Video: టీమిండియా వద్దంది.. ఇంగ్లండ్ రమ్మంది.. కట్చేస్తే.. 3 వికెట్లు, 10 మెయిడీన్ ఓవర్లతో గూగ్లీ మాస్టర్ మెరుపులు..
Yuzvendra Chahal: ఆసియా కప్ (Asia cup), ప్రపంచకప్ జట్ల నుంచి తప్పుకున్న భారత లెగ్ స్పిన్నర్ యుజ్వేంద్ర చాహల్(Yuzvendra Chahal) తొలిసారిగా కౌంటీ ఛాంపియన్షిప్లో కెంట్ జట్టు తరపున అరంగేట్రం చేశాడు. నాటింగ్హామ్తో జరిగిన మ్యాచ్లో 3 వికెట్లు పడగొట్టాడు. తనను విస్మరించిన టీమిండియా సెలెక్టర్లకు బాల్తోనే గట్టిగా సమాధానం అందించాడు. ఈ ప్రదర్శనతో ఫ్యాన్స్ కూడా సెలెక్టర్లపై విమర్శలు గుప్పిస్తున్నారు.
Yuzvendra Chahal: ఆసియా కప్, ప్రపంచకప్ (ODI World Cup) జట్ల నుంచి తప్పుకున్న భారత లెగ్ స్పిన్నర్ యుజ్వేంద్ర చాహల్ తొలిసారిగా కౌంటీ ఛాంపియన్షిప్లో ఆడుతున్నాడు. ఈ ఛాంపియన్షిప్లో కెంట్ జట్టు తరపున అరంగేట్రం చేసిన చాహల్.. నాటింగ్హామ్తో జరిగిన మ్యాచ్లో 3 వికెట్లు పడగొట్టి, తనను వద్దన్న వారికి తగిన సమాధానం అందించాడు. నిజానికి ఈ ప్రపంచకప్ భారత్ వేదికగా జరుగుతుండటంతో చాలా కాలంగా భారత జట్టుకు దూరంగా ఉన్న చాహల్.. ప్రపంచకప్ జట్టులో చోటు దక్కించుకోవాలని భావించాడు. కానీ, బీసీసీఐ మాత్రం చాహల్కు బదులుగా కుల్దీప్కు చోటు కల్పించింది. ప్రపంచ కప్, ఆసియా కప్ జట్టులో చోటు దక్కించుకోకపోవడంతో, గత వారం వరకు కౌంటీ ఛాంపియన్షిప్లో కెంట్ జట్టు తరపున ఆడతానని చాహల్ పేర్కొన్నాడు.
3 వికెట్లతో సత్తా చాటిన చాహల్..
కెంట్ తరపున తొలిసారి ఆడుతున్న యుజువేంద్ర చాహల్ ఈ మ్యాచ్లో మొత్తం 29 ఓవర్లు బౌలింగ్ చేశాడు. 10 మెయిడిన్ ఓవర్లు వేసిన చాహల్ తన స్పెల్లో 63 పరుగులు ఇచ్చి ముగ్గురు బ్యాట్స్మెన్లను పెవిలియన్కు చేర్చాడు. లిండన్ జేమ్స్ క్లీన్ బౌల్డ్ అయిన వీడియో ప్రస్తుతం వైరల్గా మారింది.
నాటింగ్హామ్షైర్ రెండో ఇన్నింగ్స్లో..
Yuzvendra Chahal’s magic in county championship!💥❤️
Credit – ( Kent Cricket)#YuzvendraChahal #Crickettwitter pic.twitter.com/5rNtwjZb5n
— 12th Khiladi (@12th_khiladi) September 11, 2023
ఈ మ్యాచ్లో తొలుత బ్యాటింగ్ చేసిన కెంట్ జట్టు 10 వికెట్లు కోల్పోయి 446 పరుగుల భారీ స్కోరు చేసింది. కెంట్ తరపున, జాక్ కార్వే 158 పరుగుల ఇన్నింగ్స్ ఆడాడు. వీరితో పాటు, జాక్ లిన్నింగ్ 64 పరుగులు చేయగా, డి బెల్ 60 పరుగులతో ఇన్నింగ్స్ ఆడాడు. ఈ లక్ష్యాన్ని ఛేదించిన నాటింగ్హామ్షైర్ జట్టు 265 పరుగులకు ఆలౌటైంది. రెండో ఇన్నింగ్స్ ప్రారంభించిన నాటింగ్ హామ్ షైర్ జట్టు ఆట ముగిసే సమయానికి 5 వికెట్లు కోల్పోయి 177 పరుగులు చేసింది.
అదరగొట్టిన చాహల్ ప్రదర్శన..
ప్రస్తుతం భారత జట్టుకు దూరంగా ఉన్న చాహల్.. టీమ్ ఇండియా తరపున 72 వన్డేల్లో 5.27 ఎకానమీతో 121 వికెట్లు పడగొట్టాడు. దీంతో పాటు 80 టీ20 మ్యాచ్లు ఆడి 96 వికెట్లు తీసిన చాహల్కు భారత టెస్టు జట్టులో ఆడే అవకాశం రాలేదు. ఈ విధంగా, కౌంటీ ఛాంపియన్షిప్లో ప్రదర్శన చాహల్కు కొత్త వేదికను సృష్టించింది. అతను భారత టెస్ట్ జట్టులో ఆడటమే తన జీవిత లక్ష్యమని ప్రతి ఇంటర్వ్యూలో పేర్కొంటున్న విషయం తెలిసిందే.
మరిన్ని క్రీడా వార్తల కోసం ఇక్కడ క్లిక్ చేయండి..