్రోన్ CEO థామస్ ఆక్స్లీ ట్విట్టర్ హ్యాండిల్ను ఉపయోగించారు. ఆక్స్లీ ప్రకారం, “ఫిలిప్ నుంచి ఈ ఆసక్తికరమైన సందేశాలు అమర్చగల మెదడు-కంప్యూటర్ ఇంటర్ఫేస్లకు ముఖ్యమైన మైలురాళ్ళు.” తీవ్రమైన పక్షవాతం ఉన్నప్పటికీ, ఫిలిప్ వంటి చాలా మంది స్వయం సమృద్ధిగా మారడానికి ఇది సహాయపడుతుంది.’
స్టాంట్రోడ్ని ఉపయోగించే రోగులు 93% క్లిక్ చేసే ఖచ్చితత్వాన్ని కలిగి ఉన్నారని ఆక్స్లీ చెబుతున్నారు. వారు ప్రతి నిమిషానికి 14 నుంచి 20 అక్షరాలను టైప్ చేయగలరు. విశేషమేమిటంటే ఈ ఇంప్లాంట్ జుగులార్ వెయిన్ ద్వారా జరుగుతుంది కాబట్టి మెదడులో శస్త్రచికిత్స అవసరం లేదు. మెడపై రక్తనాళం ద్వారా స్టెంట్రోడ్ అమరుస్తారు. ఇందులో కదలికలను రికార్డ్ చేసే సెన్సార్లు అమర్చి ఉంటాయి. మెదడు నుంచి వచ్చే సంకేతాలు టెలిమెట్రీ ద్వారా ఛాతీపై ఉన్న ట్రాన్స్మిటర్కు చేరుతాయి. ప్రాసెస్ చేసిన తర్వాత సిగ్నల్స్ కంప్యూటర్ కమాండ్లుగా మారతాయి. ఐ ట్రాకర్ కర్సర్ను నావిగేట్ చేయడానికి సహాయపడుతుంది.
ఇవి కూడా చదవండి: Silent Heart Attack: నిశ్శబ్ద గుండెపోటు అంటే ఏమిటి? దాని లక్షణాలు ఎలా ఉంటాయి..?
Viral Video: తాబేలు కారుపై జోరుగా షికారు .. రేసు కోసం ప్రాక్టీస్ అంటూ నెటిజన్లు ఫన్నీ కామెంట్స్..