Apple vs Google: గూగుల్ ప్రస్థానం ముగుస్తుందా? భారీ స్కెచ్ వేసిన యాపిల్.. ఆ మార్కెట్‌లో ఇకపై హోరాహోరీ పోరు..

Apple

Apple Search Engine: స్మార్ట్‌ఫోన్ ఆపరేటింగ్ సిస్టమ్ మార్కెట్లో కేవలం రెండు సంస్థలు మాత్రమే కీలకంగా వ్యవహరిస్తున్నాయి. అందులో ఒకటి ఆపిల్(Apple ) కాగా, మరొకటి గూగుల్(Google). స్మార్ట్‌ఫోన్ మార్కెట్‌లో గుత్తాధిపత్యం చేస్తున్నాయి. తాజాగా గూగుల్ కథ ముగించేందుకు యాపిల్ సంస్థ ఓ భారీ స్కెచ్ వేసినట్లు వార్తలు వినిపిస్తున్నాయి. దీంతో గూగుల్ సంస్థకు భారీగా పోటీ ఇచ్చేందుకు సిద్ధమైనట్లు తెలుస్తోంది. సెర్చ్ ఇంజిన్ మార్కెట్‌లో గూగుల్‌కు సవాల్ విసిరేందుకు యాపిల్ సిద్ధమవుతున్నట్లు వార్తలు వినిపిస్తున్నాయి. సెర్చ్ ఇంజన్ మార్కెట్‌లో గూగుల్‌తో పాటు చాలా సంస్థలు ఉన్నాయి. అయినా ఎవరూ గూగుల్‌తో పోటీపడే స్థితిలో లేకపోవడం విశేషం. ఇదే విషయాన్ని యాపిల్ సిరీయస్‌గా తీసుకుందంట. దీనిపైనే ప్రస్తుతం పనిచేస్తున్నట్లు తెలుస్తోంది.

నివేదికల మేరకు, ఆపిల్ సెర్చ్ ఇంజిన్ విభాగంలో గూగుల్‌తో పోటీ పడేందుకు సిద్ధమవుతోంది. కంపెనీ త్వరలో వినియోగదారు-కేంద్రీకృత సెర్చ్ ఇంజిన్‌ను ప్రకటించవచ్చని తెలుస్తోంది. అయితే, వినియోగదారులు ఈ సెర్చ్ ఇంజిన్‌ను పూర్తిగా ఉపయోగించడానికి జనవరి 2023 వరకు వేచి ఉండాల్సి ఉంటుందని అంటున్నారు.

Apple సెర్చ్ ఇంజిన్ ఎప్పుడు వస్తుంది?

టెక్ బ్లాగర్ రాబర్ట్ స్కోబుల్ ప్రకారం, Apple రాబోయే సెర్చ్ ఇంజిన్ WWDC 2023లో ప్రకటించవచ్చని తెలుస్తోంది. బ్లాగర్ ప్రకారం, ఆపిల్ గూగుల్‌తో పోటీ పడటానికి దాని స్వంత సెర్చ్ ఇంజిన్‌ను ప్రారంభించే పనిలో నిమగ్నమైంది.

అయితే టెక్ కంపెనీ యాపిల్ సెర్చ్ ఇంజన్ గురించి వార్తలు రావడం ఇదే తొలిసారి కాదు. ఇంతకు ముందు కూడా ఇలాంటి పుకార్లు చాలాసార్లు వచ్చాయి. టెక్‌రాడార్ ప్రకారం, రాబర్ట్ పంచుకున్న వివరాలు మూలాలతో సంభాషణల ఆధారంగా ఉన్నాయి.

WWDC 2022లో ఏమి జరగనుంది?

నివేదిక ప్రకారం, WWDC 2022 అత్యంత ఖరీదైన ప్రొడక్ట్‌ను లాంచ్ చేయనున్నారు. వచ్చే ఏడాది జనవరిలో కంపెనీ సెర్చ్ ఇంజిన్‌ను ప్రకటించవచ్చని వార్తలు వినిపిస్తున్నాయి. ఆపిల్ ఈ ఈవెంట్‌ను జూన్ 6 న నిర్వహించనుంది. ఈ ఈవెంట్‌లో, కంపెనీ iOS 16, iPad OS 16, వాచ్ OS, macOS 13లను ప్రారంభించవచ్చని తెలుస్తోంది.

కొత్త సాఫ్ట్‌వేర్ అప్‌డేట్‌లో, ఐఫోన్ వినియోగదారులు సుదీర్ఘ నిరీక్షణ తర్వాత ఎట్టకేలకు ఆల్వేస్ ఆన్ డిస్‌ప్లే ఫీచర్‌ను పొందనున్నారు. కంపెనీ తన ఐఫోన్ 14 లైనప్‌ను ఈ ఏడాది సెప్టెంబర్‌లో ప్రారంభించనుంది.

ఈ లైనప్‌లో భాగంగా iPhone 14 ప్రోలో 120Hz రిఫ్రెష్ రేట్‌తో స్క్రీన్‌ని అందివచ్చని తెలుస్తోంది. కొత్త అప్‌డేట్‌లో, కంపెనీ 1Hz నుంచి 120Hz వరకు అనుకూల రిఫ్రెష్ రేట్ మద్దతును అందించగలదు. ఇది వినియోగదారులకు మెరుగైన బ్యాటరీ అనుభవాన్ని అందిస్తుంది.