IPL 2025: ఆసీస్‌కే కాదు భయ్యో.. ఎస్‌ఆర్‌హెచ్ ఫ్యాన్స్‌కు అదిరిపోయే న్యూస్.. రంగంలోకి మోస్ట్ డేంజరస్ ప్లేయర్?

Australia Odi Team

Pat Cummins Comeback Announcement: ఆస్ట్రేలియా కెప్టెన్ పాట్ కమ్మిన్స్ ప్రస్తుతం జరుగుతున్న ఛాంపియన్స్ ట్రోఫీ 2025లో పాల్గొనలేదు. కానీ ఈలోగా, అతను తిరిగి రావడం గురించి ఒక శుభవార్త వచ్చింది. ఇది సన్‌రైజర్స్ హైదరాబాద్ అభిమానులను ఖచ్చితంగా సంతోషపరుస్తుంది. నిజానికి, పాట్ కమ్మిన్స్ ఐపీఎల్ 2025 ద్వారా మళ్ళీ మైదానంలోకి తిరిగి రావడానికి సిద్ధమవుతున్నాడు. కమ్మిన్స్ చీలమండ గాయం కారణంగా ఛాంపియన్స్ ట్రోఫీలో ఆడటం లేదని, అతని స్థానంలో కెప్టెన్సీ బాధ్యత స్టీవ్ స్మిత్‌కు ఇచ్చిన సంగతి తెలిసిందే. ఐపీఎల్‌లో ఆడటం ద్వారా కమిన్స్ ఐసీసీ వరల్డ్ టెస్ట్ ఛాంపియన్‌షిప్ ఫైనల్‌కు తనను తాను సిద్ధం చేసుకుంటున్నట్లు ప్రకటించాడు.

త్వరలో బౌలింగ్ ప్రారంభించే ఛాన్స్..

Cricket.com.au నివేదిక ప్రకారం, ఐపీఎల్ 2025 ప్రారంభానికి ముందు ఫిట్‌గా ఉండటానికి వచ్చే వారం నుంచి బౌలింగ్ ప్రారంభిస్తానని పాట్ కమ్మిన్స్ వెల్లడించాడు. ఇది జూన్ 11 నుంచి లార్డ్స్‌లో ఆస్ట్రేలియా వర్సెస్ దక్షిణాఫ్రికా మధ్య జరగనున్న డబ్ల్యూటీపీ ఫైనల్‌కు ఎంతో బలాన్ని ఇస్తుంది.

ఈ సందర్భంలో కమ్మిన్స్ మాట్లాడుతూ, ‘ఐపీఎల్ 2025 నుంచి మైదానంలోకి తిరిగి రావడమే నా లక్ష్యం. టీ20లో నాలుగు ఓవర్లు ఉంటాయి. ఇది ప్రపంచ టెస్ట్ ఛాంపియన్‌షిప్ ఫైనల్, ఆ తర్వాత జరగనున్న టెస్ట్ మ్యాచ్‌లకు శారీరకంగా సిద్ధం కావడానికి సహాయపడుతుంది. దీని కోసం, నేను వచ్చే వారం బౌలింగ్ ప్రారంభిస్తాను. ఫిట్‌గా ఉండి ఐపీఎల్ 2025లో తిరిగి మైదానంలోకి రావాలనుకుంటున్నాను. ఈ టోర్నమెంట్‌లో బౌలింగ్ చేయడానికి చాలా అవకాశాలు ఉన్నాయి’ అంటూ చెప్పుకొచ్చాడు.

ఐపీఎల్ 2025 మెగా వేలానికి ముందే SRH తమ కెప్టెన్ పాట్ కమ్మిన్స్‌ను రిటైన్ చేసుకున్న సంగతి తెలిసిందే. అతని కెప్టెన్సీలో, హైదరాబాద్ IPL 2024లో ఫైనల్స్‌కు చేరుకుంది. ఐపీఎల్ 18వ సీజన్ ప్రారంభానికి ముందే కమిన్స్ ఫిట్‌గా మారితే, SRH అభిమానులకు అది చాలా శుభవార్త అవుతుంది.

హైదరాబాద్ జట్టు రెండోసారి టైటిల్ గెలవడానికి సిద్ధంగా ఉంది. ఐపీఎల్ 2025లో, SRH మార్చి 23న రాజస్థాన్ రాయల్స్‌తో తన మొదటి మ్యాచ్ ఆడనుంది.

మరిన్ని క్రీడా వార్తల కోసం ఇక్కడ క్లిక్ చేయండి..