Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Mohammed Shami: సెలెక్టర్లకు భారీ సందేశాన్ని పంపిన స్టార్ పేసర్! రీఎంట్రీ కోసం మాములుగా ట్రై చేయ్యట్లేదుగా

మహ్మద్ షమీ తన శిక్షణ, ప్రదర్శనతో 2025 ఛాంపియన్స్ ట్రోఫీకి భారత జట్టులో స్థానం కోసం బలంగా ఎదురుచూస్తున్నారు. గాయాల కారణంగా గతంలో ఆటకు దూరమైన షమీ, దేశవాళీ క్రికెట్‌లో అటు ఫిట్‌నెస్ ఇటు ఫామ్‌ను తిరిగి పొందారు. 2023 ప్రపంచ కప్‌లో భారత జట్టుకు ప్రధాన బౌలర్‌గా ఉన్న షమీ, సయ్యద్ ముస్తాక్ అలీ, విజయ్ హజారే ట్రోఫీలలో ఆకట్టుకున్నారు. ఇది అతడిని సెలెక్టర్ల ముందుకు ప్రతిష్టాత్మకంగా నిలిపింది.

Mohammed Shami: సెలెక్టర్లకు భారీ సందేశాన్ని పంపిన స్టార్ పేసర్! రీఎంట్రీ కోసం మాములుగా ట్రై చేయ్యట్లేదుగా
నిజానికి మహ్మద్ షమీ చాలా కాలంగా గాయపడ్డాడు. ఈ కారణంగా ఏడాదికి పైగా భారత్ తరపున ఏ మ్యాచ్ ఆడలేకపోయాడు. ఇప్పుడు ఛాంపియన్స్ ట్రోఫీకి ముందు తిరిగి జట్టులోకి వచ్చాడు. ఇంగ్లండ్‌తో జరిగే టీ20 సిరీస్‌కు భారత జట్టులో షమీకి చోటు కల్పించారు. అయితే, తొలి రెండు టీ20 మ్యాచ్‌ల్లోనూ అతనికి ఆడే అవకాశం రాలేదు. ఆ తర్వాత, బహుశా షమీ ఇంకా పూర్తిగా ఫిట్‌గా లేడని, అందుకే ఆడలేడని ఊహాగానాలు మొదలయ్యాయి.
Follow us
Narsimha

|

Updated on: Jan 08, 2025 | 7:34 PM

మహ్మద్ షమీ భారత జట్టుకు తన ప్రాబల్యాన్ని మరోసారి ప్రదర్శించేందుకు ప్రయత్నిస్తున్నాడు. 2025 ఛాంపియన్స్ ట్రోఫీ సమీపిస్తుండగా, షమీ తన ఫిట్‌నెస్, ప్రదర్శనతో సెలెక్టర్లకు గట్టి సందేశం పంపారు. గాయాల కారణంగా 2024లో అంతర్జాతీయ క్రికెట్‌కు దూరమైన షమీ, తాజాగా దేశవాళీ క్రికెట్‌లో సత్తా చూపుతూ జట్టులో తిరిగి స్థానం కోసం పావులు కదుపుతున్నారు.

తాజాగా షమీ తన శిక్షణ వీడియోను సోషల్ మీడియాలో పంచుకున్నారు. ఈ వీడియోలో, బెంగాల్ జట్టుతో కలిసి విజయ్ హజారే ట్రోఫీ కోసం చెమటలు చిందిస్తూ కనిపించారు. గతంలో గాయాల గురించి ఆందోళనలు ఉన్నప్పటికీ, ప్రస్తుతం జరుగుతున్న ట్రోఫీ మ్యాచ్‌లలో ఆయన మేలైన బౌలింగ్ చేసి, జట్టుకు తన ప్రాముఖ్యతను చాటుకున్నారు.

సయ్యద్ ముస్తాక్ అలీ ట్రోఫీలో 11 వికెట్లు సాధించిన షమీ, విజయ్ హజారే ట్రోఫీలోనూ తన ఫిట్‌నెస్, ఫామ్‌ను కొనసాగిస్తున్నారు. మధ్యప్రదేశ్‌తో జరిగిన మ్యాచ్‌లో 42 పరుగులతో సత్తా చాటడం ద్వారా తన బ్యాటింగ్ నైపుణ్యాన్ని కూడా నిరూపించారు. ఇది అతడిని నమ్మకమైన ఆల్‌రౌండర్‌గా నిలిపే అవకాశాన్ని పెంచింది.

34 ఏళ్ల మహ్మద్ షమీ, 2023 ప్రపంచ కప్‌లో అత్యధిక వికెట్లు తీసిన భారత బౌలర్. ఇప్పుడు, 2025 ఛాంపియన్స్ ట్రోఫీ కోసం సెలక్షన్ కమిటీకి ఆయనను జట్టులోకి తీసుకోవడం ఓ అనివార్య నిర్ణయంగా మారుతోంది. జనవరి 12న భారత జట్టు ప్రకటించబడతుందని భావిస్తున్న తరుణంలో, షమీ తన ప్రదర్శనతో సెలెక్టర్లకు నిరూపణ చేస్తున్నాడు.