BSNLతో Jio కీలక ఒప్పందం.. ప్లాన్‌ మామూలుగా లేదుగా.. బీఎస్‌ఎన్‌ఎల్‌ నెట్‌వర్క్‌తో జియో కాలింగ్‌

Jio-BSNL: ముఖేష్‌ అంబానీ వేసే ప్లాన్స్‌ మామూలుగా ఉండదు. ఎందుకంటే తన బిజినెస్‌ను మెరుగుపర్చుకోవడానికి ఏదైనా చేస్తాడు. బిజినెస్‌ మెన్‌కు ఉన్న లక్షణాలు స్పష్టంగా కనిపిస్తుంది. రిలయన్స్ జియో కనెక్టివిటీని మెరుగుపరచడానికి ప్రభుత్వ రంగ టెలికాం సంస్థ BSNLతో భాగస్వామ్యం కుదుర్చుకుంది.

జియో (Jio), BSNL తమ నెట్‌వర్క్ కవరేజీని విస్తరించడానికి భాగస్వామ్యం చేసుకున్నాయి. దీని ప్రకారం, జియో సిగ్నల్ లేని మారుమూల ప్రాంతాల్లోని వినియోగదారులు ఇప్పుడు BSNL నెట్‌వర్క్‌ను ఉపయోగించుకోవచ్చు,

ఇది కూడా చదవండి: Gold Price Today: దిగి వస్తున్న బంగారం.. తెలుగు రాష్ట్రాల్లో తులం ధర ఎంతంటే..

జియో కస్టమర్లు బలమైన నెట్‌వర్క్‌ను పొందుతారు. జియో వినియోగదారులు తరచుగా సిగ్నల్ లేని మారుమూల ప్రాంతాలలో కూడా ఇప్పుడు BSNL నెట్‌వర్క్ ద్వారా సులభంగా కాల్స్ చేయవచ్చు. ఇంటర్నెట్‌ను కూడా యాక్సెస్ చేయవచ్చు. రానున్న రోజుల్లో అన్ని ప్రాంతాల్లో విస్తరించవచ్చు.

ఈ ఒప్పందం వల్ల జియో వినియోగదారులు మారుమూల ప్రాంతాల్లో కూడా కనెక్టివిటీని ఆస్వాదించవచ్చు.

టెలికామ్‌టాక్ నివేదిక ప్రకారం.. జియో ఎంపిక చేసిన ప్రీపెయిడ్ రీఛార్జ్‌లతో BSNL ICR సేవ అందుబాటులో ఉందని తెలిపింది. ఈ ప్లాన్‌లతో జియో వినియోగదారులు ఎంపిక చేసిన ప్రదేశాలలో బీఎస్‌ఎన్‌ఎల్‌ నెట్‌వర్క్‌కు కనెక్ట్ అవ్వవచ్చు. అదే భౌగోళిక ప్రాంతంలో వాయిస్, డేటా,SMS సేవలను ఉపయోగించవచ్చు.

ఈ ప్లాన్‌లు జియో వినియోగదారులకు ఇంట్రా-సర్కిల్ రోమింగ్ (ICR)ని అనుమతిస్తాయి. జియో కనెక్టివిటీ తక్కువగా ఉన్న లేదా ఉనికిలో లేని మారుమూల లేదా గ్రామీణ ప్రాంతాలలో బీఎస్‌ఎన్‌ఎల్‌ నెట్‌వర్క్‌కు కనెక్ట్ అవ్వడానికి వీలు కల్పిస్తాయి. ప్రస్తుతం ఈ ప్లాన్‌లు ఛత్తీస్‌గఢ్, మధ్యప్రదేశ్‌లోని వినియోగదారుల కోసం ప్రారంభించారు.

ఇదిలా ఉండగా, రిలయన్స్ జియో వినియోగదారుల కోసం రెండు ప్లాన్‌లను ప్రారంభించింది. రూ. 196,రూ. 396, రెండూ 28 రోజుల చెల్లుబాటుతో ఉంది.

జియో 196 ప్లాన్ 2GB హై-స్పీడ్ డేటా, 1,000 నిమిషాల వాయిస్ కాలింగ్, 1,000 SMS లను అందిస్తుంది. జియో 396 ప్లాన్ 10 GB హై-స్పీడ్ డేటా, 1000 SMS, 1000 నిమిషాల కాలింగ్ ను అందిస్తుంది.

మారుమూల ప్రాంతాల్లో జియో వినియోగదారులు ఎదుర్కొంటున్న నెట్‌వర్క్ సమస్యలను పరిష్కరించడానికి కంపెనీ అన్ని ప్రయత్నాలు చేస్తోందని ఈ భాగస్వామ్యం స్పష్టంగా చూపిస్తుంది. జియో నెట్‌వర్క్ పరిధి పరిమితంగా ఉన్న ప్రాంతాల్లోని వినియోగదారులకు మెరుగైన, బలమైన నెట్‌వర్క్‌ను అందించడానికి BSNLతో కంపెనీ భాగస్వామ్యం దాని నిబద్ధతను కూడా చూపిస్తుంది.

• భాగస్వామ్యం: జియో, BSNL మధ్య ఇంట్రా-సర్కిల్ రోమింగ్ (ICR) ఒప్పందం కుదిరింది.
• ఎలా పనిచేస్తుంది: జియో సిగ్నల్ సరిగా లేని చోట్ల లేదా అసలు లేని మారుమూల ప్రాంతాల్లో, జియో వినియోగదారులు స్వయంచాలకంగా BSNL నెట్‌వర్క్‌కు కనెక్ట్ అవుతారు.
• ప్రయోజనం: ఈ భాగస్వామ్యం వల్ల జియో వినియోగదారులు గ్రామీణర, మారుమూల ప్రాంతాలలో కూడా నిరంతరాయంగా కాల్స్ , డేటా సేవలను పొందగలుగుతారు.
• భవిష్యత్తు: ఈ ఒప్పందం వల్ల జియో వినియోగదారులకు కవరేజ్ సమస్యలు తగ్గుతాయి.

మరిన్ని బిజినెస్ వార్త ల కోసం ఇక్కడ క్లిక్ చేయండి