IND Vs AUS: మా జట్టుకు ఓ విరాట్ కోహ్లీ కావాలి.. కంగారూల కెప్టెన్ ఇంత మాట అనేశాడేంటబ్బా.!

2026 టీ20 ప్రపంచకప్ గ్రూప్ దశ నుంచే హాట్ ఫేవరెట్ ఆస్ట్రేలియా జట్టు అనూహ్యంగా నిష్క్రమించింది. ఈ ఓటమి అనంతరం ఆస్ట్రేలియా స్టార్ బౌలర్ పాట్ కమ్మిన్స్ భారత రన్ మెషిన్ విరాట్ కోహ్లీపై చేసిన వ్యాఖ్యలు క్రికెట్ ప్రపంచంలో చర్చనీయాంశంగా మారాయి. వరల్డ్ కప్‌లో జింబాబ్వేతో జరిగిన మ్యాచ్‌లో ఆస్ట్రేలియా ఓటమిని విశ్లేషిస్తూ, ఒక దశలో 18 బంతుల్లో 48 పరుగులు కావాల్సిన పరిస్థితిని కమ్మిన్స్ గుర్తుచేశారు. ఆ సమయంలో విరాట్ కోహ్లీ తప్ప మరే బ్యాటర్ కూడా ఆ లక్ష్యాన్ని ఛేదించలేడని ఆయన అభిప్రాయపడ్డారు.

“మా జట్టులో ప్రతిభావంతులైన ఆటగాళ్లు ఉన్నారు, కానీ మాకొక విరాట్ కోహ్లీ లేడు. మ్యాచ్ ఓడిపోయే స్థితిలో ఉన్నప్పుడు ఒత్తిడిని చిత్తు చేస్తూ జట్టును ఒంటి చేత్తో గెలిపించే సత్తా ఒక్క కోహ్లీకే ఉంది,” అని కమ్మిన్స్ తెలిపారు. జింబాబ్వేతో ఆడిన మ్యాచ్‌లో ఆఖరి ఓవర్లలో అలాంటి ఇన్నింగ్స్ ఆడగలిగే బ్యాటర్ లేకపోవడం వల్లే ఓడిపోయామని ఆయన వెల్లడించారు. కోహ్లీ క్రీజులో ఉంటే ప్రత్యర్థి జట్టులో భయం ఉంటుందని, 37 ఏళ్ల వయసులో కూడా అతడి ఫిట్నెస్, ఆట పట్ల అంకితభావం అద్భుతమని కమ్మిన్స్ కొనియాడారు. విరాట్ కోహ్లీ కేవలం తన బ్యాటింగ్ సామర్థ్యంతోనే కాకుండా, తన ఫిట్నెస్‌తోనూ అందరినీ ఆకట్టుకుంటున్నారు. 37 ఏళ్ల వయసులో కూడా కోహ్లీ చూపిస్తున్న ఫిట్నెస్, ఆట పట్ల ఉన్న అంకితభావం అద్భుతమని, అది ఏ యువ ఆటగాడికైనా స్ఫూర్తిదాయకమని కమ్మిన్స్ కొనియాడారు. ఆస్ట్రేలియా బ్యాటర్లు ఒత్తిడికి లోనై వికెట్లు పారేసుకున్న చోట కోహ్లీ ఉంటే పరిస్థితి మరోలా ఉండేదని కమ్మిన్స్ అభిప్రాయపడ్డారు.