IPL 2026 : ఆరెంజ్ క్యాప్ రేసులో గిల్ జోరు.. భువనేశ్వర్‌ను వెనక్కి నెట్టి పర్పుల్ క్యాప్ పట్టేసిన రబడా

IPL 2026 : ఐపీఎల్ 2026 సీజన్ రసవత్తరంగా సాగుతోంది. మైదానంలో జట్ల మధ్య పోరు ఎంత తీవ్రంగా ఉందో, ఆటగాళ్ల మధ్య వ్యక్తిగత రికార్డుల వేట కూడా అంతే ఆసక్తికరంగా మారింది. తాజా మ్యాచ్ ఫలితాలతో ఆరెంజ్ క్యాప్, పర్పుల్ క్యాప్ జాబితాలో అనూహ్య మార్పులు చోటుచేసుకున్నాయి. గుజరాత్ టైటాన్స్ కెప్టెన్ శుభ్‌మన్ గిల్, బౌలర్ కగిసో రబడా తమ అద్భుత ప్రదర్శనతో అగ్రస్థానాల వైపు దూసుకెళ్తున్నారు. ఐపీఎల్ 52వ మ్యాచ్‌లో రాజస్థాన్ రాయల్స్‌పై గుజరాత్ టైటాన్స్ 77 పరుగుల తేడాతో భారీ విజయాన్ని నమోదు చేసింది. తొలుత బ్యాటింగ్ చేసిన గుజరాత్ జట్టు 229 పరుగుల భారీ స్కోరు సాధించింది. యువ ఆటగాడు సాయి సుదర్శన్ 36 బంతుల్లో 55 పరుగులు చేయగా, శుభ్‌మన్ గిల్ 44 బంతుల్లో 84 పరుగులతో విరుచుకుపడ్డారు. లక్ష్య చేధనలో రాజస్థాన్ రాయల్స్ కేవలం 152 పరుగులకే కుప్పకూలింది. వైభవ్ సూర్యవంశీ మెరుపు ఆరంభం ఇచ్చినప్పటికీ, అది జట్టును గట్టెక్కించలేకపోయింది.

ఆరెంజ్ క్యాప్ రేసులో శుభ్‌మన్ గిల్ హవా

రాజస్థాన్ రాయల్స్‌తో జరిగిన మ్యాచ్ తర్వాత పరుగుల వేటలో గిల్ నాలుగో స్థానానికి చేరుకున్నారు. ఈ మ్యాచ్‌లో ఆయన చేసిన 84 పరుగులు పట్టికలో తన స్థానాన్ని మెరుగుపరుచుకోవడానికి దోహదపడ్డాయి. ప్రస్తుతం సన్‌రైజర్స్ హైదరాబాద్ ఆటగాడు హెన్రిచ్ క్లాసెన్ 494 పరుగులతో అగ్రస్థానంలో కొనసాగుతున్నారు.

టాప్ 5 బ్యాటర్లు (పరుగులు):

* హెన్రిచ్ క్లాసెన్ (సన్‌రైజర్స్ హైదరాబాద్) – 494

* అభిషేక్ శర్మ (సన్‌రైజర్స్ హైదరాబాద్) – 475

* కేఎల్ రాహుల్ (ఢిల్లీ క్యాపిటల్స్) – 468

* శుభ్‌మన్ గిల్ (గుజరాత్ టైటాన్స్) – 462

* వైభవ్ సూర్యవంశీ (రాజస్థాన్ రాయల్స్) – 440

భువనేశ్వర్‌ను వెనక్కి నెట్టిన రబడా

బౌలింగ్ విభాగంలో పర్పుల్ క్యాప్ హోల్డర్ మారిపోయారు. గత కొన్ని రోజులుగా భువనేశ్వర్ కుమార్ వద్ద ఉన్న పర్పుల్ క్యాప్‌ను ఇప్పుడు కగిసో రబడా చేజిక్కించుకున్నారు. రాజస్థాన్ రాయల్స్‌పై రబడా 2 కీలక వికెట్లు పడగొట్టి 18 వికెట్లతో అగ్రస్థానానికి చేరుకున్నారు. భువనేశ్వర్, అన్షుల్ కంబోజ్ తలో 17 వికెట్లతో తర్వాతి స్థానాల్లో ఉన్నారు.

టాప్ 5 బౌలర్లు (వికెట్లు):

* కగిసో రబడా (గుజరాత్ టైటాన్స్) – 18

* భువనేశ్వర్ కుమార్ (రాయల్ ఛాలెంజర్స్ బెంగళూరు) – 17

* అన్షుల్ కంబోజ్ (చెన్నై సూపర్ కింగ్స్) – 17

* ప్రిన్స్ యాదవ్ (లక్నో సూపర్ జెయింట్స్) – 16

* ఇషాన్ మలింగ (సన్‌రైజర్స్ హైదరాబాద్) – 16

ముగింపు దశకు చేరుకుంటున్న ఈ మెగా టోర్నీలో ఈ జాబితా మరిన్ని మలుపులు తిరిగే అవకాశం ఉంది. ప్రతి మ్యాచ్ పట్టికను తారుమారు చేస్తూ అభిమానుల్లో ఉత్కంఠను పెంచుతోంది.

మరిన్ని క్రికెట్ వార్తల కోసం ఇక్కడ చూడండి..