T20 World Cup: 2007 నుంచి 2021 వరకు.. టీ20 ప్రపంచ కప్‌లో టాప్ 10 రికార్డులు ఇవే..
T20 World Cup Records: 2007 నుంచి 2021 వరకు ఏడు T20 ప్రపంచ కప్‌లు జరిగిని సంగతి తెలిసిందే. ఇందులో వెస్టిండీస్ టీం అత్యధికంగా రెండు సార్లు ఈ ట్రోఫీని గెలుచుకుంది.
T20 ప్రపంచ కప్ 2022 ఆదివారం (16 అక్టోబర్) నుంచి ప్రారంభం కానుంది. ఇది ఎనిమిదో టీ20 ప్రపంచకప్. ఇప్పటివరకు జరిగిన ఏడు టీ20 ప్రపంచకప్‌లలో వెస్టిండీస్ రెండుసార్లు ఈ టైటిల్‌ను గెలుచుకుంది. ఇది కాకుండా భారత్, పాకిస్థాన్, ఇంగ్లండ్, శ్రీలంక, ఆస్ట్రేలియా ఒక్కోసారి ఈ ట్రోఫీని గెలుచుకున్నాయి. 2007 నుంచి 2021 వరకు జరిగిన ఈ ఏడు T20 ప్రపంచ కప్‌లలో 10 భారీ రికార్డులను ఇప్పుడు చూద్దాం..
అత్యధిక పరుగులు: టీ20 ప్రపంచకప్‌లో అత్యధిక పరుగులు చేసిన రికార్డు శ్రీలంక దిగ్గజం మహేల జయవర్ధనే పేరిట ఉంది. 31 మ్యాచ్‌ల్లో 1016 పరుగులు చేశాడు.
అత్యధిక సెంచరీలు: టీ20 ప్రపంచకప్‌లో క్రిస్ గేల్ రెండు సెంచరీలు సాధించాడు. వీరే కాకుండా ఏడుగురు బ్యాట్స్‌మెన్స్ ఒక్కో సెంచరీ సాధించారు.
ఉత్తమ స్కోరు: 2012 టీ20 ప్రపంచకప్‌లో బ్రెండన్ మెకల్లమ్ బంగ్లాదేశ్‌పై 123 పరుగులు చేశాడు.
అత్యధిక 50+ పరుగుల ఇన్నింగ్స్: ఈ రికార్డు విరాట్ కోహ్లీ పేరిట ఉంది. అతను 21 మ్యాచ్‌ల్లో 10 సార్లు 50 పరుగులకు పైగా ఇన్నింగ్స్‌లు ఆడాడు.
ప్రపంచకప్‌లో అత్యధిక పరుగులు: విరాట్ కోహ్లీ ఇక్కడ కూడా అగ్రస్థానంలో ఉన్నాడు. 2014 టీ20 ప్రపంచకప్‌లో కోహ్లీ 319 పరుగులు చేశాడు.
అత్యధిక సిక్సర్లు: క్రిస్ గేల్ ఇక్కడ అగ్రస్థానంలో ఉన్నాడు. గేల్ 33 మ్యాచ్‌ల్లో 63 సిక్సర్లు కొట్టాడు.
అత్యధిక వికెట్లు: బంగ్లాదేశ్‌కు చెందిన షకీబ్ అల్ హసన్ 31 మ్యాచ్‌ల్లో 41 వికెట్లు సాధించాడు.
ఓ ప్రపంచకప్‌లో అత్యధిక వికెట్లు: ఈ రికార్డు శ్రీలంక దిగ్గజ స్పిన్నర్ వనిందు హసరంగా పేరిట నమోదైంది. 2021 టీ20 ప్రపంచకప్‌లో హస్రంగ 16 వికెట్లు పడగొట్టాడు.
అత్యధిక క్యాచ్‌లు: ఏబీ డివిలియర్స్ 30 టీ20 ప్రపంచకప్ మ్యాచ్‌ల్లో 23 క్యాచ్‌లు అందుకున్నాడు.
వికెట్ వెనుక అత్యధిక ఔట్లు: ఎంఎస్ ధోని T20 ప్రపంచ కప్‌లో 33 మ్యాచ్‌లలో 32 మందిని పెవిలియన్ చేర్చాడు.