IRCTC Alert: ఐఆర్సీటీసీ యాప్ డౌన్లోడ్ చేస్తున్నారా..? అయితే మీరు ఈ వార్త పక్కాగా చదవాల్సిందే
స్మార్ట్ ఫోన్ వినియోగం పెరగడంతో ఇండియన్ రైల్వేస్ కూడా ఐఆర్సీటీసీ యాప్ ద్వారా టిక్కెట్లను బుక్ చేసుకునే సదుపాయం కల్పించింది. అయితే ప్రస్తుతం ఓ నకిలీ ఐఆర్సీటీసీ యాప్పై ఇండియన్ రైల్వేస్ వినియోగదారులకు హెచ్చరిక చేసింది. ఐఆర్సీటీసీ రైల్ కనెక్ట్ అనే యాప్ నకిలీదని, దాన్ని డౌన్లోడ్ చేసి మోసపోవద్దని హెచ్చరికలు చేసింది. కచ్చితంగా వినియోగదారులు ఐఆర్సీటీసీ అధికారిక యాప్ను డౌన్లోడ్ చేసుకోవాలని సూచించింది.
Updated on: Aug 05, 2023 | 6:30 PM
పెరుగుతున్న టెక్నాలజీ కారణంగా అన్ని సేవలు ఇంట్లోనుంచి పొందే సదుపాయాలు పొందాయి. ముఖ్యంగా రైళ్లల్లో ప్రయాణించేందుకు గతంలో టికెట్ బుక్ చేసుకునేందుకు రైల్వే స్టేషన్కు వెళ్లాల్సి వచ్చేది. అయితే స్మార్ట్ ఫోన్ వినియోగం పెరగడంతో ఇండియన్ రైల్వేస్ కూడా ఐఆర్సీటీసీ యాప్ ద్వారా టిక్కెట్లను బుక్ చేసుకునే సదుపాయం కల్పించింది. అయితే ప్రస్తుతం ఓ నకిలీ ఐఆర్సీటీసీ యాప్పై ఇండియన్ రైల్వేస్ వినియోగదారులకు హెచ్చరిక చేసింది. ఐఆర్సీటీసీ రైల్ కనెక్ట్ అనే యాప్ నకిలీదని, దాన్ని డౌన్లోడ్ చేసి మోసపోవద్దని హెచ్చరికలు చేసింది. కచ్చితంగా వినియోగదారులు ఐఆర్సీటీసీ అధికారిక యాప్ను డౌన్లోడ్ చేసుకోవాలని సూచించింది. అయితే ఈ నకిలీ ఐఆర్సీటీసీ యాప్ నుంచి ఎలా రక్షణ పొందాలో? ఓ సారి తెలుసుకుందాం.
కొంతమంది మోసగాళ్లు ఐఆర్సీటీసీ యూజర్లకు భారీ స్థాయిలో ఫిషింగ్ లింక్లను పంపుతున్నారని ఐఆర్సీటీసీ అధికారులు హెచ్చరించారు. సాధారణ పౌరులను మోసగించడానికి నకిలీ ఐఆర్సీటీసీ రైల్ కనెక్ట్ మొబైల్ యాప్ను డౌన్లోడ్ చేయాలని సూచిస్తుంది. ఐఆర్సీటీసీ లేటెస్ట్ యాప్ ఇదేనంటూ ఆ సందేశంలో ఉండడంతో చాలా మంది ఆ హానికరమైన యాప్ను డౌన్లోడ్ చేసకుంటారు. అయితే వినియోగదారులు కచ్చితంగా మోసగాళ్ల బారిన పడవద్దని అధికారులు ట్వీట్ ద్వారా హెచ్చరించారు. ముఖ్యంగా గూగుల్ ప్లే స్టోఆర్ లేదా అధికారి యాపిల్ స్టోర్ నుంచి ఐఆర్సీటీసీ యాప్ను డౌన్లోడ్ చేసుకోవాలని సూచిస్తున్నారు.
ఏప్రిల్ 2023లో కూడా వినియోగదారుల నుంచి సున్నితమైన డేటాను దొంగిలించడానికి స్కామర్లు ఉపయోగించే నకిలీ ఆండ్రాయిడ్ యాప్, సంబంధిత వెబ్సైట్ గురించి ఐఆర్సీటీసీ తన కస్టమర్లందరినీ అప్రమత్తం చేసింది. యాప్, వెబ్సైట్ నిజమైన IRCTC అప్లికేషన్, సైట్తో సారూప్యతను కలిగి ఉంటాయి. దీని వల్ల వినియోగదారులు వాటిని వేరు చేయడం కష్టమవుతుంది. ఐఆర్సీటీసీ కనెక్ట్ ఏపీకే పేరుతో నకిలీ యాప్ వాట్సాప్, టెలిగ్రామ్ ద్వారా ఫార్వార్డ్ అవుతుంది. ఐఆర్సీటీసీ నుంచి రైలు టిక్కెట్లను బుక్ చేసుకోవడానికి, యూపీఐ వివరాలు, క్రెడిట్/డెబిట్ కార్డ్తో సహా సున్నితమైన నెట్ బ్యాంకింగ్ ఆధారాలను పొందేందుకు ఈ నకిలీ వెబ్సైట్, యాప్ను స్కామర్లు వాడుతున్నారు. ముఖ్యంగా సందేశాల ద్వారా ఏపీకే ఫైల్ లింక్ను వినియోగదారులకు పంపేవారు. అప్పుడు ఐఆర్సీటీసీ యూజర్ల అలెర్ట్ చేసింది. ముఖ్యంగా ఐఆర్సీటీ యాప్ అప్డేట్ను సందేశాల ద్వారా పంపదని వినియోగదారులు గుర్తుంచుకోవాలని నిపుణులు సూచిస్తున్నారు.
మరిన్ని టెక్నాలజీ వార్తల కోసం క్లిక్ చేయండి..
