Shreyas Iyer IPL Auction 2025: అదరగొట్టిన అయ్యర్.. ఐపీఎల్ హిస్టరీలోనే అత్యధిక ధర.. ఏ జట్టు కొన్నదంటే?
Shreyas Iyer IPL 2025 Auction Price: అనుకున్నట్లు గానే టీమిండియా యంగ్ ప్లేయర్ శ్రేయస్ అయ్యర్ ఐపీఎల్ మెగా వేలంలో అదరగొట్టాడు. గతేడాది కోల్ కతాను ఛాంపియన్ గా నిలిచిన ఈ డ్యాషింగ్ బ్యాటర్ పై ఐపీఎల్ మెగా వేలంలో కాసుల వర్షం కురిసింది.
IPL మెగా వేలానికి కొన్ని రోజుల ముందు KKR యొక్క రిటెన్షన్ జాబితా బయటకు వచ్చింది. దీనిని చూసి అందరూ ఆశ్చర్యపోయారు. అందుకు ఒకే ఒక కారణం, కోల్‌కతా నైట్ రైడర్స్ రిటైన్ చేసిన 6 మంది క్రికెటర్లలో శ్రేయాస్ అయ్యర్ పేరు లేదు. అప్పటి నుంచి ఐపీఎల్ మెగా వేలంలో శ్రేయాస్ కోసం ఫ్రాంచైజీలు పోటీ పడతాయని భారత క్రికెట్ వర్గాల్లో చర్చలు మొదలయ్యాయి. అందుకు తగ్గట్టుగానే కేకేఆర్ కు మూడో ఐపీఎల్ ట్రోఫీని అందించిన కెప్టెన్ శ్రేయాస్‌ను సొంతం చేసుకోవడానికి ఐపీఎల్ ఫ్రాంఛైజీలు పోటీ పడ్డాయి. చివరకు పంజాబ్ కింగ్స్ అయ్యర్ ను సొంతం చేసుకుంది. ఇందుకోసం ఏకంగా రూ.26.75 కోట్లు వెచ్చించింది. ఇప్పటివరకు ఐపీఎల్ చరిత్రలోనే ఇది అత్యధిక ధర కావడం గమనార్హం.
శ్రేయాస్ అయ్యర్ 2015లో ఐపీఎల్‌లోకి అడుగుపెట్టాడు. ఆ వేలంలో ముంబై కుర్రాడిని ఢిల్లీ డేర్ డెవిల్స్ రూ.2.6 కోట్లకు కొనుగోలు చేసింది. ఆ సీజన్‌లో ఢిల్లీ జెర్సీలో 14 మ్యాచ్‌లు ఆడే అవకాశం శ్రేయస్‌కు లభించింది. 439 పరుగులు చేసి ఐపీఎల్ ఎమర్జింగ్ ప్లేయర్ ఆఫ్ ది ఇయర్ అవార్డును గెలుచుకున్నాడు. శ్రేయాస్ 2018 వరకు ఈ జట్టు తరఫున ఆడాడు. ఢిల్లీ డేర్‌డెవిల్స్‌ను తర్వాత ఢిల్లీ క్యాపిటల్స్‌గా మార్చారు. జట్టు పేరు మార్చిన తర్వాత శ్రేయాస్ ఐపీఎల్ మూడు సీజన్లలో ఢిల్లీ క్యాపిటల్స్ తరపున ఆడాడు.
2018లో గౌతమ్ గంభీర్ స్థానంలో శ్రేయాస్‌కు ఢిల్లీ నాయకత్వ బాధ్యతలను అప్పగించింది. ఆ తర్వాతి సీజన్‌లోనే అతను ఢిల్లీని ప్లేఆఫ్‌కు తీసుకెళ్లాడు. ఐపీఎల్ 2020లో, శ్రేయాస్ నేతృత్వంలోని ఢిల్లీ క్యాపిటల్స్ తొలిసారిగా ఐపీఎల్ ఫైనల్‌కు చేరుకుంది. రోహిత్ శర్మ నేతృత్వంలోని ముంబై ఇండియన్స్ చేతిలో ఓడిపోయిన ఢిల్లీ రన్నరప్‌తో సంతృప్తి చెందాల్సి వచ్చింది.
𝙃𝙞𝙨𝙩𝙤𝙧𝙞𝙘 𝙎𝙞𝙜𝙣𝙞𝙣𝙜 𝙐𝙣𝙡𝙤𝙘𝙠𝙚𝙙 🔓
Say hello 👋 to the 𝙈𝙤𝙨𝙩 𝙀𝙭𝙥𝙚𝙣𝙨𝙞𝙫𝙚 𝙋𝙡𝙖𝙮𝙚𝙧 in the history of #TATAIPL 🔝
Punjab Kings have Shreyas Iyer on board for a handsome 𝗜𝗡𝗥 𝟮𝟲.𝟳𝟱 𝗖𝗿𝗼𝗿𝗲#TATAIPLAuction | @ShreyasIyer15 | @PunjabKingsIPL pic.twitter.com/z0A1M9MD1Z
— IndianPremierLeague (@IPL) November 24, 2024
వెన్ను గాయం కారణంగా IPL-2021 ప్రథమార్ధంలో శ్రేయాస్ ఆడలేదు. ఆ సమయంలో ఢిల్లీ నాయకత్వ బాధ్యతలను రిషబ్ పంత్‌కు అప్పగించింది. ఐపీఎల్ ద్వితీయార్థంలో శ్రేయాస్ కోలుకుని తిరిగి ఢిల్లీ జట్టులోకి వచ్చినా జట్టు అతనికి నాయకత్వాన్ని తిరిగి ఇవ్వలేదు. ఈ క్రమంలోనే ఢిల్లీ జట్టులో 7 సంవత్సరాలు ఆడిన తర్వాత, 2022 IPLకి ముందు వేలంలో కోల్‌కతా నైట్ రైడర్స్ 12.25 కోట్లకు కొనుగోలు చేసింది. ఆ వెంటనే కెప్టెన్‌గా కూడా చేశారు. ఆ సీజన్ లో KKR 7వ స్థానంలో ముగించింది. శ్రేయాస్ 401 పరుగులు చేశాడు. ఆ సీజన్‌లో శ్రేయాస్ జట్టు తరఫున అత్యధిక పరుగులు చేశాడు. ఆ తర్వాత గాయం కారణంగా 2023 ఐపీఎల్‌లో మళ్లీ ఆడలేదు. ఆ సీజన్‌లో కేకేఆర్ జట్టుకు నితీష్ రాణా నాయకత్వం వహించాడు. 2024 IPLకి ముందు, గాయం నుండి కోలుకున్న తర్వాత శ్రేయాస్ కోల్‌కతా కెప్టెన్‌గా తిరిగి వచ్చాడు. అయితే అంతకు ముందు ఈ క్రికెటర్‌ను బోర్డు సెంట్రల్ కాంట్రాక్ట్ నుండి తప్పించారు. ఫలితంగా ఒకవైపు ఆటగాడిగా, మరోవైపు కెప్టెన్‌గా తనను తాను నిరూపించుకునేందుకు గత సీజన్ ఐపీఎల్ వేదికగా నిలిచింది. అతని నాయకత్వంలో, KKR 17వ IPL సీజన్ విజేతగా నిలిచింది.
ఐపీఎల్ ఫైనల్‌కు రెండు వేర్వేరు జట్లను నడిపించిన ఏకైక కెప్టెన్ శ్రేయాస్ అయ్యర్. 2020లో ఢిల్లీ, 2024లో కేకేఆర్. అందులోనూ గత ఐపీఎల్‌లో అతని కెప్టెన్సీలో కేకేఆర్ ఐపీఎల్ గెలిచింది. శ్రేయాస్ నైట్ క్యాంప్ నుండి ఎందుకు వెళ్లిపోయాడు? రిటెన్షన్ జాబితా విడుదలైన కొద్ది రోజుల తర్వాత, కోల్‌కతా నైట్ రైడర్స్ సీఈఓ వెంకీ మైసూర్ మాట్లాడుతూ, ఐపీఎల్ రిటెన్షన్ లిస్ట్‌లో నైట్స్ శ్రేయాస్‌ను మొదటి ప్లేయర్‌గా ఉంచాలని అనుకుంటున్నట్లు తెలిపారు. అయితే శ్రేయాస్ తన ధరను తెలుసుకోవడానికి వేలానికి వెళ్లాలనుకున్నాడు. దీంతో అతను కేకేఆర్‌ను వీడాడు. 2015 నుంచి ఇప్పటి వరకు శ్రేయాస్ 116 ఐపీఎల్ మ్యాచ్‌లు ఆడాడు. 3127 పరుగులు చేశాడు. 21 అర్ధ సెంచరీలు ఉన్నాయి. ఈసారి మెగా వేలంలో 26.75 కోట్లకు శ్రేయాస్ పంజాబ్ జట్టులో చేరాడు. 18వ ఐపీఎల్‌ను అతను ఎలా ఆడుతాడో వేచి చూడాలి.
మరిన్ని క్రీడా వార్తల కోసం ఇక్కడ క్లిక్ చేయండి..