GG vs UP-WPL 2023: గుజరాత్ జెయింట్స్ ఖాతాలో రెండో ఓటమి.. ఉత్కంఠ పోరులో యూపీ వారియర్స్ అనూహ్య విజయం..
మహిళల ప్రీమియర్ లీగ్‌లో మొదటి మ్యాచ్‌లోనే ముంబై చేతిలో దెబ్బ తిన్న గుజరాత్ తన అపజయాల పరంపరను కొనసాగిస్తోంది. ఆదివారం జరిగిన ఉత్కంఠ..
ముంబై: మహిళల ప్రీమియర్ లీగ్‌లో మొదటి మ్యాచ్‌లోనే ముంబై చేతిలో దెబ్బ తిన్న గుజరాత్ తన అపజయాల పరంపరను కొనసాగిస్తోంది. ఆదివారం జరిగిన ఉత్కంఠ భరింత మ్యాచ్‌లో కూడా యూపీ వారియర్స్‌పై గుజరాత్ జెయింట్స్ జట్టు 3 వికెట్ల తేడాతో ఓటమిపాలైంది. ఈ విజయంతో యూపీ జట్టు పాయింట్ల ఖాతాను తెరవడంతో పాటు ఉమెన్స్ ప్రీమియర్ లీగ్‌లో మొదటి విజయాన్ని నమోదు చేసుకుంది. అయితే ముందుగా టాస్ గెలిచి తొలుత బ్యాటింగ్‌ చేసిన గుజరాత్ జట్టు నిర్ణీత 20 ఓవర్లలో 6 వికెట్ల నష్టానికి 169 పరుగులు చేసింది. అనంతరం బ్యాటింగ్‌కు వచ్చిన యూపీ జట్టు 170 పరుగుల లక్ష్యాన్ని 19.5 ఓవర్లలో 7 వికెట్లు కోల్పోయి ఛేదించింది.
ఈ క్రమంలో యూపీ తరఫున కిరణ్ నవ్‌గిరే(53; 43 బంతుల్లో 5 ఫోర్లు, 2 సిక్స్‌లు) హాఫ్ సెంచరీ చేయగా.. చివర్లో వచ్చిన గ్రేస్ హ్యారిస్(59; 26 బంతుల్లో 7 ఫోర్లు, 3 సిక్స్‌లు) మెరుపు ఇన్నింగ్స్‌ ఆడింది. యూపీ విజయానికి ఆఖరి ఓవర్లో 19 పరుగులు అవసరం అయిన తరుణంలో.. గ్రేస్ రెండు ఫోర్లు, రెండు సిక్స్‌లు బాది ఒక బంతి మిగిలుండగానే తన జట్టును విజయతీరాలకు చేర్చింది. ఇంకా ఎక్లెస్టోన్(22; 12 బంతుల్లో 1 ఫోర్‌, 1 సిక్స్‌) ఆమెకు సహకారం అందించింది. అయితే యూపీ క్రికెటర్లలో అలీసా హీలే (7), శ్వేతా సెహ్రావత్ (5), తాహిలా మెక్గ్రాత్ (0), దీప్తి శర్మ (11), సిమ్రాన్ షేక్ (0), దేవికా వైద్య (4) విఫలమయ్యారు. గుజరాత్ బౌలర్లలో కిమ్ గార్త్ (5/16) ఆకట్టుకోగా.. మాన్సీ జోషి, అనాబెల్ ఒక వికెట్ పడగొట్టింది.
? ????? ???? ???????? ?
The @UPWarriorz register their first win of the #TATAWPL ??
PURE JOY for Grace Harris who finishes off in style ⚡️⚡️
Scorecard ▶️ https://t.co/vc6i9xFK3L#TATAWPL | #UPWvGG pic.twitter.com/2vsQbKcpyX
— Women’s Premier League (WPL) (@wplt20) March 5, 2023
గుజరాత్ బ్యాటర్లలో హర్లీన్‌ డియోల్‌ (46; 32 బంతుల్లో 7 ఫోర్లు) రాణించగా.. సబ్బినేని మేఘన (24; 15 బంతుల్లో 5 ఫోర్లు), ఆష్లీన్‌ గార్డెనర్ (25; 19 బంతుల్లో 2 ఫోర్లు, 1 సిక్స్‌) ఫర్వాలేదనిపించారు. యూపీ బౌలర్లలో దీప్తి శర్మ, సోఫీ ఎక్లెస్టోన్ తలో రెండు వికెట్లు పడగొట్టగా, తాహిలా మెక్గ్రాత్, అంజలి తలో వికెట్ తీశారు.
