IND vs ENG: వైజాగ్ టెస్ట్ మ్యాచ్ నుంచి హఠాత్తుగా తప్పుకున్న టీమిండియా మాజీ దిగ్గజం.. ఎందుకంటే?
Gavaskar Mother in law Pushpa Mehrotra: గవాస్కర్ 1974లో బీఎల్ మెహ్రోత్రా, పుష్పా మెహ్రోత్రా కుమార్తె మార్ష్నీల్‌ను వివాహం చేసుకున్నారు. 1973లో క్రికెట్ మ్యాచ్‌లో గవాస్కర్ ఆటోగ్రాఫ్ తీసుకోవడానికి మార్ష్నీల్ వచ్చినప్పుడు ఇద్దరూ మొదటిసారి కలుసుకున్నారు. ఆ సమావేశంలో గవాస్కర్ ఆమెకు తన ఆటోగ్రాఫ్ ఇవ్వడమే కాకుండా ఆమెకు తన హృదయాన్ని కూడా ఇచ్చాడు. ఇద్దరూ ఒక సంవత్సరం తర్వాత వివాహం చేసుకున్నారు.
Updated on: Feb 03, 2024 | 8:13 AM
IND vs ENG 2024: ఐదు టెస్టు మ్యాచ్‌ల సిరీస్‌లో భాగంగా భారత్, ఇంగ్లండ్ (IND vs ENG) మధ్య శుక్రవారం నుంచి విశాఖపట్నంలో రెండో మ్యాచ్ ప్రారంభమైంది. మ్యాచ్ ప్రారంభమైన తొలిరోజే భారత మాజీ క్రికెటర్‌ సునీల్‌ గవాస్కర్‌కు బ్యాడ్‌ న్యూస్ వచ్చింది. ప్రస్తుతం భారత్ వర్సెస్ ఇంగ్లండ్ టెస్ట్ సిరీస్‌లో వ్యాఖ్యతగా వ్యవహరిస్తోన్న గవాస్కర్ విశాఖపట్నంలో ఉన్నాడు. అయితే, ఆయన అత్తగారు పుష్పా మెహ్రోత్రా మరణించడంతో అకస్మాత్తుగా కాన్పూర్ వెళ్ళవలసి వచ్చింది.
గవాస్కర్ ఈ సిరీస్‌లో హిందీ, ఇంగ్లీష్ కామెంటరీ ప్యానెల్‌లో భాగమయ్యాడు. కానీ ఇప్పుడు అతను రెండవ మ్యాచ్‌లో వ్యాఖ్యానించడు. మాజీ కుడిచేతి వాటం బ్యాట్స్‌మన్ తన భార్య మార్ష్నీల్ గవాస్కర్, కుటుంబంతో శుక్రవారం కాన్పూర్‌కు బయలుదేరాడు.
గవాస్కర్ 1974లో బీఎల్ మెహ్రోత్రా, పుష్పా మెహ్రోత్రా కుమార్తె మార్ష్నీల్‌ను వివాహం చేసుకున్నారు. 1973లో క్రికెట్ మ్యాచ్‌లో గవాస్కర్ ఆటోగ్రాఫ్ తీసుకోవడానికి మార్ష్నీల్ వచ్చినప్పుడు ఇద్దరూ మొదటిసారి కలుసుకున్నారు. ఆ సమావేశంలో గవాస్కర్ ఆమెకు తన ఆటోగ్రాఫ్ ఇవ్వడమే కాకుండా ఆమెకు తన హృదయాన్ని కూడా ఇచ్చాడు. ఇద్దరూ ఒక సంవత్సరం తర్వాత వివాహం చేసుకున్నారు.
గవాస్కర్ అత్తగారికి మనువడు రోహన్ గవాస్కర్‌తో చాలా మంచి సంబంధం ఉంది. దివంగత పుష్పా మెహ్రోత్రా, 2004లో ఒక ఇంటర్వ్యూలో, ఆస్ట్రేలియాపై రోహన్ అంతర్జాతీయ అరంగేట్రం గురించి మాట్లాడింది. దానిని ప్రత్యేకంగా అభివర్ణించింది.
Mr Sunil Gavaskar has been bereaved, his mother-in-law has passed away. Mr Gavaskar, in Vizag for commentary, is now on way to Kanpur. On Shanti
— Vijay Tagore (@vijaymirror) February 2, 2024
భారత్, ఇంగ్లండ్ రెండో టెస్టు తొలి రోజు పరిస్థితి..
విశాఖపట్నం వేదికగా జరుగుతున్న ఈ మ్యాచ్‌లో రోహిత్ శర్మ టాస్ గెలిచి ముందుగా బ్యాటింగ్ ఎంచుకున్నాడు. తొలిసారి ఆట ముగిసే సమయానికి ఆతిథ్య జట్టు ఆరు వికెట్ల నష్టానికి 336 పరుగులు చేసింది. ఇందులో అజేయంగా 179 పరుగులు చేసిన యశస్వి జైస్వాల్ భారీ సహకారం అందించాడు. అయితే, అతడు తప్ప మరే ఇతర బ్యాట్స్‌మెన్‌ కూడా భారీ ఇన్నింగ్స్‌లు ఆడలేకపోయారు. శుభ్‌మన్ గిల్ (34), శ్రేయాస్ అయ్యర్ (27), రజత్ పటీదార్ (32), అక్షర్ పటేల్ (27) సెట్‌ తర్వాత ఔటయ్యారు.
మరిన్ని క్రీడా వార్తల కోసం ఇక్కడ క్లిక్ చేయండి..
