IPL 2026 : స్టేడియానికి వెళ్లక్కర్లేదు.. టికెట్ అక్కర్లేదు.. ఐపీఎల్ 2026 ఫ్యాన్ పార్కుల షెడ్యూల్ వచ్చేసింది

IPL 2026 : ఐపీఎల్ (IPL) సందడి మొదలైంది. స్టేడియానికి వెళ్లి మ్యాచ్ చూసే అవకాశం లేని క్రికెట్ ప్రేమికుల కోసం భారత క్రికెట్ నియంత్రణ మండలి (BCCI) అదిరిపోయే గుడ్ న్యూస్ చెప్పింది. ఐపీఎల్ 2026 సీజన్ మొదటి దశ షెడ్యూల్‌లో భాగంగా దేశవ్యాప్తంగా ఫ్యాన్ పార్క్ (Fan Parks) ఏర్పాటు చేస్తున్నట్లు ప్రకటించింది. టికెట్ లేకపోయినా, స్టేడియం వెళ్లకపోయినా.. అదే స్థాయి జోష్‌ను, అనుభూతిని ఈ ఫ్యాన్ పార్కుల్లో పొందవచ్చు. మొత్తం 11 రాష్ట్రాల్లోని 15 నగరాలను ఇందుకోసం బీసీసీఐ సెలక్ట్ చేసింది.

మూడు వారాల పాటు ఐపీఎల్ జాతర

ఈ ఏడాది ఫ్యాన్ పార్కులను మూడు వేర్వేరు వీకెండ్లలో (శని, ఆదివారాలు) నిర్వహించనున్నారు. ప్రతి వీకెండ్‌లో ఉత్తర, దక్షిణ, తూర్పు, పశ్చిమ ప్రాంతాలను కవర్ చేస్తూ ఐదు వేర్వేరు ప్రదేశాల్లో ఈ ఏర్పాట్లు ఉంటాయి.

ఫ్యాన్ పార్కుల షెడ్యూల్:

మొదటి వారం: మార్చి 28, 29, 2026.

రెండవ వారం: ఏప్రిల్ 4, 5, 2026.

మూడవ వారం: ఏప్రిల్ 11, 12, 2026.

ఏ నగరాల్లో ఎక్కడెక్కడ?

మొదటి వారం (మార్చి 28-29):

రోహ్‌తక్ (హర్యానా – ఛోటూ రామ్ పాలిటెక్నిక్ గ్రౌండ్), భోపాల్ (మధ్యప్రదేశ్ – ప్రభుత్వ MVM కాలేజీ గ్రౌండ్), నాగ్‌పూర్ (మహారాష్ట్ర – మెకోసాబాగ్ మెథడిస్ట్ హైస్కూల్ ప్లేగ్రౌండ్), తుమకూరు (కర్ణాటక – ప్రభుత్వ జూనియర్ కాలేజీ ఫీల్డ్), కృష్ణానగర్ (పశ్చిమ బెంగాల్ – DL రాయ్ స్టేడియం).

రెండవ వారం (ఏప్రిల్ 4-5):

మధుర (ఉత్తరప్రదేశ్ – అమర్‌నాథ్ విద్యా ఆశ్రమం), జోధ్‌పూర్ (రాజస్థాన్ – బర్కతుల్లా ఖాన్ స్టేడియం), నిజామాబాద్ (తెలంగాణ – మహిళా విద్యా సంస్థల మైదానం), మైసూర్ (కర్ణాటక – SBRR మహాజన్ ఫస్ట్ గ్రేడ్ కాలేజీ), భువనేశ్వర్ (ఒడిశా – కిట్స్ యూనివర్సిటీ స్టేడియం).

మూడవ వారం (ఏప్రిల్ 11-12):

మీరట్ (ఉత్తరప్రదేశ్ – భైంసాలీ మైదానం), నడియాడ్ (గుజరాత్ – రాధే ఫార్మ్), రత్నగిరి (మహారాష్ట్ర – స్వర్గీయ ప్రమోద్ మహాజన్ క్రీడా సంక్లిష్ట), కోయంబత్తూరు (తమిళనాడు – హిందుస్థాన్ కాలేజ్ ఆఫ్ ఆర్ట్స్ అండ్ సైన్స్), రూర్కెలా (ఒడిశా – సెక్టార్ 17 గ్రౌండ్).

ఫ్యాన్ పార్కులో ఉండే ప్రత్యేకతలు

ఫ్యాన్ పార్క్ అంటే కేవలం మ్యాచ్ చూడటం మాత్రమే కాదు, ఇదొక మినీ కార్నివాల్‌లా ఉంటుంది. ఇక్కడ లైవ్ స్క్రీనింగ్‌తో పాటు అదిరిపోయే సంగీతం, వినోద కార్యక్రమాలు, ఫుడ్ కోర్టులు ఉంటాయి. ముఖ్యంగా పిల్లల కోసం ప్రత్యేకమైన ప్లే ఏరియాలు, వర్చువల్ బ్యాటింగ్ అనుభవం, బౌలింగ్ నెట్స్, ఫేస్ పెయింటింగ్ వంటి సౌకర్యాలు కల్పిస్తారు. అదనంగా చీర్-ఓ-మీటర్, 360 డిగ్రీల ఫోటో బూత్‌లు ఫ్యాన్స్‌కు కొత్త అనుభూతిని ఇస్తాయి.

🚨 News 🚨

BCCI announces the schedule for the #TATAIPL Fan Parks 2026 for the first three weekends, aligned with the opening phase of TATA IPL 2026.

The Fan Parks will be hosted across 15 cities in 11 states during the first three weeks.

More details ▶️… pic.twitter.com/5xQdjrq39f

— IndianPremierLeague (@IPL) March 23, 2026

2015లో మొదలైన ప్రయాణం

బీసీసీఐ ఈ ఫ్యాన్ పార్కుల సంప్రదాయాన్ని 2015లో ప్రారంభించింది. స్టేడియాలకు దూరంగా ఉండే నగరాల్లో ఐపీఎల్ క్రేజ్‌ను పెంచడంలో ఇవి కీలక పాత్ర పోషించాయి. 2026 సీజన్‌లో కూడా అదే జోష్‌ను కొనసాగిస్తూ, మరింత అత్యాధునిక టెక్నాలజీతో ఫ్యాన్స్ కోసం ఈ ఏర్పాట్లు చేస్తున్నారు. నిజామాబాద్ వంటి నగరాల్లో తెలుగు క్రికెట్ అభిమానులకు ఇది ఒక గొప్ప పండుగ అనే చెప్పాలి.

మరిన్ని క్రీడా వార్తల కోసం ఇక్కడ క్లిక్ చేయండి..