Most Searched Personalities: ఆ జాబితాలో చేరిన టీమిండియా సారథి.. లిస్టులో మోదీ వెనుకే.. ఇంకా ఎవరున్నారంటే?
Virat Kohli: ప్రపంచవ్యాప్తంగా విపరీతమైన అభిమానుల ఫాలోయింగ్ను కలిగి ఉన్న టీమిండియా సారథి, సోషల్ మీడియాలో అత్యధిక ఫాలోయింగ్ ఉన్న క్రికెటర్గా నిలిచాడు. ఈ జాబితాలో ప్రముఖులు ఎవరున్నారంటే..
Updated on: Dec 03, 2021 | 5:46 PM
India’s most searched personalities in 2021: భారత క్రికెట్ జట్టు టెస్ట్, వన్డే కెప్టెన్ విరాట్ కోహ్లీ 2021 సంవత్సరంలో నెట్టింట్లో అత్యధికంగా సెర్చ్ చేసిన భారతీయ వ్యక్తుల జాబితాలో రెండవ స్థానంలో నిలిచాడు. ప్రపంచవ్యాప్తంగా విపరీతమైన అభిమానుల ఫాలోయింగ్ను కలిగి ఉన్న కోహ్లి, సోషల్ మీడియాలో అత్యధిక ఫాలోయింగ్ ఉన్న క్రికెటర్గా నిలిచాడు. ఈ జాబితాలో ప్రముఖుల జాబితాలో ప్రధాని నరేంద్ర మోదీ కూడా ఉన్నారు.
గత ఏడాది దివంగత నటుడు సుశాంత్ సింగ్ రాజ్పుత్ అగ్రస్థానంలో నిలిచాడు. ఆ తర్వాత 2017 నుంచి భారతదేశంలో అత్యధికంగా సెర్చ్ చేసిన వ్యక్తిగా పీఎం నరేంద్ర మోడీ నిలిచాడు. యాహూ 2021 ఇండియా ఇయర్-ఎండర్ జాబితా ప్రకారం, జాబితాలో కోహ్లీ రెండవ స్థానంలో నిలిచాడు. 2021లో అత్యధికంగా శోధించబడిన క్రీడాకారుల జాబితాలో అగ్రస్థానంలో నిలిచాడు. ఆ తర్వాత భారత మాజీ కెప్టెన్ ఎంఎస్ ధోని నిలిచాడు.
2019లో అంతర్జాతీయ క్రికెట్ నుంచి రిటైర్మెంట్ తీసుకున్నప్పటికీ, ధోని భారతదేశంలో అత్యంత ప్రజాదరణ పొందిన క్రికెటర్లలో ఒకడిగా నిలిచాడు. దేశవ్యాప్తంగా అభిమానులను కలిగి ఉన్నాడు. అంతర్జాతీయ క్రికెట్కు రిటైర్మెంట్ తర్వాత ఇండియన్ ప్రీమియర్ లీగ్ (ఐపీఎల్)లో గత రెండు సీజన్లలో ధోనీ చెన్నై సూపర్ కింగ్స్ (CSK)కి నాయకత్వం వహిస్తున్నాడు. ప్రపంచ క్రికెట్లో అత్యంత స్ఫూర్తిదాయకమైన వ్యక్తులలో ఒకడిగా కొనసాగుతున్నాడు.
2021లో భారతదేశంలో అత్యధికంగా అనుసరించే క్రీడా ప్రముఖుల జాబితాలో అతను రెండవ స్థానంలో ఉండగా, ఆ సంవత్సరంలో అత్యధికంగా శోధించబడిన వ్యక్తుల జాబితాలో ఆరవ స్థానాన్ని పొందాడు. భారత ఒలింపిక్ గోల్డెన్ హీరో నీరజ్ చోప్రా 19వ ర్యాంక్లో ఉండగా, ఏస్ షట్లర్ పీవీ సింధు కూడా క్రికెట్ ఆధిపత్య జాబితాలో చోటు దక్కించుకున్నారు.
యాహూ 2021 ఇయర్ ఇన్ రివ్యూ ఇండియా అనేది రోజువారీ శోధన ట్రెండ్ల ఆధారంగా సంవత్సరంలోని ప్రముఖ వ్యక్తులు, న్యూస్ మేకర్స్, ఈవెంట్లలో ఎక్కువ ప్రాముఖ్యం కలిగిన వ్యక్తుల జాబితాను విడుదల చేసింది.
ఈ ఏడాది ఆరంభంలో భారత టీ20 కెప్టెన్సీ నుంచి తప్పుకున్న కోహ్లి, ప్రస్తుతం స్వదేశంలో న్యూజిలాండ్తో జరుగుతున్న రెండు మ్యాచ్ల సిరీస్లో రెండో టెస్టులో భారత జట్టుకు నాయకత్వం వహిస్తున్నాడు. టీ20 ప్రపంచ కప్ 2021 తర్వాత విశ్రాంతి తీసుకున్న కోహ్లి సిరీస్లోని మొదటి టెస్ట్కు దూరమయ్యాడు.
