DC vs MI, IPL 2024: 2 ఓవర్లలో 41 రన్స్.. హార్దిక్ చెత్త బౌలింగ్.. ఇలాగైతే టీ20 ప్రపంచకప్‌లో ప్లేస్ కష్టమే

Hardik Pandya

Delhi Capitals vs Mumbai Indians:  ఐపీఎల్ 17వ సీజన్‌లో భాగంగా ఢిల్లీ క్యాపిటల్స్‌తో జరుగుతున్న 42వ మ్యాచ్‌లో ముంబై ఇండియన్స్ కెప్టెన్ హార్దిక్ పాండ్యా టాస్ గెలిచి ఫీల్డింగ్ ఎంచుకున్నాడు. ఈ అవకాశాన్ని ఢిల్లీ పూర్తిగా సద్వినియోగం చేసుకుని శుభారంభం చేసింది. ఓపెనింగ్ జోడీ అభిషేక్ పోరెల్, జేక్ ఫ్రేజర్-మెక్‌గర్క్ ముంబై బౌలర్ల పై విరుచుకు పడ్డారు. నాలుగో ఓవర్‌లో జేక్ ఫ్రేజర్-మెక్‌గర్క్ హాఫ్ సెంచరీ సాధించాడు. అలాగే ఓపెనింగ్ జోడీ మెక్‌గుర్క్, పోరెల్ 7.3 ఓవర్లలోనే సెంచరీ భాగస్వామ్యాన్ని నెలకొల్పారు. మొత్తానికి పోరెల్-మెక్‌గర్క్ 114 పరుగుల భాగస్వామ్యం నెలకొల్పి ఢిల్లీ జట్టుకు మంచి శుభారంభం అందించారు. జేక్ ఫ్రేజర్-మెక్‌గర్క్ ముంబై నంబర్ 1 బౌలర్ జస్ప్రీత్ బుమ్రాను సైతం విడిచిపెట్టలేదు. ఇక ఢిల్లీ ఓపెనర్ల ధాటికి హార్దిక్ పాండ్యా కూడా డీలా పడిపోయాడు. ఈ స్టార్ ఆల్ రౌండర్ కేవలం 2 ఓవర్లలోనే 41 పరుగులు ఇచ్చాడు. ఢిల్లీతో జరిగిన మ్యాచ్‌లో ముంబై ఇన్నింగ్స్‌లో ఐదు, ఏడో ఓవర్లను పాండ్యా వేశాడు. పాండ్యా ఐదో ఓవర్‌లో 20 పరుగులు, ఏడో ఓవర్‌లో 21 పరుగులు చేశాడు. మొత్తం 2 ఓవర్లలో 20.50 ఎకానమీ రేటుతో పాండ్యా 41 పరుగులు సమర్పించుకున్నాడు హార్దిక్. దీంతో అతనిపై సోషల్ మీడియాలో ట్రోల్ జరుగుతోంది.

హార్దిక్ వేసిన ఐదో ఓవర్లో జేక్ ఫ్రేజర్-మెక్‌గర్క్ 2 సిక్సర్లు, 2 ఫోర్లు బాదాడు. ఆ తర్వాత అభిషేక్ పోరెల్ ఏడో ఓవర్ తొలి 5 బంతుల్లో 4, 6, 5 పరుగులు చేశాడు. జేక్ ఫ్రేజర్-మెక్‌గర్క్ చివరి బంతికి సిక్సర్ బాదాడు. దీంతో ఏడో ఓవర్లో హార్దిక్ 21 పరుగులు ఇచ్చాడు.

ఇరు జట్ల ప్లేయింగ్ 11 ఇదే:

ఢిల్లీ క్యాపిటల్స్ (ప్లేయింగ్ XI): జేక్ ఫ్రేజర్-మెక్‌గుర్క్, కుమార్ కుషాగ్రా, షాయ్ హోప్, రిషబ్ పంత్(కెప్టెన్, కీపర్), ట్రిస్టన్ స్టబ్స్, అభిషేక్ పోరెల్, అక్షర్ పటేల్, కుల్దీప్ యాదవ్, లిజాద్ విలియమ్స్, ముఖేష్ కుమార్, ఖలీల్ అహ్మద్.

ఇంపాక్ట్ ప్లేయర్లు:

రసిఖ్ దార్ సలామ్, ప్రవీణ్ దూబే, విక్కీ ఓస్త్వాల్, రికీ భుయ్, సుమిత్ కుమార్.

ముంబై ఇండియన్స్ (ప్లేయింగ్ XI): రోహిత్ శర్మ, ఇషాన్ కిషన్(కీపర్), తిలక్ వర్మ, నెహాల్ వధేరా, హార్దిక్ పాండ్యా(కెప్టెన్), టిమ్ డేవిడ్, మహ్మద్ నబీ, పీయూష్ చావ్లా, ల్యూక్ వుడ్, జస్ప్రీత్ బుమ్రా, నువాన్ తుషార.

ఇంపాక్ట్ ప్లేయర్లు:

సూర్యకుమార్ యాదవ్, నమన్ ధీర్, షామ్స్ ములానీ, డెవాల్డ్ బ్రీవిస్, కుమార్ కార్తికేయ.

మరిన్ని క్రీడా వార్తల కోసం ఇక్కడ క్లిక్ చేయండి..