Virat Kohli: విరాట్ కోహ్లీ దృష్టిలో పడిన సన్‌రైజర్స్ హైదరాబాద్ బౌలర్.. అతని బౌలింగ్ స్పీడ్ ఎంతంటే..
ఐపీఎల్లో ఆడిన రెండో మ్యాచ్లోనే ఉమ్రాన్ మాలిక్.. కెప్టెన్ విరాట్ కోహ్లీ దృష్టిలో పడ్డాడు. అర్సీబీతో జరిగిన మ్యాచ్లో మాలిక్ అత్యంత వేగంగా బౌలింగ్ చేశాడు. దీనిపై స్పందించిన కోహ్లీ....
ఐపీఎల్లో ఆడిన రెండో మ్యాచ్లోనే ఉమ్రాన్ మాలిక్.. కెప్టెన్ విరాట్ కోహ్లీ దృష్టిలో పడ్డాడు. అర్సీబీతో జరిగిన మ్యాచ్లో మాలిక్ అత్యంత వేగంగా బౌలింగ్ చేశాడు. దీనిపై స్పందించిన కోహ్లీ.. జమ్మూ కాశ్మీర్ యువకుడి ఆటను పర్యవేక్షించాల్సిన అవసరం ఉందన్నారు. జమ్మూకు చెందిన 21 ఏళ్ల సన్ రైజర్స్ హైదరాబాద్ పేసర్ ఉమ్రాన్ మాలిక్ బుధవారం రాయల్ ఛాలెంజర్స్ బెంగళూరుతో జరిగిన మ్యాచ్లో152.95 కి.మీ. వేగంతో బంతులు విసిరాడు. ఇలా అతను విరాట్ను ఆకట్టుకున్నాడు. ఐపీఎల్లో ప్రతి సంవత్సరం కొత్త ప్రతిభను బయటపడుతుందని చెప్పారు. 150 కి.మీ. వేగంతో ఒక వ్యక్తి బౌలింగ్ చేయడం మంచిదన్నారు. ఇక్కడ నుంచి వ్యక్తుల పురోగతిని అర్థం చేసుకోవడం చాలా ముఖ్యమని కోహ్లీ అన్నారు. ఈ మ్యాచ్లో ఆర్సీబీ నాలుగు పరుగుల తేడాతో ఓడిపోయింది. ఈ మ్యాచ్లో ఉమ్రాన్ మాలిక్ 4 ఓవర్లు వేసి ఒక వికెట్ తీసి 21 పరుగులు ఇచ్చాడు.
గత ఆదివారం కోల్‌కతా నైట్ రైడర్స్‌తో జరిగిన మ్యాచ్లో కూడా ఉమ్రాన్ మాలిక్ ఆకట్టుకున్నారు. వికెట్ తీయలేనప్పుటికీ అతడి వేగంతో అందరిని ఆకట్టుకున్నాడు. అతను 151.03 కిలోమీటర్ల వేగంతో బంతులు విసిరాడు. ఉమ్రాన్ మాలిక్ కూరగాయలు, పండ్ల విక్రయించే అబ్దుల్ మాలిక్ కుమారుడు. ఐపీఎల్ కోసం తన కుమారుడు పడిన కష్టాన్ని అబ్దుల్ మాలిక్ చాలా భావోద్వేగంతో చెప్పారు. తన కుమారుడు ఐపీఎల్కు ఎంపిక కావడం చూసి తను, తన భార్య కన్నీళ్లు పెట్టుకున్నామని వివరించారు. తన కొడుకు ఏదో ఒకరోజు భారత్ తరఫున కూడా ఆడాలని కోరుకుంటున్నట్లు చెప్పారు.
