Video: ఒకే ఓవర్లో 6 సిక్స్‌లు.. 40 బంతుల్లో ఊచకోత.. కట్‌చేస్తే.. ఆ తర్వాత ఊహించిన షాక్‌
Rishi Patel Hits Six Sixes: ప్రపంచంలో అతి కొద్ది మంది క్రికెటర్లు మాత్రమే ఒకే ఓవర్లో 6 సిక్సర్లు కొట్టిన ఘనతను సాధించగలిగారు. దీనికి మరో పేరు వచ్చి చేరింది. అదే రిషి పటేల్. ఇంగ్లాండ్‌లో జరిగిన స్నేహపూర్వక మ్యాచ్‌లో, అతను సిక్సర్ల వర్షం కురిపించాడు, అందరూ చూస్తూ ఉండిపోయారు.
Updated on: May 11, 2025 | 8:05 AM
Rishi Patel Hits Six Sixes: స్నేహపూర్వక మ్యాచ్‌లో సిక్సర్ల వర్షం కురిపించిన రిషి పటేల్.. ఇంగ్లాండ్‌లో తుఫాన్ సృష్టించాడు. ఒకే ఓవర్లో 6 సిక్సర్లు కొట్టి అందరినీ ఆశ్చర్యపరిచాడు. కొన్ని రోజుల క్రితం IPL 2025లో, రియాన్ పరాగ్ 6 బంతుల్లో 6 సిక్సర్లు కొట్టిన సంగతి తెలిసిందే. కానీ, అది వరుసగా కాదు. కానీ, రిషి పటేల్ ఒకే ఓవర్లో ఈ ఘనత సాధించాడు. మే 8న ఇంగ్లాండ్ కౌంటీ ఛాంపియన్‌షిప్‌లో జరిగిన స్నేహపూర్వక మ్యాచ్‌లో లీసెస్టర్‌షైర్ ఫాక్స్ బ్యాట్స్‌మన్ రిషి పటేల్ మైనర్ కౌంటీ స్టాఫోర్డ్‌షైర్‌తో జరిగిన ఓవర్లో ఆరు సిక్సర్లు కొట్టాడు. ఈ బ్యాట్స్‌మన్ అద్భుతమైన ప్రదర్శన కారణంగా లీసెస్టర్‌షైర్ ఫాక్సెస్ అద్భుతమైన విజయాన్ని నమోదు చేసింది.
ఫ్రెండ్‌షిప్ మ్యాచ్‌లో అద్భుతం..
వారం రోజుల విరామం తర్వాత ఆటగాళ్లు మైదానంలోకి అడుగుపెట్టారు. కౌంటీ ఛాంపియన్‌షిప్‌లోని ఈ ఫ్రెండ్‌షిప్ మ్యాచ్‌లో లీసెస్టర్‌షైర్ తరపున ఆడటానికి రెహాన్ అహ్మద్, లోగాన్ వాన్ బీక్ వంటి ఆటగాళ్ళు కూడా వచ్చారు. మైనర్ కౌంటీ స్టాఫోర్డ్‌షైర్‌తో జరిగిన మ్యాచ్‌లో లీసెస్టర్‌షైర్ ఫాక్సెస్ మొదట బ్యాటింగ్ చేసింది. ఇన్నింగ్స్‌ను రిషి పటేల్, సోల్ బుడింగర్ ప్రారంభించారు. ఈ ఇద్దరు బ్యాట్స్‌మెన్స్ జట్టుకు వేగవంతమైన ఆరంభాన్ని అందించారు. బుడింగర్ కేవలం 20 బంతుల్లో 60 పరుగులు చేశాడు. ఆ తర్వాత అతను అవుట్ అయి పెవిలియన్‌కు తిరిగి వచ్చాడు. దీని తరువాత రిషి పటేల్ బాధ్యతలు స్వీకరించారు.
సెంచరీ మిస్..
View this post on Instagram
ఆ మ్యాచ్‌లో, మైనర్ కౌంటీ స్టాఫోర్డ్‌షైర్ స్పిన్నర్ జాక్ రెడ్‌మాన్ వేసిన ఓవర్లో రిషి పటేల్ 6 సిక్సర్లు కొట్టాడు. దీంతో ఈ వీడియో సోషల్ మీడియాలో వైరల్ అవుతోంది. జాక్ రెడ్‌మాన్ వేసిన మొదటి బంతికి రిషి పటేల్ సిక్స్ కొట్టాడు. ఆ తర్వాత, అతను లెగ్ సైడ్ వైపు వేసిన రెండవ బంతికి కూడా సిక్స్ బాదేశాడు. ఆ తరువాత అతను ఒక బంతి తర్వాత మరొక బంతికి సిక్సర్లు కొడుతూనే ఉన్నాడు. దీని కారణంగా జాక్ రెడ్‌మాన్ చాలా నిరాశ చెందాడు. రిషి పటేల్ ఎక్కడ బాల్ వేసినా, బంతిని బౌండరీ లైన్ వెలుపలికి పంపేవాడు. అయితే, రిషి పటేల్ సెంచరీ మిస్ అయ్యాడు. అతను 40 బంతుల్లో 9 సిక్సర్లు, 6 ఫోర్లతో 96 పరుగులు చేశాడు.
పటేల్ ఈ అద్భుతమైన ఇన్నింగ్స్ సహాయంతో, లీసెస్టర్‌షైర్ 20 ఓవర్లలో 7 వికెట్లకు 300 పరుగులు చేసింది. ఇది కేవలం స్నేహపూర్వక మ్యాచ్. భారీ లక్ష్యాన్ని ఛేదించే క్రమంలో, మొత్తం స్టాఫోర్డ్‌షైర్ జట్టు కేవలం 50 పరుగులకే ఆలౌట్ అయింది. 2023 చివరిలో రిషి పటేల్ ఇంగ్లాండ్ లయన్స్ జట్టులో చేరిన సంగతి తెలిసిందే.
మరిన్ని ఐపీఎల్ వార్తల కోసం ఇక్కడ క్లిక్ చేయండి..
