Nokia G50: మార్కెట్లోకి నోకియా 5జీ స్మార్ట్‌ఫోన్‌.. అదిరిపోయే ఫీచర్స్‌.. ధర ఎంతంటే..

Nokia G50: ప్రస్తుతం కస్టమర్లను మరింతగా ఆకట్టుకునేందుకు మార్కెట్లో రకరకాల స్మార్ట్‌ఫోన్లు విడుదలవుతున్నాయి. కొత్త కొత్త ఫీచర్స్‌ను జోడిస్తూ అందుబాటులోకి..

Subhash Goud |

Updated on: Sep 24, 2021 | 9:52 PM

Nokia G50: ప్రస్తుతం కస్టమర్లను మరింతగా ఆకట్టుకునేందుకు మార్కెట్లో రకరకాల స్మార్ట్‌ఫోన్లు విడుదలవుతున్నాయి. కొత్త కొత్త ఫీచర్స్‌ను జోడిస్తూ అందుబాటులోకి తీసుకువస్తున్నాయి పలు మొబైల్‌ కంపెనీలు. ఒకప్పుడు బేసిక్, ఫీచర్ మోడళ్లతో ఓ వెలుగు వెలిగిన నోకియా ఇప్పుడు 4జీ, 5జీ ఫోన్‌లతో స్మార్ట్‌ ఫోన్‌ మార్కెట్‌ను దూసుకెళ్లేందుకు ప్రయత్నాలు కొనసాగిస్తోంది. తాజాగా కొత్త కొత్త ఫోన్లను విడుదల చేస్తోంది. ఇటీవల మార్కెట్లో ఎక్స్‌ఆర్‌20ను విడుదల చేస్తున్నట్లు ప్రకటించిన నోకియా.. ఇప్పుడు నోకియా జీ సిరీస్‌లో 5జీ ఫస్ట్‌ ఫోన్‌ని భారత మార్కెట్‌లో విడుదల చేయనున్నట్లు వెల్లడించింది. ప్రస్తుతం ఈ ఫోన్‌ యూకే మార్కెట్‌లో అందుబాటులో ఉండగా, మరికొన్ని రోజుల్లో భారత మార్కెట్లో విడుదల కానుంది.

నోకియా జీ50 ఫీచర్స్‌..

నోకియా జీ50 ఫోన్‌ ఆండ్రాయిడ్‌ వెర్షన్‌లో మార్కెట్లో విడుదల కానుంది. 6.82 అంగుళాల డిస్‌ప్లే, బ్రైట్‌నెస్‌ కోసం 450నిట్స్‌, 4 జీబీ ర్యామ్‌, క్వాల్‌కమ్‌ స్నాప్‌ డ్రాగన్‌ 480ఎస్‌ఓఎస్‌,48 మెగా పిక్సెల్‌ ప్రైమరీ సెన్సార్‌తో ట్రిపుల్‌ రేర్‌ కెమెరా సెటప్‌ ఉండనుంది. అలాగే 5మెగా పిక్సెల్‌ ఆల్ట్రా వైడ్‌ షూటర్‌, 2మెగా పిక్సల్‌డెప్త్‌ సెన్సార్‌, 8 మెగా పిక్సెల్‌ సెల్ఫీ కెమెరా సెన్సార్‌తో అందుబాటులోకి రానుంది. 5,000ఎంఏహెచ్‌ బ్యాటరీ, 18 వాల్ట్‌ల ఫాస్ట్‌ ఛార్జింగ్‌ పోర్ట్‌ చేయనుంది. 64జీబీ ఇంట్రనల్‌ కెమెరా, 512జీబీ వరకు మైక్రో ఎస్‌డీ కెమెరా,4జీ, 5జీ నెట్‌వర్క్‌లకు కనెక్టివిటీ ఆప్షన్‌, వైఫై 802.11ఏసీ, వీ5.0 బ్లూటూత్‌, జీపీఎస్‌-ఏజీపీఎస్‌ ట్రాకర్‌,ఎన్‌ఎఫ్‌సీ, యూఎస్‌బీ, టైప్‌సీ పోర్ట్‌, సెన్సార్లను రిసీవ్‌ చేసుకునేందుకు యాంబీనెట్‌ లైట్‌, ఫోన్‌ ఆటో రొటేట్‌ కోసం జిరోస్కోప్‌ ఫీచర్లను యాడ్‌ చేసింది కంపెనీ.

ధర ఎంతంటే..

నోకియా జీ50 4జీబీ ర్యామ్‌ 64 ఇంట్రనల్‌ స్ట్రోరేజ్‌తో వస్తున్న ఈ స్మార్ట్‌ఫోన్‌ ధర యూకే మార్కెట్‌లో రూ.20 వేలల్లో లభించనుంది. మిడ్‌నైట్‌ సన్‌, బ్లూ ఓషన్‌ కలర్స్‌లో లభ్యం కానుంది. ప్రస్తుతం ఈ 5జీ ఫోన్‌ యూకే మార్కెట్‌లో పెద్ద ఎత్తున అమ్మకాలు చేస్తుండగా.. మరోవైపు అఫార్డ్‌బుల్‌ ప్రైస్‌లో 4జీ మోడల్‌ ఫోన్‌లు నోకియా జీ10,నోకియా జీ20 ఫోన్లను విడుదల చేసేందుకు ప్రయత్నాలు చేస్తోంది.