iQOO Z9s series: ఐకూ నుంచి అదిరిపోయే స్మార్ట్ ఫోన్లు.. మిడ్ రేంజ్లో టాప్ క్లాస్ ఫీచర్లు..
ఐకూ జె9ఎస్ సిరీస్ను ఈ నెల 21న లాంచ్ చేసింది. ఐకూ జెడ్9ఎస్ ప్రో 5జీ, ఐకూ జెడ్9ఎస్ 5జీ పేరుతో రెండు మోడళ్లను లాంచ్ చేసింది. వీటిల్లో క్వాల్కామ్, మీడియాటెక్ మిడ్ రేంజ్ ప్రాసెసర్లను అందిస్తోంది. 120హెర్జ్ రిఫ్రెష్ రేట్తో 6.77-అంగుళాల అమోల్డ్ స్క్రీన్లను కలిగి ఉంటాయి. ఈ రెండూ ఆండ్రాయిడ్ 14పై నడుస్తాయి.
![iQOO Z9s series: ఐకూ నుంచి అదిరిపోయే స్మార్ట్ ఫోన్లు.. మిడ్ రేంజ్లో టాప్ క్లాస్ ఫీచర్లు..](https://images.tv9telugu.com/wp-content/uploads/2024/08/iqoo-z9s-pro-5g-and-iqoo-z9s-5g.jpg?w=1280)
ఐకూ స్మార్ట్ ఫోన్ బ్రాండ్.. మన దేశంలో లాంచ్ అయిన అతి కొద్ది రోజుల్లోనే మంచి గుర్తింపు తెచ్చుకుంది. బెస్ట్ ఫీచర్లను అందించే బ్రాండ్ గా అధిక ప్రజాదరణ పొందుతోంది. ఈ కంపెనీ ఫోన్లకు మార్కెట్లో మంచి డిమాండే ఏర్పడుతోంది. ఈ క్రమంలో ఐకూ జె9ఎస్ సిరీస్ను ఈ నెల 21న లాంచ్ చేసింది. ఐకూ జెడ్9ఎస్ ప్రో 5జీ, ఐకూ జెడ్9ఎస్ 5జీ పేరుతో రెండు మోడళ్లను లాంచ్ చేసింది. వీటిల్లో క్వాల్కామ్, మీడియాటెక్ మిడ్ రేంజ్ ప్రాసెసర్లను అందిస్తోంది. 120హెర్జ్ రిఫ్రెష్ రేట్తో 6.77-అంగుళాల అమోల్డ్ స్క్రీన్లను కలిగి ఉంటాయి. ఈ రెండూ ఆండ్రాయిడ్ 14పై నడుస్తాయి. కంపెనీ ఫన్ టచ్ ఓఎస్ 14 ఆధారంగా పనిచేస్తుంది. ఐకూ జెడ్9ఎస్ ప్రో 5జీ కి 80వాట్లు, ఐకూ జెడ్9ఎస్ 5జీ కి 44వాట్ల ఫాస్ట్ చార్జింగ్ సపోర్టుతో ఉండే 5,500ఎంఏహెచ్ బ్యాటరీని ఇచ్చారు. ఈ ఫోన్ల విక్రయాలు ఆగస్టు 23 నుంచి అంటే శుక్రవారం నుంచి ప్రారంభవుతున్నాయి. ఈ నేపథ్యంలో ఈ రెండు ఫోన్ల పూర్తి స్పెసిఫికేషన్లు, ఫీచర్ల గురించి తెలుసుకుందాం..
ఐకూ జెడ్9ఎస్ ప్రో 5జీ, ఐకూ జెడ్9ఎస్ 5జీ ధర..
- ఐకూ జెడ్9ఎస్ ప్రో 5జీ 8జీబీ ర్యామ్, 128జీబీ ఇంటర్నల్ మెమరీతో వస్తుంది. దీని ధర రూ. 24,999గా ఉంది. ఇదే ఫోన్ 8జీబీ ర్యామ్, 256జీబీ మెమరీ, 12జీబీ ర్యామ్, 256జీబీ మెమరీతో కూడా అందుబాటులో ఉంటుంది. వీటి ధరలు వరుసగా రూ. 26,999, రూ. 28,999గా ఉన్నాయి. ఫ్లాంబాయింట్ ఆరెంజ్, లక్స్ మార్బుల్ కలర్ ఆప్షన్లలో ఇది ఆగస్టు 23 నుంచి కొనుగోలు దారులకు అందుబాటులో ఉంటుంది.
- ఐకూ జెడ్9ఎస్ 5జీ ఫోన్ 8జీబీ ర్యామ్, 128జీబీ స్టోరేజ్ ధర రూ. 19,999గా ఉంది. అదే సమయంలో 8జీబీ ర్యామ్, 256జీబీ వేరియంట్ ధర రూ. 21,999, 12జీబీ ర్యామ్, 256జీబీ స్టోరేజ్ ధర రూ. 23,999గా ఉంది. ఈ ఫోన్ ఆగస్టు 29 నుంచి కొనుగోలు దారులకు అందుబాటులో ఉంటుంది. ఓనిక్స్ గ్రీన్, టైటానియ్ మ్యాటే కలర్ ఆప్షన్ల అందుబాటులో ఉంటుంది.
ప్రారంభ ఆఫర్ ఇది..
ఐకూ కంపెనీ ప్రారంభ ఆఫర్ కింద ఐకూ జెడ్9ఎస్ ప్రో 5జీని హెచ్డీఎఫ్సీ, ఐసీఐసీఐ బ్యాంక్ డెబిట్ కార్డులను ఉపయోగించి కొనుగోలు రూ.3,000 తగ్గింపును అందిస్తోంది. అలాగే ఐకూ జెడ్9ఎస్ 5జీపై 2,000 తగ్గింపు లభిస్తోంది. రెండు స్మార్ట్ఫోన్లు ప్రముఖ ఈ-కామర్స్ ప్లాట్ ఫారం అమెజాన్ తో పాటు ఐకూ అధికారికి ఇ-స్టోర్లో కొనుగోలు చేయడానికి అందుబాటులో ఉంది.
ఐకూ జెడ్9ఎస్ ప్రో 5జీ, ఐకూ జెడ్9ఎస్ 5జీ స్పెసిఫికేషన్లు..
ఈ రెండూ డ్యూయల్-సిమ్ (నానో+నానో) హ్యాండ్సెట్లు. ఇవి ఆండ్రాయిడ్ 14-ఆధారిత ఫన్ టచ్ ఓఎస్ 14 అవుట్-ఆఫ్-ది-బాక్స్లో రన్ అవుతాయి. అవి 120హెర్జ్ రిఫ్రెష్ రేట్తో 6.77-అంగుళాల ఫుల్ హెచ్డీ ప్లస్ (1,080×2,392 పిక్సెల్లు) అమోల్డ్ స్క్రీన్ను కలిగి ఉంటాయి. ఐకూ జెడ్9ఎస్ ప్రో 5జీ స్నాప్డ్రాగన్ 7 జెన్ 3 చిప్సెట్ ద్వారా శక్తిని పొందుతుంది. ఐకూ జెడ్9ఎస్ 5జీ మీడియా టెక్ డైమెన్సిటీ 7300 ఎస్ఓసీపై నడుస్తుంది.
ఈ రెండు స్మార్ట్ఫోన్లను 50-మెగాపిక్సెల్ ప్రైమరీ కెమెరాతో వస్తాయి. ప్రామాణిక మోడల్లో 2-మెగాపిక్సెల్ డెప్త్ సెన్సార్ కూడా ఉంది. అయితే ప్రో మోడల్లో 8-మెగాపిక్సెల్ అల్ట్రా-వైడ్ యాంగిల్ కెమెరా కూడా ఉంటుంది. సెల్ఫీలు, వీడియో చాట్ల కోసం, రెండింటిలోనూ 16-మెగాపిక్సెల్ ఫ్రంట్ ఫేసింగ్ కెమెరాను కలిగి ఉన్నాయి.
రెండు హ్యాండ్సెట్లలోని కనెక్టివిటీ ఎంపికలలో 5జీ, 4జీ ఎల్టీఈ, వైఫై6, బ్లూటూత్ 5.4, జీపీఎస్, యూఎస్బీ టైప్-సి పోర్ట్ ఉన్నాయి. బోర్డ్లోని సెన్సార్లలో యాక్సిలరోమీటర్, ఇ-కంపాస్, గైరోస్కోప్, ప్రాక్సిమిటీ సెన్సార్, యాంబియంట్ లైట్ సెన్సార్ ఉన్నాయి.
5,500ఎంఏహెచ్ బ్యాటరీ రెండింటిలోనూ ఉంటుంది. ప్రో మోడల్ వేగవంతమైన 80వాట్ల ఫ్లాష్ చార్జ్ ఫీచర్ ను కలిగి ఉంటుంది. అయితే ప్రామాణిక మోడల్లో 44వాట్ల ఫాస్ట్ చార్జింగ్ సపోర్టు ఉంటుంది. దుమ్ము, స్ప్లాష్ నిరోధకత కోసం ఐపీ64 రేటింగ్ను కలిగి ఉంటుంది.
మరిన్ని టెక్నాలజీ వార్తల కోసం ఇక్కడ క్లిక్ చేయండి..