Android Smartphone: ఆండ్రాయిడ్ ఫోన్లు వాడేవారికి బిగ్ అలర్ట్.. ఈ పని చేయకపోతే మీ ఫోన్ హ్యాక్ కావొచ్చు.. వెంటనే జాగ్రత్త పడండి

ప్రముఖ టెక్ దిగ్గజం గూగుల్ కీలక ప్రకటన చేసింది. ఆండ్రాయిడ్ స్మార్ట్‌ఫోన్లను వాడేవారికి కీలక అలర్ట్ జారీ చేసింది. ఆండ్రాయిడ్ 12 లేదా అంతకంటే తక్కువ వెర్షన్లను వాడుతున్నవారికి హెచ్చరిక జారీ చేసింది. ఈ వెర్షన్ ఫోన్లకు సెక్యూరిటీ ప్యాచ్ అప్‌డేట్‌లను నిలిపివేసింది.

Smartphones

Venkatrao Lella |
Updated on: Feb 08, 2026 | 4:26 PM

ప్రస్తుతం స్మార్ట్‌ఫోన్లు ఉపయోగిస్తున్నవారిలో ఎక్కువమంది ఆండ్రాయిడ్ యూజర్లు ఉన్నారు. ఐఓఎస్ కంటే ఆండ్రాయిడ్ ఫోన్లను ఉపయోగించేందుకు ఆసక్తిచూపేవారే ఎక్కువమంది ఉన్నారు. ఎవరి చేతుల్లో చూసినా ఎక్కువగా ఆండ్రాయిడ్ వెర్షన్ స్మార్ట్‌ఫోన్లు కనిపిస్తూ ఉంటాయి. ప్రపంచవ్యాప్తంగా దాదాపు కోట్ల సంఖ్యలో ఆండ్రాయిడ్ యూజర్లు ఉన్నారు. అయితే ఆండ్రాయిడ్ వెర్షన్లను ఎప్పటికప్పుడు అప్డేట్ చేస్తూ ఉంటారు. కొత్త కొత్త అప్‌డేటెడ్ వెర్షన్లు వస్తూనే ఉన్నాయి. ఈ క్రమంలో తాజాగా ఆండ్రాయిడ్ యూజర్లకు టెక్ దిగ్గజం గూగుల్ బిగ్ షాకిచ్చింది. ఆండ్రాయిడ్ 12 లేదా అంతకంటే పాత వెర్షన్లపై పని చేస్తున్న స్మార్ట్‌ఫోన్ యూజర్లకు భారీ షాకిచ్చింది. ఆ వెర్షన్లకు ఇక నుంచి సెక్యూరిటీ ప్యాచ్ అప్‌డేట్‌లు ఆపివేస్తున్నట్లు వెల్లడించింది.

కేవలం 58 శాతం మందే కొత్త వెర్షన్లు

స్మార్ట్‌ఫోన్ యూజర్లలో కేవలం 58 శాతం మంది మాత్రమే ఆండ్రాయిడ్ 13 లేదా అంతకంటే ఎక్కువ అప్‌గ్రేడ్ వెర్షన్లు వాడుతున్నారు. ఇక ఆండ్రాయిడ్ లేటెస్ట్ వెర్షన్లు కేవలం 7.5 శాతం మంది మాత్రమే ఉపయోగిస్తున్నారు. ప్రస్తుతం ఆండ్రాయిడ్ 13 నుంచి 16 వెర్షన్లు వరకు ఉన్న ఫోన్లలో సెక్యూరిటీ అప్‌డేట్‌లు అందిస్తున్నారు. ఇక ఆండ్రాయిడ్ 9 లేదా అంతకంటే పాత వెర్షన్ల నుంచి ఆండ్రాయిడ్ 12 వరకు వాడుతున్న వారికి సెక్యూరిటీ ప్యాచ్ అప్డేట్‌లు ఆగిపోనున్నాయి. దీంతో ఈ వెర్షన్ల ఆండ్రాయిడ్ ఫోన్లు వాడుతున్నవారు సైబర్ దాడులు, మాల్వ్‌వేర్ దాడుల బారిన పడవచ్చు.