KKR: 4 మ్యాచ్‌లు, 0 పాయింట్లు.. కట్‌చేస్తే.. ఈజీగా కోల్‌కతా ప్లేఆఫ్స్ చేరే ఛాన్స్.. ఎలాగంటే?

Kolkata Knight Riders Playoffs

Kolkata Knight Riders Playoffs: ప్రస్తుత ఐపీఎల్ సీజన్‌లో రెండు బలమైన జట్లు అయిన కేకేఆర్, చెన్నై సూపర్ కింగ్స్ వరుస ఓటములతో సతమతమవుతున్నాయి. కోల్‌కతా ఆడిన నాలుగు మ్యాచ్‌ల్లో మూడింటిలో ఓడిపోగా, ఒక మ్యాచ్ వర్షం కారణంగా రద్దు కావడంతో కేవలం ఒక పాయింట్‌తో తొమ్మిదో స్థానంలో ఉంది. జట్టు ప్రదర్శన అభిమానులను నిరాశపరుస్తున్నప్పటికీ, రాబోయే మ్యాచ్‌ల్లో పుంజుకుంటే అద్భుతాలు చేసే అవకాశం ఉంది.

లక్నో చేతిలో ఊహించని పరాజయం..

ఇటీవల లక్నో సూపర్ జెయింట్స్ జట్టుతో జరిగిన పోరులో కోల్‌కతా విజయం అంచు వరకు వెళ్లి బోల్తా పడింది. గెలిచే స్థితిలో ఉన్న మ్యాచ్‌ను ముకుల్ చౌదరి అద్భుత ప్రదర్శనతో కేకేఆర్ చేతుల నుంచి లాగేసుకున్నాడు. ఈ మూడు వికెట్ల తేడాతో వచ్చిన ఓటమి ఆ జట్టు ప్లేఆఫ్ అవకాశాలను మరింత సంక్లిష్టంగా మార్చింది. ప్రస్తుతం కోల్ కతా జట్టు ఖాతాలో 10 మ్యాచ్‌లు మాత్రమే మిగిలి ఉన్నాయి.

ప్లేఆఫ్స్ చేరాలంటే ఎన్ని విజయాలు అవసరం?

ఈ టోర్నీలో మొత్తం 10 జట్లు పాల్గొంటున్నాయి. ఒక్కో జట్టు 14 మ్యాచ్‌లు ఆడాలి. కోల్‌కతా ప్లేఆఫ్స్ బెర్తు దక్కించుకోవాలంటే మిగిలిన 10 మ్యాచ్‌ల్లో కనీసం 8 మ్యాచ్‌లలో ఖచ్చితంగా గెలవాల్సి ఉంటుంది. దీనివల్ల ఆ జట్టు ఖాతాలో 17 పాయింట్లు చేరుతాయి. సాధారణంగా 16 నుంచి 18 పాయింట్లు సాధించిన జట్టుకు నాకౌట్ దశకు వెళ్లే అవకాశం మెండుగా ఉంటుంది. విజయాలతో పాటు నెట్ రన్ రేట్ మెరుగుపరుచుకోవడం కూడా ఇక్కడ కీలకం కానుంది.

చెన్నైతో పోరు.. కేకేఆర్‌కు సువర్ణావకాశం..

వరుస ఓటముల నుంచి కోలుకోవడానికి కోల్‌కతాకు ఏప్రిల్ 14న జరిగే మ్యాచ్ ఎంతో కీలకం. పాయింట్ల పట్టికలో అట్టడుగున ఉన్న చెన్నై సూపర్ కింగ్స్‌తో ఈ మ్యాచ్ జరగనుంది. రెండు జట్లూ విజయాల కోసం ఆకలితో ఉండటంతో ఈ పోరు రసవత్తరంగా సాగే అవకాశం ఉంది. ఈ మ్యాచ్‌లో గెలిచి పాయింట్ల ఖాతాను తెరిస్తేనే కోల్‌కతా తన ఆశలను సజీవంగా ఉంచుకోగలదు. అంతకంటే ముందు ఏప్రిల్ 11న ఢిల్లీ క్యాపిటల్స్‌తో తలపడనున్న చెన్నై జట్టు కూడా గెలుపుపై కన్నేసింది.