T20 Double Century : 81 బంతుల్లో 23 సిక్సులతో 229 పరుగులు.. ఇది కొట్టుడు కాదు మావ ఇరకొట్టుడు
T20 Double Century : భారత్, శ్రీలంక వేదికగా ఫిబ్రవరి 7, 2026 నుంచి ఐసీసీ మెన్స్ టీ 20 వరల్డ్ కప్ 2026 ప్రారంభం కానుంది. ఈ టోర్నమెంట్లో మొత్తం 20 జట్లు పాల్గొంటుండగా, అభిమానులు భారీ స్కోర్లు, మెరుపు బ్యాటింగ్ను ఆశిస్తున్నారు. భారత్, ఆస్ట్రేలియా వంటి అగ్రశ్రేణి జట్లపై దృష్టి ఉన్నప్పటికీ, చిన్న జట్లు కూడా తమ సత్తా చాటాలని చూస్తున్నాయి.
T20 Double Century : భారత్, శ్రీలంక వేదికగా ఫిబ్రవరి 7, 2026 నుంచి ఐసీసీ మెన్స్ టీ 20 వరల్డ్ కప్ 2026 ప్రారంభం కానుంది. ఈ టోర్నమెంట్లో మొత్తం 20 జట్లు పాల్గొంటుండగా, అభిమానులు భారీ స్కోర్లు, మెరుపు బ్యాటింగ్ను ఆశిస్తున్నారు. భారత్, ఆస్ట్రేలియా వంటి అగ్రశ్రేణి జట్లపై దృష్టి ఉన్నప్పటికీ, చిన్న జట్లు కూడా తమ సత్తా చాటాలని చూస్తున్నాయి. అటువంటి జట్లలో ఒకటి నెదర్లాండ్స్, ఇది ప్రపంచ కప్లో భారత్ గ్రూప్లో ఉంది. ఈ టోర్నమెంట్ ప్రారంభానికి ముందే నెదర్లాండ్స్ కెప్టెన్ స్కాట్ ఎడ్వర్డ్స్ ఒక టీ20 మ్యాచ్లో డబుల్ సెంచరీ చేసి తన సత్తా చాటాడు.
ఆస్ట్రేలియాలో జరుగుతున్న ఒక స్థానిక టీ20 టోర్నమెంట్, క్లెంజో గ్రూప్ షీల్డ్ టోర్నమెంట్లో స్కాట్ ఎడ్వర్డ్స్ బౌండరీలు, సిక్సర్లతో బౌలర్ల మీద విరుచుకుపడ్డాడు. ఆల్టోనా స్పోర్ట్స్ టీ20 ఫస్ట్ 11 తరఫున ఆడిన ఎడ్వర్డ్స్, నాలుగో రౌండ్లో విలియమ్స్ ల్యాండింగ్ ఎస్సీ టీ20 జట్టుపై మెరుపు డబుల్ సెంచరీ సాధించాడు. నెదర్లాండ్స్ తరఫున 82 టీ20 మ్యాచ్లు ఆడిన ఎడ్వర్డ్స్, లోకల్ బౌలర్లపై అత్యంత దూకుడుగా దాడి చేశాడు.
విలియమ్స్ ల్యాండింగ్ ఎస్సీ టీ20 జట్టుతో జరిగిన ఈ మ్యాచ్లో ఎడ్వర్డ్స్ జట్టు మొదట బ్యాటింగ్ చేసింది. ఎడ్వర్డ్స్ ఓపెనర్గా బరిలోకి దిగాడు. ఈ రైట్ హ్యాండ్ బ్యాట్స్మన్ విలియమ్స్ బౌలర్లపై విరుచుకుపడి, కేవలం 81 బంతుల్లో 229 పరుగుల అద్భుతమైన ఇన్నింగ్స్ ఆడాడు. అతను మొదటి బంతి నుంచి చివరి బంతి వరకు క్రీజులో ఉండి, అజేయంగా నిలిచాడు. తన ఇన్నింగ్స్లో ఫోర్ల కంటే సిక్సర్లు ఎక్కువ కొట్టడం విశేషం. ఈ మ్యాచులో అతడి స్ట్రైక్ రేట్ 282 కాగా, 23 సిక్సులు, 14 ఫోర్లు బాదాడు.
ఇది ఒక స్థానిక టీ20 టోర్నమెంట్లో సాధించిన డబుల్ సెంచరీ కాబట్టి, ఈ స్కోరు అధికారిక రికార్డుల్లో లెక్కించబడదు. ఈ డబుల్ సెంచరీ వల్ల టీ20 ప్రపంచ కప్లో అతని లేదా అతని జట్టు ప్రదర్శనపై పెద్దగా ప్రభావం చూపకపోవచ్చు. అయినప్పటికీ 20 ఓవర్ల మ్యాచ్లో డబుల్ సెంచరీ చేయడం ద్వారా అతను ఖచ్చితంగా ప్రశంసలు అందుకున్నాడు. ఈ మ్యాచ్లో ఎడ్వర్డ్స్ జట్టు ఆల్టోనా మొత్తం 304 పరుగులు చేసింది. విలియమ్స్ బ్యాటర్లకు ఈ స్కోరు అసాధ్యమని నిరూపితమై, ఆ జట్టు కేవలం 16.5 ఓవర్లలో 110 పరుగులకే ఆలౌట్ అయింది.
మరిన్ని క్రీడా వార్తల కోసం ఇక్కడ చూడండి