Shubman Gill: సారా కాదు.. నా క్రష్ ఆమెనే.. నెటిజన్లకు దిమ్మతిరిగే షాకిచ్చిన శుభ్మన్ గిల్..
Shubman Gill Crush: క్రికెటర్ శుభమాన్ గిల్, ప్రముఖ బాలీవుడ్ నటి సారా అలీ ఖాన్‌తో డేటింగ్ చేస్తున్నట్లు వార్తలు వస్తున్నాయి. అయితే నెటిజన్లు మాత్రం శుభ్మన్ పేరును సచిన్ టెండూల్కర్ కుమార్తె సారా టెండూల్కర్‌తో లింక్ చేస్తూ తెగ వైరల్ చేస్తున్నారు.
Updated on: Mar 07, 2023 | 1:32 PM
Shubman Gill Crush: క్రికెటర్ శుభమాన్ గిల్, ప్రముఖ బాలీవుడ్ నటి సారా అలీ ఖాన్‌తో డేటింగ్ చేస్తున్నట్లు వార్తలు వస్తున్నాయి. అయితే నెటిజన్లు మాత్రం శుభ్మన్ పేరును సచిన్ టెండూల్కర్ కుమార్తె సారా టెండూల్కర్‌తో లింక్ చేస్తూ తెగ వైరల్ చేస్తున్నారు. అయితే, తాజాగా ఓ ఇంటర్వ్యూలో శుభ్మన్ గిల్ మాట్లాడుతూ.. తన క్రష్ పేరును వెల్లడించాడు. ఈ ఆన్సర్‌తో నెటిజన్లతోపాటు అభిమానులకు షాక్ ఇచ్చాడు. సారా అలీ ఖాన్ లేదా సారా టెండూల్కర్ మాత్రం కాదని, దక్షిణాది సినిమాల్లోని ప్రముఖ నటి తన క్రష్ అంటూ చెప్పుకొచ్చాడు.
‘మీకు ఇష్టమైన బాలీవుడ్ నటి ఎవరు?’ అంటూ ఓ ఇంటర్వ్యూలో శుభ్మన్ గిల్‌ను ప్రశ్నించగా.. ఆయన సమాధానమిస్తూ, ‘రష్మిక మందన్న’ నా క్రష్ అంటూ బదులిచ్చాడు. శుభ్మన్ సమాధానం చాలా మంది దృష్టిని ఆకర్షించింది.
కాగా, గతేడాది శుభ్‌మాన్‌ను ఓ ఇంటర్వ్యూలో ‘బాలీవుడ్‌లో మీకు ఇష్టమైన నటి ఎవరు?’ అంటూ అడిగితే.. క్షణం ఆలస్యం చేయకుండా వెంటనే సారా అంటూ బదులిచ్చాడు. అలాగే ‘మీరు సారాతో డేటింగ్ చేస్తున్నారా?’ అనే ప్రశ్నకు సమాధానమిస్తూ, ‘అవును, కాకపోవచ్చు’ అంటూ సంధిగ్ధంలో పడేశాడు.
శుభ్మన్ సోషల్ మీడియాలో యాక్టివ్‌గా ఉంటాడు. క్రికెట్ ప్రాక్టీస్ చేస్తున్న ఫోటోలు, వీడియోలను పంచుకుంటుంటాడు. సారా అలీ ఖాన్, శుభ్మాన్ తరచుగా పార్టీలలో కలిసి కనిపిస్తుంటారు. అయితే ఇప్పుడు శుభ్మన్ సారాతో డేటింగ్ చేస్తున్నాడా? లేదా అనే ప్రశ్నకు మాత్రం సమాధానం దొరకలేదు.
పుష్ప సినిమాతో రష్మికకు దేశ వ్యాప్తంగా పాపులారిటీ వచ్చింది. ఆమె నటించిన గుడ్‌బై సినిమా కొన్ని రోజుల క్రితం విడుదలైంది. రష్మికతో పాటు ఈ చిత్రంలో అమితాబ్ బచ్చన్, నీనా గుప్తా, ఎలి అవిరామ్, సునీల్ గ్రోవర్, సాహిల్ మెహతా, పావెల్ గులాటి కూడా ప్రధాన పాత్రల్లో నటించారు.
సారా రాబోయే సినిమాలు..
సారా నటించిన ‘గ్యాస్‌లైట్’ చిత్రం త్వరలో ప్రేక్షకుల ముందుకు రానుంది. ఆమె నటించిన అతరంగీ రే, లవ్ ఆజ్ కల్, సింబా, కేదార్‌నాథ్ వంటి సినిమాలు ప్రేక్షకులను ఆకట్టుకున్నాయి.
మరిన్ని క్రీడా వార్తల కోసం ఇక్కడ క్లిక్ చేయండి..
