IND vs PAK: సచిన్ 2526.. ద్రవిడ్ 1899.. పాక్‌పై అత్యధిక పరుగులు చేసిన భారత బ్యాటర్లు వీరే

IND vs PAK: భారత్, పాకిస్తాన్ మధ్య జరిగే క్రికెట్ మ్యాచ్‌లు ఎప్పుడూ అత్యంత ఉత్కంఠభరితంగా ఉంటాయి. మైదానంలో ఈ రెండు జట్లు ఎదురెదురుపడిన ప్రతిసారీ క్రీడాభిమానుల దృష్టి మొత్తం ఆటగాళ్ల ప్రదర్శనపైనే ఉంటుంది. ముఖ్యంగా వన్డే క్రికెట్‌లో పాకిస్తాన్‌పై భారత బ్యాటర్లు ఎన్నో మరపురాని, చారిత్రాత్మక ఇన్నింగ్స్‌లు ఆడారు. పాక్ బౌలింగ్‌ను సమర్థవంతంగా ఎదుర్కొంటూ వరుసగా పరుగులు సాధించి రికార్డుల పుటల్లోకెక్కిన టాప్-7 భారత బ్యాటర్ల వివరాలు చూద్దాం.

1. సచిన్ టెండూల్కర్ – 2526 పరుగులు

పాకిస్తాన్‌పై వన్డేల్లో అత్యధిక పరుగులు సాధించిన భారత బ్యాటర్‌గా క్రికెట్ దేవుడు సచిన్ టెండూల్కర్ అగ్రస్థానంలో నిలిచారు. సచిన్ పాకిస్తాన్‌పై 69 మ్యాచ్‌ల్లోని 67 ఇన్నింగ్స్‌లలో 40.09 సగటుతో ఏకంగా 2526 పరుగులు బాదారు. ఇందులో 5 సెంచరీలు, 16 హాఫ్ సెంచరీలు ఉన్నాయి. పాక్‌పై సచిన్ నమోదు చేసిన అత్యధిక వ్యక్తిగత స్కోరు 141 పరుగులు.

2. రాహుల్ ద్రవిడ్ – 1899 పరుగులు

‘ది వాల్’ గా ప్రసిద్ధి చెందిన రాహుల్ ద్రవిడ్ ఈ జాబితాలో రెండో స్థానంలో ఉన్నారు. ద్రవిడ్ పాకిస్తాన్‌పై 58 వన్డే మ్యాచ్‌లు ఆడి 1899 పరుగులు చేశారు. ఈ క్రమంలో ఆయన 2 సెంచరీలు, 14 హాఫ్ సెంచరీలు సాధించారు. ద్రవిడ్ అత్యుత్తమ స్కోరు 107 పరుగులు.

3. మహమ్మద్ అజహరుద్దీన్ – 1657 పరుగులు

భారత మాజీ కెప్టెన్ మహమ్మద్ అజహరుద్దీన్ కూడా పాకిస్తాన్‌పై అద్భుతమైన ప్రదర్శన ఇచ్చారు. ఆయన 64 మ్యాచ్‌ల్లోని 59 ఇన్నింగ్స్‌లలో 1657 పరుగులు సాధించారు. అజహర్ బ్యాట్ నుంచి పాక్‌పై 2 సెంచరీలు, 9 హాఫ్ సెంచరీలు రాగా, అత్యధిక స్కోరు 101 పరుగులుగా ఉంది.

4. సౌరవ్ గంగూలీ – 1652 పరుగులు

భారత క్రికెట్ దిగ్గజ కెప్టెన్లలో ఒకరైన సౌరవ్ గంగూలీ ఈ లిస్ట్‌లో నాలుగో స్థానంలో ఉన్నారు. గంగూలీ పాకిస్తాన్‌తో ఆడిన 53 వన్డే మ్యాచ్‌ల్లో 1652 పరుగులు చేశారు. ఇందులో 2 సెంచరీలు, 9 హాఫ్ సెంచరీలు ఉండగా, ఆయన అత్యధిక స్కోరు 141 పరుగులు.

5. యువరాజ్ సింగ్ – 1360 పరుగులు

సిక్సర్ల కింగ్ యువరాజ్ సింగ్ పాకిస్తాన్‌పై తన బ్యాటింగ్ ప్రతాపాన్ని చూపించారు. ఆయన 38 వన్డే మ్యాచ్‌ల్లో 1360 పరుగులు సాధించారు. యువరాజ్ ఖాతాలో 1 సెంచరీ, 12 హాఫ్ సెంచరీలు ఉన్నాయి. నాటౌట్‌గా నిలిచిన 107 పరుగులు ఆయన అత్యుత్తమ స్కోరు.

6. ఎమ్.ఎస్. ధోనీ – 1231 పరుగులు

లెజెండరీ కెప్టెన్ మహేంద్ర సింగ్ ధోనీ పాకిస్తాన్‌పై 36 వన్డేల్లో 53.52 అత్యుత్తమ సగటుతో 1231 పరుగులు బాదారు. ధోనీ 2 సెంచరీలు, 9 హాఫ్ సెంచరీలు సాధించగా, ఆయన అత్యధిక స్కోరు 148 పరుగులు.

7. వీరేంద్ర సెహ్వాగ్ – 1071 పరుగులు

విధ్వంసకర ఓపెనర్ వీరేంద్ర సెహ్వాగ్ ఈ జాబితాలో ఏడో స్థానంలో ఉన్నారు. సెహ్వాగ్ పాకిస్తాన్‌పై 31 వన్డేల్లో 102.58 స్ట్రైక్ రేట్‌తో 1071 పరుగులు చేశారు. ఇందులో 2 సెంచరీలు, 6 హాఫ్ సెంచరీలు ఉన్నాయి. ఆయన అత్యధిక స్కోరు 119 పరుగులు.

మరిన్ని క్రీడా వార్తల కోసం ఇక్కడ క్లిక్ చేయండి..