IPL 2022 Points Table: థ్రిల్లింగ్ విజయంతో పాయింట్ల పట్టికలో జంప్ చేసిన ఢిల్లీ.. దిగజారిన కోల్‌కతా..

గుజరాత్ టైటాన్స్, రాజస్థాన్ రాయల్స్ టీంలు పేస్ ఆధారంగా IPL 2022 పాయింట్ల పట్టిక(IPL 2022 Points Table)లో ఆధిక్యంలో నిలిచాయి. అయితే టేబుల్ మధ్యలో తీవ్ర పోటీ ఉంది. సమాన పాయింట్లతో ఒకరినొకరు అధిగమించేందుకు చాలా జట్లు పోటీపడుతున్నాయి. ఏప్రిల్ 28 గురువారం జరిగిన సీజన్‌లోని 41వ మ్యాచ్ తర్వాత కూడా అదే పరిస్థితి కొనసాగింది. ముంబైలోని వాంఖడే స్టేడియంలో ఢిల్లీ క్యాపిటల్స్(Delhi Capitals) ఈ సీజన్‌లో కోల్‌కతా నైట్ రైడర్స్‌ను రెండోసారి ఓడించడం ద్వారా పట్టికలో తమ స్థానాన్ని కొద్దిగా మెరుగుపరుచుకుంది. కోల్‌కతాపై 4 వికెట్ల తేడాతో విజయం సాధించిన ఢిల్లీ 8 పాయింట్లతో పట్టికలో ఆరో స్థానంలో నిలిచింది. అదే సమయంలో కోల్‌కతాలో వరుసగా ఐదో ఓటమితో పరిస్థితి మరింత దారుణంగా తయారైంది.

కేకేఆర్ దెబ్బతీసిన మాజీ బౌలర్..

కుల్దీప్ యాదవ్ మరోసారి తన పాత జట్టు ఓటమికి స్క్రిప్ట్ రాసి 4 వికెట్లు పడగొట్టి శ్రేయాస్ అయ్యర్ జట్టును భారీ స్కోర్ చేసే అవకాశం ఇవ్వలేదు. దీంతో ఢిల్లీకి 147 పరుగుల లక్ష్యం మాత్రమే వచ్చింది. అయితే, ఛేదనలో ఢిల్లీ కూడా కష్టాలు ఎదుర్కోవాల్సి వచ్చింది. మధ్యలో తడబడినా.. చివర్లో ఇన్నింగ్స్ ట్రాక్ ఎక్కడంతో 19వ ఓవర్‌లో ఆ జట్టు లక్ష్యాన్ని చేరుకుని, విలువైన 2 పాయింట్లను తమ బ్యాగ్‌లో వేసుకుంది.

ఈ విజయంతో ఢిల్లీ 8 మ్యాచ్‌ల్లో 4 విజయాలతో మొత్తం 8 పాయింట్లు సాధించి ఏడో స్థానం నుంచి ఎగబాకి పంజాబ్ కింగ్స్‌ను వెనక్కి నెట్టి ఆరో స్థానానికి చేరుకుంది. ఢిల్లీకి కలిసొచ్చిన మరో విషయమేమిటంటే, వారి నెట్ రన్ రేట్ చాలా ఎక్కువగా ఉంది. ఇటువంటి పరిస్థితిలో సమాన పాయింట్లతో ఉన్న ఇతర జట్లను అధిగమించగలదు. మరోవైపు కోల్‌కతా వరుసగా ఐదో ఓటమిని మూటగట్టుకుంది.

మరిన్ని ఐపీఎల్ వార్తల కోసం ఇక్కడ క్లిక్ చేయండి..

Also Read: KKR Vs DC: రాణించిన కుల్దీప్‌ యాదవ్, డెవిడ్‌ వార్నర్‌.. కోల్‌కత్తాపై 4 వికెట్ల తేడాతో ఢిల్లీ విజయం..

KKR vs DC: రాణించిన నితిష్, శ్రేయస్‌.. 146 పరుగులు చేసిన కోల్‌కత్తా