క్రికెట్ చరిత్రలో ‘చోకర్స్’గా పేరు.. కట్చేస్తే.. ఐసీసీ ఫైనల్స్లో ఆసీస్కు షాకిచ్చిన 4వ జట్టుగా సౌతాఫ్రికా
South Africa vs Australia, Final: ఆస్ట్రేలియా ఐసీసీ టోర్నమెంట్ ఫైనల్స్లో అరుదుగా ఓడిపోతుంది. ఈ WTC ఫైనల్ ఓటమితో, ఆస్ట్రేలియాను ఐసీసీ టోర్నమెంట్ ఫైనల్స్లో ఓడించిన నాలుగవ జట్టుగా దక్షిణాఫ్రికా నిలిచింది. అంతకుముందు, 1975 ప్రపంచ కప్లో వెస్టిండీస్, 1996 ప్రపంచ కప్లో శ్రీలంక, 2010 టీ20 ప్రపంచ కప్లో ఇంగ్లాండ్ ఆస్ట్రేలియాను ఫైనల్స్లో ఓడించాయి.
లార్డ్స్ క్రికెట్ గ్రౌండ్లో జరిగిన ప్రతిష్టాత్మక వరల్డ్ టెస్ట్ ఛాంపియన్షిప్ (WTC) ఫైనల్ 2025లో దక్షిణాఫ్రికా ఆస్ట్రేలియాను 5 వికెట్ల తేడాతో ఓడించి చరిత్ర సృష్టించింది. ఈ విజయం దక్షిణాఫ్రికాకు 27 సంవత్సరాల తర్వాత దక్కిన మొదటి ఐసీసీ ట్రోఫీ కాగా, ఆస్ట్రేలియాను ఐసీసీ టోర్నమెంట్ ఫైనల్స్లో ఓడించిన నాలుగవ జట్టుగా రికార్డు సృష్టించేలా చేసింది.
ఉత్కంఠభరితమైన మ్యాచ్..
ఈ ఫైనల్ మ్యాచ్ ఉత్కంఠభరితంగా సాగింది. టాస్ గెలిచి బౌలింగ్ ఎంచుకున్న దక్షిణాఫ్రికా, కగిసో రబాడా (5/51) అద్భుత బౌలింగ్తో ఆస్ట్రేలియాను మొదటి ఇన్నింగ్స్లో 212 పరుగులకే పరిమితం చేసింది. అయితే, ఆస్ట్రేలియా కెప్టెన్ ప్యాట్ కమిన్స్ (6/28) మళ్ళీ మ్యాజిక్ చేయడంతో దక్షిణాఫ్రికా కేవలం 138 పరుగులకే ఆలౌట్ అయి, 74 పరుగుల కీలక లీడ్ ఇచ్చింది.
రెండవ ఇన్నింగ్స్లో ఆస్ట్రేలియా 207 పరుగులు చేయగా, మిచెల్ స్టార్క్ (58 నాటౌట్) చివర్లో విలువైన పరుగులు జోడించి దక్షిణాఫ్రికా ముందు 282 పరుగుల కష్టతరమైన లక్ష్యాన్ని ఉంచారు. నాల్గవ రోజు ఆట ప్రారంభానికి దక్షిణాఫ్రికా విజయానికి 69 పరుగులు అవసరం కాగా, ఐడెన్ మార్క్రామ్ (136) అద్భుతమైన సెంచరీ, కెప్టెన్ టెంబా బావుమా (66) గాయంతో పోరాడుతూ కీలకమైన భాగస్వామ్యాన్ని నెలకొల్పి జట్టును విజయ తీరాలకు చేర్చారు.
దక్షిణాఫ్రికాకు చారిత్రాత్మక విజయం..
దక్షిణాఫ్రికాకు ఇది కేవలం WTC టైటిల్ మాత్రమే కాదు, 1998 తర్వాత లభించిన మొదటి ఐసీసీ ట్రోఫీ. అంతకుముందు సౌతాఫ్రికా 1998లో ICC నాకౌట్ ట్రోఫీని గెలుచుకుంది. క్రికెట్ చరిత్రలో “చోకర్స్” అనే పేరుతో అనేక నిరాశలను ఎదుర్కొన్న దక్షిణాఫ్రికాకు ఇది ఒక చారిత్రాత్మక విజయం. ఎయిడెన్ మార్క్రామ్, కగిసో రబాడా, టెంబా బావుమాల అద్భుత ప్రదర్శన ఈ విజయంలో కీలక పాత్ర పోషించింది.
ఆస్ట్రేలియాకు అరుదైన ఓటమి..
ఆస్ట్రేలియా ఐసీసీ టోర్నమెంట్ ఫైనల్స్లో అరుదుగా ఓడిపోతుంది. ఈ WTC ఫైనల్ ఓటమితో, ఆస్ట్రేలియాను ఐసీసీ టోర్నమెంట్ ఫైనల్స్లో ఓడించిన నాలుగవ జట్టుగా దక్షిణాఫ్రికా నిలిచింది. అంతకుముందు, 1975 ప్రపంచ కప్లో వెస్టిండీస్, 1996 ప్రపంచ కప్లో శ్రీలంక, 2010 టీ20 ప్రపంచ కప్లో ఇంగ్లాండ్ ఆస్ట్రేలియాను ఫైనల్స్లో ఓడించాయి. ఈ ఓటమి ఆస్ట్రేలియాకు 15 సంవత్సరాల తర్వాత ఐసీసీ ఫైనల్లో ఎదురైన మొదటి ఓటమిగా నిలిచింది.
ఈ విజయం దక్షిణాఫ్రికా క్రికెట్కు కొత్త స్ఫూర్తిని, ఆత్మవిశ్వాసాన్ని నింపుతుంది అనడంలో సందేహం లేదు.
మరిన్ని క్రికెట్ వార్తల కోసం ఇక్కడ క్లిక్ చేయండి..