Video: ఓర్నీ దుంపతెగ.. రోహిత్‌నే ఓ క్షణం భయపెట్టావ్ కదరా.. మైదానంలో హల్చల్ చేసిన ఫ్యాన్.. వైరల్ వీడియో..

Mi Vs Rr Pitch Invasion Vid

MI vs RR IPL 2024 Pitch Invasion: ముంబై ఇండియన్స్ వర్సెస్ రాజస్థాన్ రాయల్స్‌తో జరిగిన IPL 2024 మ్యాచ్‌లో పిచ్ దండయాత్ర కనిపించింది. రాజస్థాన్ బ్యాటింగ్ సమయంలో ఓ ప్రేక్షకుడు మైదానంలోకి వచ్చాడు. అతను నేరుగా ముంబై స్లిప్ ఫీల్డర్ల వైపు పరుగెత్తాడు. అక్కడ రోహిత్ శర్మ, ఇషాన్ కిషన్‌లు ఉన్నారు. ఫీల్డర్ పరుగెత్తుకుంటూ వచ్చిన వెంటనే రోహిత్ మొదట భయపడ్డాడు. అయితే, తర్వాత అతనిని కౌగిలించుకుని కరచాలనం చేశాడు. ఆ తర్వాత ఇద్దరూ కూడా ఏదో మాట్లాడుకుంటున్నారు. అనంతరం ఆ ప్రేక్షకుడు సమీపంలో నిలబడి ఉన్న ఇషాన్‌తో కరచాలనం చేసి, కౌగిలించుకుంటాడు. ఆ తర్వాత అతను విజేతలా తిరిగి పరుగెత్తడం ప్రారంభించాడు. ఈ సమయంలో అంపైర్ కూడా అక్కడికి వస్తాడు. అప్పటికే పిచ్ ఇన్‌వేడర్ తిరిగి వెళ్లిపోతుంటాడు. తరువాత గార్డులు అతన్ని పట్టుకుని మైదానం నుంచి బయటకు తీసుకెళ్లారు.

IPL 2024లో రెండోసారి ఇలా..

IPL 2024లో రెండోసారి ఒక ప్రేక్షకుడు మ్యాచ్‌లోకి ప్రవేశించాడు. గతంలో రాయల్ ఛాలెంజర్స్ బెంగళూరు, పంజాబ్ కింగ్స్ మధ్య జరిగిన మ్యాచ్‌లో కూడా ఇలాంటి ఘటనే కనిపించింది. మ్యాచ్ జరుగుతున్న సమయంలో విరాట్ కోహ్లీని కలిసేందుకు ఓ ప్రేక్షకుడు మైదానంలోకి వెళ్లాడు. తర్వాత గార్డులు కూడా అతన్ని తీసుకెళ్లారు. ఆ ప్రేక్షకుడిని దారుణంగా కొట్టిన వీడియో కూడా బయటకు వచ్చింది. స్టేడియం నుంచి బయటకు వచ్చే క్రమంలో అతడిని కొట్టారు.

భారత్‌లో ప్రేక్షకులు మైదానంలోకి రాకుండా కట్టుదిట్టమైన ఏర్పాట్లు చేస్తున్నారు. ఈక్రమంలో మైదానంలో ప్రేక్షకుల చివరి వరుస తర్వాత మందపాటి వల ఉంచుతున్నారు. అనేక మైదానాల్లో ఇక్కడ ఫెన్సింగ్ కూడా ఉంచుతున్నారు. మ్యాచ్ జరుగుతున్న సమయంలో భద్రతా సిబ్బంది కూడా ప్రేక్షకులపై నిఘా ఉంచుతున్నారు. కానీ ఇప్పటికీ ప్రేక్షకులు మాత్రం మైదానంలోకి ఎంటరవుతూనే ఉన్నారు.

దారుణంగా పడిపోయిన ముంబై బ్యాటింగ్‌..

రాజస్థాన్ రాయల్స్‌తో జరిగిన మ్యాచ్‌లో ముంబై బ్యాటింగ్ పేలవంగా ఉంది. ముంబై టాప్ ఆర్డర్ బ్యాట్స్‌మెన్‌లలో ముగ్గురు మొదటి బంతికే ఖాతా తెరవకుండానే ఔటయ్యారు. రోహిత్ శర్మ, నమన్ ధీర్, డెవాల్డ్ బ్రెవిస్ వంటి పేర్లు ఇందులో ఉన్నాయి. మిగతా బ్యాట్స్‌మెన్ కూడా పెద్దగా పరుగులు చేయలేకపోయారు. దీంతో ముంబై ఇండియన్స్ జట్టు తొమ్మిది వికెట్లకు 125 పరుగులు మాత్రమే చేయగలిగింది.

మరిన్ని క్రీడా వార్తల కోసం ఇక్కడ క్లిక్ చేయండి..