IND vs AUS: వన్డే ఫార్మాట్‌లో టీమిండియా భారీ రికార్డ్.. ప్రపంచంలోనే తొలి జట్టుగా సరికొత్త చరిత్ర.. అదేంటంటే?

Team India Odi Records

IND vs AUS 2023: ఆస్ట్రేలియాతో జరుగుతున్న వన్డే సిరీస్‌లో భాగంగా రెండో మ్యాచ్‌లో భారత క్రికెట్ జట్టు సరికొత్త రికార్డులను నమోదు చేసింది. ఈ మ్యాచ్‌లో భారత్ మొత్తం 18 సిక్సర్లు కొట్టగా, వన్డే చరిత్రలో 3000 సిక్సర్లు బాదిన ప్రపంచంలోనే తొలి క్రికెట్ జట్టుగా భారత జట్టు నిలిచింది. ఈ అపూర్వ రికార్డ్ గురించి ఇప్పడు తెలుసుకుందాం..

వన్డే ఫార్మాట్‌లో భారత్ అత్యుత్తమ గణాంకాలు..

వన్డే ఫార్మాట్ చరిత్రలో సిక్సర్లు కొట్టే విషయంలో టీమ్ ఇండియా ఇప్పటికీ ముందంజలో ఉంది. ఈరోజు ఇండోర్‌లో ఆస్ట్రేలియాతో జరిగిన వన్డే మ్యాచ్‌లో టీమ్ ఇండియా తన పదకొండవ సిక్స్ కొట్టినప్పుడు, అది వన్డే ఫార్మాట్ చరిత్రలో 3000 సిక్సర్ల రికార్డును తాకింది. వన్డే క్రికెట్‌లో ఈ ఘనత సాధించిన తొలి జట్టుగా భారత్‌ రికార్డు సృష్టించింది.

వన్డే ఫార్మాట్‌లో సిక్సుల రికార్డ్..

ఇండోర్‌లో జరిగిన ఈ వన్డే మ్యాచ్ తర్వాత, వన్డే ఫార్మాట్‌లో భారత్ మొత్తం 3007 సిక్సర్లు కొట్టింది. ఇందుకోసం భారత్ 1974 నుంచి 2023 వరకు మొత్తం 1040 వన్డే మ్యాచ్‌లు ఆడింది. ఈ సమయంలో భారత్ మొత్తం 19,508 ఫోర్లు కొట్టగా, 2,75,676 బంతులు ఎదుర్కొని 2,18,165 పరుగులు చేసింది. ఇప్పటి వరకు భారత్ నుంచి వన్డే ఫార్మాట్‌లో మొత్తం 252 మంది ఆటగాళ్లు అరంగేట్రం చేశారు. అదే సమయంలో ఈ కాలంలో మొత్తం 311 సెంచరీలు, 1202 అర్ధ సెంచరీలు నమోదయ్యాయి. శ్రీలంకపై రోహిత్ శర్మ చేసిన 264 పరుగులు ప్రపంచ వన్డే చరిత్రలో అతిపెద్ద వ్యక్తిగత ఇన్నింగ్స్‌గా నిలిచింది.

రెండో జట్టుగా వెస్టిండీస్..

వన్డే చరిత్రలో అత్యధిక సిక్సర్లు బాదిన రెండో జట్టుగా వెస్టిండీస్ నిలిచింది. వెస్టిండీస్ ఇప్పటివరకు మొత్తం 867 మ్యాచ్‌లు ఆడగా, 2953 సిక్సర్లు కొట్టింది. ఈ జాబితాలో పాకిస్థాన్ మూడో స్థానంలో ఉంది. పాకిస్థాన్ తన వన్డే క్రికెట్ చరిత్రలో ఇప్పటివరకు మొత్తం 961 మ్యాచ్‌లు ఆడగా, అందులో మొత్తం 2566 సిక్సర్లు బాదిన సంగతి తెలిసిందే.

ఇరు జట్ల ప్లేయింగ్ XI ఇదే..

భారత ప్లేయింగ్ ఎలెవన్: రుతురాజ్ గైక్వాడ్, శుభమన్ గిల్, శ్రేయాస్ అయ్యర్, సూర్యకుమార్ యాదవ్, కేఎల్ రాహుల్ (కెప్టెన్/వికెట్ కీపర్), రవీంద్ర జడేజా, ఇషాన్ కిషన్, ఆర్. అశ్విన్, శార్దూల్ ఠాకూర్, మహమ్మద్ షమీ, ప్రసిద్ధ్ కృష్ణ

ఆస్ట్రేలియా ప్లేయింగ్ ఎలెవన్: డేవిడ్ వార్నర్, స్టీవ్ స్మిత్ (కెప్టెన్), మార్నస్ లాబుషాగ్నే, కామెరాన్ గ్రీన్, జోస్ ఇంగ్లిస్, అలెక్స్ కారీ, మాథ్యూ షార్ట్, జోష్ హేజిల్‌వుడ్, షాన్ అబాట్, ఆడమ్ జంపా, స్పెన్సర్ జాన్సన్.

మరిన్ని క్రీడా వార్తల కోసం ఇక్కడ క్లిక్ చేయండి..