IPL 2024: కిడ్నీ వాధితో ఇబ్బంది.. కట్‌చేస్తే.. చెఫ్ ‘మంత్ర’తో ప్రత్యర్థులకు దడ పుట్టిస్తోన్న ఆర్‌సీబీ ప్లేయర్

Cemeron Green Rcb Ipl 2024

Royal Challengers Bangalore: ఐపీఎల్ 2024 (IPL 2024)లో రాయల్ ఛాలెంజర్స్ బెంగళూరు (RCB) ప్రదర్శన మిశ్రమంగా ఉంది. లీగ్‌లో బెంగళూరు జట్టు ఇప్పటి వరకు 3 మ్యాచ్‌లు ఆడింది. ఇందులో ఆ జట్టు 2 మ్యాచ్‌ల్లో ఓటమి చవిచూడగా, ఒక మ్యాచ్‌లో విజయం సాధించింది. జట్టు ప్రదర్శన మధ్య, స్టార్ ఆల్ రౌండర్ కామెరాన్ గ్రీన్ (Cemeron Green) తన కిడ్నీ వ్యాధి గురించి బయటపెట్టాడు. టీమ్ చెఫ్ తయారుచేసిన ప్రత్యేక డైట్ సహాయంతో తాను విజయవంతంగా ఆడగలుగుతున్నానంటూ చెప్పుకొచ్చాడు.

తాను స్టేజ్ 2 క్రానిక్ కిడ్నీ వ్యాధితో బాధపడుతున్నట్లు కెమెరూన్ గ్రీన్ గత ఏడాది వెల్లడించారు. ఛానల్ 7 ఆస్ట్రేలియాతో కామెరాన్ గ్రీన్ తన వ్యాధి గురించి మాట్లాడుతూ, ‘నేను పుట్టినప్పుడు, నా తల్లిదండ్రులకు దీర్ఘకాలిక మూత్రపిండ వ్యాధి ఉంది. ఇది అల్ట్రాసౌండ్ ద్వారా గుర్తించారు. ఈ వ్యాధితో నేను ప్రత్యేక ఆహారం తీసుకోవాలి. ప్రత్యేక ఆహారాన్ని అనుసరించడం కొన్నిసార్లు సవాలుగా ఉంటుంది. ముఖ్యంగా భారతదేశంలో’ అంటూ చెప్పుకొచ్చాడు.

‘కొన్నిసార్లు పరిమిత ఆహార ఎంపికలు ఉన్నాయి. ఇలాంటి పరిస్థితితో నేను ఉప్పు, ప్రోటీన్‌లను జాగ్రత్తగా చూసుకోవాలి. నేను క్రికెట్ ఆడుతున్నప్పుడు ఆహారంలో ఉప్పు తీసుకోవడం పెంచుతాను. ఎందుకంటే నాకు అవసరం. ఇది కొంచెం సవాలుగా ఉంటుంది. కానీ, నేను నన్ను జాగ్రత్తగా చూసుకోకపోతే, నేను తరువాత తీవ్రమైన వ్యాధుల బారిన పడవచ్చు’ అంటూ చెప్పుకొచ్చాడు.

కామెరాన్ గ్రీన్ మాట్లాడుతూ, ‘RCB ప్రజలు చాలా సహాయకారిగా ఉన్నారు. నేను చెఫ్‌ని సంప్రదించి నా ప్రత్యేక ఆహారాన్ని తీసుకున్నాను. ఆయనతో డైరెక్ట్ గా మాట్లాడి నాకేం కావాలో చెబుతాను. ఎలాంటి ఆహారం నాకు సరిపోతుంది? ఇది తగినంత మొత్తంలో ప్రోటీన్‌ను కలిగి ఉందా? క్రికెట్ ఆడటానికి నాకు బలాన్ని ఇస్తుందా? అనే విషయాలు తెలుసుకుంటాను. తద్వారా నేను మైదానంలో బాగా రాణించగలను. నాపై ఎటువంటి ప్రభావం ఉండదు. నేను ఈ ఫ్రాంచైజీని చాలా ఇష్టపడుతున్నాను. నన్ను చాలా బాగా చూసుకుంటున్నారు అంటూ తెలిపాడు.

కామెరాన్ గ్రీన్ దీర్ఘకాలిక మూత్రపిండ వ్యాధి అవగాహన కోసం కూడా పనిచేస్తున్నాడు. ఈ క్రమంలో ఇటీవల బెంగళూరు కిడ్నీ ఫౌండేషన్‌ని సందర్శించిన ఆయన అక్కడి రోగులను కూడా కలిశారు.

మరిన్ని క్రీడా వార్తల కోసం ఇక్కడ క్లిక్ చేయండి..