Pakistan Coach: పాకిస్తాన్ కొత్త కోచ్‌గా యువరాజ్ తండ్రి.. షాకింగ్ కామెంట్స్ చేసిన యోగరాజ్ సింగ్.. వీడియో

Yograj Singh Pakistan Coach

Yograj Singh May Pakistan Cricket Team Coach: ఛాంపియన్స్ ట్రోఫీలో న్యూజిలాండ్, భారత్ చేతిలో ఘోర పరాజయాల తర్వాత పాకిస్తాన్ ప్రయాణం ముగిసింది. బంగ్లాదేశ్‌పై న్యూజిలాండ్ విజయం సాధించిన ఆరు రోజుల్లోనే పాకిస్తాన్ ఛాంపియన్స్ ట్రోఫీ నుంచి నిష్క్రమించింది. ఈ టోర్నమెంట్‌కు పాకిస్తాన్ జట్టు ఆతిథ్యం ఇచ్చింది. కానీ, వరుసగా రెండు మ్యాచ్‌ల్లో ఓడిపోయిన తర్వాత, పాక్ జట్టు అభిమానులు నీరుగారిపోయారు. ఈ క్రమంలో మాజీ క్రికెటర్లు వసీం అక్రమ్, వకార్ యూనిస్, షోయబ్ అక్తర్ మొత్తం పాకిస్తాన్ జట్టును మార్చడం గురించి మాట్లాడుతున్నారు. ఇంతలో, యువరాజ్ సింగ్ తండ్రి, మాజీ టీం ఇండియా ఫాస్ట్ బౌలర్ యోగరాజ్ సింగ్ వీడియో వైరల్ అవుతోంది. దీనిలో అతను పాకిస్తాన్ కోచ్‌గా నియమిస్తే, ఈ జట్టు పరిస్థితి, దిశను మారుస్తానని చెబుతున్నట్లు కనిపిస్తుంది.

యోగరాజ్ సింగ్ పాకిస్తాన్ కోచ్ అవుతాడా?

స్పోర్ట్స్ నెక్స్ట్ (వీడియో కోసం ఇక్కడ క్లిక్ చేయండి)కు ఇచ్చిన ఇంటర్వ్యూలో యోగరాజ్ సింగ్ ఈ విషయం చెప్పారు. ‘కొన్నిసార్లు నాకు పాకిస్తాన్ జట్టుకు ఫోన్ చేసి, మీకు కోచ్ లేకపోతే ఈ జట్టును ఒక సంవత్సరం పాటు నాకు ఇవ్వండి. నేను వారిని సింహాలుగా మారుస్తాను’ అంటూ చెప్పుకొచ్చాడు. ఆ తర్వాత, యోగరాజ్‌ను పాకిస్తాన్ కోచ్ అవుతారా అని అడిగారు. దానికి ఆయన దానిలో సమస్య ఏంటని బదులిచ్చారు. ‘భారత్, పాకిస్తాన్ ఇద్దరు సోదరుల లాంటివి. వారు ఈరోజు కాకపోయినా రేపు ఖచ్చితంగా కలుస్తారు’ అంటూ యోగరాజ్ అన్నట్లు వీడియోలో చూడొచ్చు. ‘రెండూ ఒకటే భూమి అని నేను అనుకుంటున్నాను. పాకిస్తాన్ ఆటగాళ్లకు ప్రతిభ ఉందని’ ఆయన అన్నారు. ‘వాళ్ళకి పెద్ద స్టార్లు ఉన్నారు. పాకిస్తాన్‌లో 150 కంటే ఎక్కువ వేగంతో బౌలింగ్ చేయగల ఆటగాళ్లు ఉన్నారు. కానీ, ఆ జట్టులో మంచి వ్యవస్థ లేదు’ అంటూ తెలిపాడు.

యోగరాజ్ సింగ్ ఒక బలమైన కోచ్..

యోగరాజ్ సింగ్ బలమైన కోచ్ అనడంలో ఎటువంటి సందేహం లేదు. భారతదేశంలోని అత్యుత్తమ ఆటగాళ్ళలో ఒకరైన యువరాజ్ సింగ్‌ను యోగరాజ్ స్వయంగా తీర్చిదిద్దాడు. యోగరాజ్ కొడుకు యువరాజ్ ఎప్పుడూ క్రికెటర్ కావాలని అనుకోలేదు. కానీ, యోగరాజ్ పట్టుదల యువరాజ్‌ను క్రికెటర్‌గా చేయడమే కాకుండా, ఈ ఆటగాడు దేశానికి రెండు ప్రపంచ కప్‌లు గెలుచుకునేలా చేశాడు. ఇటీవల యోగరాజ్ సింగ్ సచిన్ కుమారుడు అర్జున్ టెండూల్కర్ కు కూడా శిక్షణ ఇచ్చాడు. ఈ ఆటగాడు రంజీ క్రికెట్ లో అద్భుతమైన సెంచరీ సాధించిన సంగతి తెలిసిందే.

మరిన్ని క్రీడా వార్తల కోసం ఇక్కడ క్లిక్ చేయండి..