WTC 2025 Prize Money: ఛాంపియన్ సౌతాఫ్రికాపై కాసుల వర్షం.. భారత జట్టుకు ఎన్ని కోట్లు వచ్చాయంటే?

Wtc 2025 Prize Money

WTC Prize Money 2023-25: ఇంగ్లాండ్‌లోని లార్డ్స్‌లో జరిగిన ప్రపంచ టెస్ట్ ఛాంపియన్‌షిప్ ఫైనల్‌లో దక్షిణాఫ్రికా ఆస్ట్రేలియాను ఓడించింది. ఇది టోర్నమెంట్ మూడవ ఎడిషన్. 2021లో న్యూజిలాండ్, 2023లో ఆస్ట్రేలియా టైటిల్‌ను గెలుచుకున్నాయి. రెండూ ఫైనల్‌లో భారత్‌ను ఓడించాయి. ఈసారి కంగారూ జట్టు టైటిల్‌ను కాపాడుకోవడానికి బరిలో నిలిచింది. కానీ ఓటమిని ఎదుర్కోవలసి వచ్చింది. మరోవైపు, దక్షిణాఫ్రికా 1998 తర్వాత మొదటిసారి ఐసీసీ ట్రోఫీని గెలుచుకుంది. అంతకుముందు చివరిసారి ICC నాకౌట్ ట్రోఫీని గెలుచుకుంది.

భారీగా ప్రైజ్ మనీ..

విజేతగా నిలిచినందుకు దక్షిణాఫ్రికాకు 3.6 మిలియన్ డాలర్లు (సుమారు రూ. 30.78 కోట్లు) ఇచ్చారు. రన్నరప్ ఆస్ట్రేలియా 2.16 మిలియన్ డాలర్లతో (సుమారు రూ. 18.56 కోట్లు) సంతృప్తి చెందాల్సి వచ్చింది. భారత్ తొలిసారి ఫైనల్‌కు చేరుకోలేకపోయింది. ఈసారి 1.44 మిలియన్ డాలర్లు (సుమారు రూ. 12.13 కోట్లు) అందుకుంది.

ప్రైజ్ మనీలో భారీగా పెరుగుదల..

గత రెండు ఎడిషన్లతో పోలిస్తే 2023-25 ​​ఎడిషన్ ప్రైజ్ మనీ భారీగా పెరిగింది. 2021, 2023లో మొత్తం ప్రైజ్ మనీ $3.8 మిలియన్లు (సుమారు రూ. 32.49 కోట్లు). విజేతలు (న్యూజిలాండ్, ఆస్ట్రేలియా) $1.6 మిలియన్లు (సుమారు రూ. 13.68 కోట్లు), రన్నరప్ (భారతదేశం) రెండు సందర్భాలలోనూ $0.8 మిలియన్లు (సుమారు రూ. 7.6 కోట్లు) అందుకున్నాయి.

కొత్త ప్రపంచ టెస్ట్ ఛాంపియన్‌షిప్ సైకిల్ ప్రారంభం..

2025-27 ప్రపంచ టెస్ట్ ఛాంపియన్‌షిప్ సైకిల్ జూన్ 20న ప్రారంభమవుతుంది. శనివారం (జూన్ 14) ఫైనల్ ముగియడంతో కొత్త సీజన్ మొదలుకానుంది. ఈసారి మొదటి సిరీస్ భారత్ వర్సెస్ ఇంగ్లాండ్ మధ్య జరుగుతుంది. జూన్ 20 నుంచి 5 మ్యాచ్‌ల టెస్ట్ సిరీస్‌లో రెండు జట్లు ఒకదానికొకటి తలపడతాయి.

ప్రపంచ టెస్ట్ ఛాంపియన్‌షిప్ 2023-25 సైకిల్ ప్రైజ్ మనీ వివరాలు..