సరికొత్త రేంజ్‌లో కొమాకి ఎలక్ట్రిక్‌ స్కూటర్.. డైలీ జర్నీకి బెస్ట్‌ ఆప్షన్‌.. ఎందుకంటే

సింగిల్ ఛార్జ్‌తో ఏకంగా 150 కిలోమీటర్ల వరకు ప్రయాణించే రేంజ్ మరియు మెటల్ బాడీతో కూడిన మన్నిక, ఈ కొత్త స్కూటర్ల ప్రత్యేకత. LiFePO4 బ్యాటరీ సాంకేతికతతో, మెయింటెనెన్స్ ఖర్చు తక్కువగా ఉండేలా వీటిని రూపొందించారు. ఫీచర్ల పరంగా కూడా ఎంతో అడ్వాన్స్‌డ్‌గా ఉన్న ఈ స్కూటర్ల పూర్తి విశేషాలను, వీటిలోని సాంకేతిక అంశాలను తెలుసుకుందాం!

మెటల్ బాడీ – అసాధారణ మన్నిక

సాధారణంగా ఈ ధరలో వచ్చే ఎలక్ట్రిక్ స్కూటర్లు ఫైబర్ బాడీతో ఉంటాయి. కానీ, కోమాకి తన MG Pro సిరీస్‌లో బలమైన ‘మెటల్ బాడీ’ని అందిస్తోంది. ఇది రోజువారీ వినియోగంలో స్కూటర్‌కు మరింత బలాన్ని, మన్నికను ఇస్తుంది. ముఖ్యంగా గుంతలు ఎక్కువగా ఉండే రోడ్ల మీద కూడా ఎలాంటి ఇబ్బంది లేకుండా, సురక్షితంగా ప్రయాణించేందుకు ఈ మెటల్ నిర్మాణం ఎంతో తోడ్పడుతుంది.

అద్భుతమైన రేంజ్

ప్రయాణీకుల అవసరాలకు తగ్గట్టుగా కోమాకి రెండు ఆప్షన్లను ఇచ్చింది:

• MG Pro V: ఒక్కసారి ఛార్జ్ చేస్తే 90 నుంచి 100 కిలోమీటర్ల వరకు ప్రయాణించవచ్చు.
• MG Pro+: ఇది 150 కిలోమీటర్ల కంటే ఎక్కువ రేంజ్‌ను అందిస్తుంది, ఇది లాంగ్ రైడ్స్ చేసే వారికి బెస్ట్ ఆప్షన్. ఈ స్కూటర్లలో BLDC హబ్ మోటార్‌తో పాటు ‘LiFePO4’ బ్యాటరీని ఉపయోగించారు. సాధారణ లిథియం-అయాన్ బ్యాటరీలతో పోలిస్తే, ఇవి ఎక్కువ కాలం మన్నికను ఇవ్వడమే కాకుండా, భద్రత పరంగా కూడా ఎంతో సురక్షితమైనవి. తక్కువ మెయింటెనెన్స్ ఖర్చు ఉండటం వినియోగదారులకు అదనపు ప్రయోజనం.

స్మార్ట్ ఫీచర్లు

ఫీచర్ల విషయంలో కొమాకి ఏమాత్రం రాజీ పడలేదు. మొబైల్ యాప్ కనెక్టివిటీ ద్వారా బ్యాటరీ స్టేటస్ మరియు రేంజ్ వివరాలను సులభంగా తెలుసుకోవచ్చు. వీటితో పాటు ఫ్రంట్ డిస్క్ బ్రేక్, టెలిస్కోపిక్ సస్పెన్షన్, యాంటీ థెఫ్ట్ లాక్, పార్కింగ్ అసిస్ట్, రిపేర్ మోడ్ వంటి అధునాతన ఫీచర్లు ఇందులో ఉన్నాయి. MG Pro+ మోడల్‌లో స్టోరేజ్ స్పేస్ కూడా ఎక్కువగా ఉంటుంది. ధరల విషయానికి వస్తే, MG Pro V రూ. 73,999 మరియు MG Pro+ రూ. 79,999 (ఎక్స్-షోరూమ్) గా నిర్ణయించారు.

సరసమైన ధరలో బలమైన, నాణ్యమైన ఎలక్ట్రిక్ స్కూటర్ కోసం చూస్తున్న వారికి కోమాకి MG Pro సిరీస్ ఒక పర్ఫెక్ట్ ఛాయిస్. మీరు కూడా రోజువారీ ఆఫీస్ ప్రయాణాలకు లేదా సిటీలో తిరగడానికి ఒక నమ్మకమైన వాహనాన్ని వెతుకుతున్నట్లయితే, కచ్చితంగా ఈ కొత్త మోడళ్లను ఒకసారి పరిశీలించండి