IPL 2024, RCB Playing 11: తొలి మ్యాచ్లో చెన్నైని ఢీ కొట్టనున్న బెంగళూరు.. కప్ కొట్టే ప్లేయింగ్ 11తో బరిలోకి ఆర్సీబీ?
IPL 2024, RCB Playing 11: ఐపీఎల్ 2024 తొలి మ్యాచ్లో రాయల్ ఛాలెంజర్స్ బెంగళూరు, చెన్నై సూపర్ కింగ్స్తో తలపడనుంది. లీగ్ తొలి మ్యాచ్లో మహేంద్ర సింగ్ ధోనీ సారథ్యంలోని చెన్నై సూపర్ కింగ్స్తో రాయల్ ఛాలెంజర్స్ బెంగళూరు తలపడేందుకు సిద్ధమయ్యాయి. చెన్నై హోం గ్రౌండ్లో జరిగే ఈ మ్యాచ్లో ఇరు జట్లూ విజయంతో శుభారంభం చేయాలనుకుంటున్నాయి. ఐపీఎల్ 17వ సీజన్ కోసం అభిమానులు కూడా ఎంతో ఆసక్తిగా ఎదురుచూస్తున్నారు. ఇప్పటికీ టైటిల్ రుచి చూడని బెంగళూరు జట్టు తన మొదటి మ్యాచ్లో ఎలాంటి ప్లేయింగ్ 11తో బరిలోకి దిగనుందో అని అంతా ఎదురుచూస్తున్నారు.
Updated on: Mar 15, 2024 | 6:24 PM
IPL 2024, RCB Playing 11: నిరీక్షణకు ముగింపు పడబోతోంది. ఇండియన్ ప్రీమియర్ లీగ్ 2024 కోసం కౌంట్ డౌన్ ప్రారంభమైంది. లీగ్ తొలి మ్యాచ్లో మహేంద్ర సింగ్ ధోనీ సారథ్యంలోని చెన్నై సూపర్ కింగ్స్తో రాయల్ ఛాలెంజర్స్ బెంగళూరు తలపడేందుకు సిద్ధమయ్యాయి. చెన్నై హోం గ్రౌండ్లో జరిగే ఈ మ్యాచ్లో ఇరు జట్లూ విజయంతో శుభారంభం చేయాలనుకుంటున్నాయి. ఐపీఎల్ 17వ సీజన్ కోసం అభిమానులు కూడా ఎంతో ఆసక్తిగా ఎదురుచూస్తున్నారు. ఇప్పటికీ టైటిల్ రుచి చూడని బెంగళూరు జట్టు తన మొదటి మ్యాచ్లో ఎలాంటి ప్లేయింగ్ 11తో బరిలోకి దిగనుందో అని అంతా ఎదురుచూస్తున్నారు.
విరాట్, ఫాఫ్లు ఇన్నింగ్స్ను ప్రారంభించే ఛాన్స్..
గత సీజన్లో మాదిరిగానే ఈ సీజన్లోనూ విరాట్ కోహ్లి, మాజీ కెప్టెన్ ఫాఫ్ డు ప్లెసిస్లు ఇన్నింగ్స్ను ప్రారంభించడం చూడొచ్చు. ఐపీఎల్లో అత్యధిక పరుగులు చేసిన ఆటగాడు కోహ్లీ కాగా, ఫాఫ్కు కూడా చాలా అనుభవం ఉంది. ఇటీవలే RCB ముంబై ఇండియన్స్ నుంచి కామెరాన్ గ్రీన్ను రూ. 17.5 కోట్లకు ట్రేడ్ చేసింది. ఇటువంటి పరిస్థితిలో, గ్రీన్ నంబర్ 3లో రంగంలోకి దిగవచ్చు. మిడిలార్డర్లో వేగంగా పరుగులు సాధించే బాధ్యత అతనిపై ఉంటుంది. గాయం కారణంగా గత సీజన్లో ఆడని రజత్ పాటిదార్ 4వ ర్యాంక్ను అందుకోవచ్చు. ఇటీవల ఇంగ్లండ్తో జరిగిన టెస్టు సిరీస్లో అతని ప్రదర్శన ప్రత్యేకంగా ఏమీ లేదు. అతను 3 మ్యాచ్లు ఆడిన 6 ఇన్నింగ్స్ల్లో 63 పరుగులు మాత్రమే చేయగలిగాడు.
కార్తీక్ చివరి సీజన్ కావొచ్చు..
ఆస్ట్రేలియా అనుభవజ్ఞుడైన ఆల్ రౌండర్ గ్లెన్ మాక్స్ వెల్ 5వ స్థానంలో బ్యాటింగ్ చేయడం చూడొచ్చు. మ్యాక్స్వెల్ బ్యాటింగ్కు పేరుగాంచాడు. కేవలం కొన్ని బంతుల్లోనే మ్యాచ్ను మలుపుతిప్పగల సత్తా అతడికి ఉంది. వికెట్ కీపర్ బ్యాట్స్మెన్ దినేష్ కార్తీక్ 6వ స్థానంలో ఉన్నాడు. కార్తీక్కి ఇదే చివరి సీజన్ అని ఇటీవల వార్తలు వచ్చాయి. ఇటువంటి పరిస్థితిలో, అతను గొప్ప ప్రదర్శనతో వీడ్కోలు చెప్పాలనుకుంటున్నాడు. వికెట్ కీపర్ బ్యాట్స్మెన్ తన జట్టుకు ఫినిషర్ పాత్రను పోషించాల్సి ఉంటుంది.
మహిపాల్ లోమ్రోర్కు అవకాశం ..
మహిపాల్ లోమ్రోర్కు RCB తరపున 7వ నంబర్లో అవకాశం లభించవచ్చు. ఐపీఎల్ 2023లో లోమ్రోర్ ప్రత్యేక ప్రదర్శన ఏమీ చేయలేదు. 12 మ్యాచ్ల్లో 135 పరుగులు మాత్రమే చేశాడు. రాజస్థాన్ తరపున ఫస్ట్క్లాస్ క్రికెట్ ఆడుతున్న మహిపాల్ లోమ్రోర్కు భారీ షాట్లు కొట్టే సత్తా ఉంది. అల్జారీ జోసెఫ్ లేదా లాకీ ఫెర్గూసన్ 8వ స్థానంలో చూడవచ్చు. ఫాస్ట్ బౌలర్ విజయ్ కుమార్ వైశాఖ్ 9వ స్థానంలో ఉన్నాడు. గత సీజన్లోనే ఐపీఎల్లో అరంగేట్రం చేశాడు. ఐపీఎల్ 2023లో తన ప్రదర్శనతో తనదైన ముద్ర వేశాడు. 7 మ్యాచ్ల్లో 9 వికెట్లు తీశాడు.
ఆకాష్ దీప్ అరంగేట్రం..
ఇది కాకుండా మహ్మద్ సిరాజ్, ఆకాష్ దీప్ బౌలింగ్లో చోటు సంపాదించవచ్చు. ఇటీవలే ఇంగ్లండ్తో జరిగిన టెస్టులో ఆకాశ్దీప్ అరంగేట్రం చేశాడు. జస్ప్రీత్ బుమ్రా గైర్హాజరీలో అరంగేట్రం చేసిన ఆకాశ్ దీప్.. బంతితో అద్భుత ప్రదర్శన చేశాడు. 2022 నుంచి ఆర్సీబీలో భాగమైన ఆకాశ్ దీప్ ఐపీఎల్లో ఇప్పటి వరకు ఆడిన 7 మ్యాచ్ల్లో 6 వికెట్లు పడగొట్టాడు. మరోవైపు మహ్మద్ సిరాజ్ ఐపీఎల్లో ఇప్పటి వరకు ఆడిన 79 మ్యాచ్ల్లో 78 వికెట్లు సాధించాడు.
రాయల్ ఛాలెంజర్స్ బెంగళూరు ప్రాబబుల్ ప్లేయింగ్ 11: ఫాఫ్ డు ప్లెసిస్ (కెప్టెన్), విరాట్ కోహ్లీ, కామెరాన్ గ్రీన్, రజత్ పటీదార్, గ్లెన్ మాక్స్వెల్, దినేష్ కార్తీక్ (వికెట్ కీపర్), మహిపాల్ లోమ్రోర్, అల్జారీ జోసెఫ్/లాకీ ఫెర్గూసన్, విజయ్ కుమార్ వైశాఖ్, మహ్మద్ సిరాజ్, ఆకాశ్ దీప్.
ఇంపాక్ట్ ప్లేయర్: కర్ణ్ శర్మ.
మరిన్ని క్రీడా వార్తల కోసం ఇక్కడ క్లిక్ చేయండి..
