IPL 2022: ఢిల్లీ ఈ సీజన్‌లో ప్లే ఆఫ్‌ చేరుకుంటుందా.. లెక్కలు ఏ విధంగా ఉన్నాయంటే..?
IPL 2022:IPL 2022లో ఢిల్లీ క్యాపిటల్స్‌కు ప్రయాణం హెచ్చు తగ్గులతో కూడి ఉంది. గత మూడు సీజన్లలో వరుసగా ప్లేఆఫ్స్‌కు చేరుకున్న ఈ జట్టు ఈ సీజన్‌లో
IPL 2022:IPL 2022లో ఢిల్లీ క్యాపిటల్స్‌కు ప్రయాణం హెచ్చు తగ్గులతో కూడి ఉంది. గత మూడు సీజన్లలో వరుసగా ప్లేఆఫ్స్‌కు చేరుకున్న ఈ జట్టు ఈ సీజన్‌లో మాత్రం పూర్తి స్థాయిలో నిలదొక్కుకోవడం లేదు. జట్టుకు ఇంతకు ముందున్న బలం లేదనేది కొంత వరకు నిజమేనని చెప్పవచ్చు. అయినప్పటికీ రిషబ్ పంత్ కెప్టెన్సీలో ఢిల్లీ ఇప్పటివరకు 10 మ్యాచ్‌లలో ఐదు గెలిచి 10 పాయింట్లతో రేసులో నిలిచింది. ఈ జట్టు సన్రైజర్స్ హైదరాబాద్‌ను ఓడించడం ద్వారా ప్లే ఆఫ్‌కి అర్హత సాధిస్తుందని అభిమానులు ఆశిస్తున్నారు. అయితే ఇప్పటికే గుజరాత్‌ టైటాన్స్‌ 16, లక్నో సూపర్‌ గెయింట్స్‌ 14, రాజస్తాన్‌ రాయల్స్‌ 12, రాయల్‌ ఛాలెంజర్స్‌ బెంగుళూర్ 12 పాయింట్లతో ముందు వరుసలో ఉన్నాయి. ఢిల్లీ క్యాపిటల్స్‌, సన్రైజర్స్ హైదరాబాద్, పంజాబ్ కింగ్స్‌ 10 పాయింట్లతో తర్వాతి స్థానంలో ఉన్నాయి. ఇందులో ఏది ప్లే ఆఫ్‌కి చేరుకుంటుందో చెప్పడం కొంచెం కష్టమే. మిగిలిన మ్యాచ్‌లు పూర్తయితే కానీ ఏ సంగతి తెలియదు. మరొక విషయం ఏంటంటే రన్‌ రేట్‌ ఇందులో కీలకపాత్ర పోషిస్తుంది.
ఢిల్లీ.. ముంబై ఇండియన్స్‌ను ఓడించడం ద్వారా ఈ సీజన్‌ను ప్రారంభించింది. కానీ ఇప్పటివరకు వరుసగా రెండు మ్యాచ్‌లను గెలవలేకపోయింది. అందులో ఒకటి విభిన్న మైదానాలు అని చెబుతున్నారు. IPL 2022 సీజన్ లీగ్ మ్యాచ్‌లు ముంబైలోని 4 గ్రౌండ్‌లు, పూణే, ఢిల్లీలో నిర్వహిస్తున్నారు. అయితే ఢిల్లీ ఒక మైదానంలో మాత్రమే విజయం సాధిస్తుంది. మే 5న జరిగిన మ్యాచ్‌లో హైదరాబాద్‌పై ఢిల్లీ 21 పరుగుల తేడాతో విజయం సాధించింది. ముంబైలోని చారిత్రాత్మక బ్రబౌర్న్ స్టేడియంలో జట్టు ఈ విజయాన్ని అందుకుంది. నిజానికి బ్రబౌర్న్ స్టేడియం ఢిల్లీకి అదృష్టంగా మారింది. ఇక్కడ ఆడిన నాలుగు మ్యాచ్‌ల్లోనూ జట్టు గెలిచింది. ఈ మైదానంలో హైదరాబాద్‌తో పాటు ముంబై, పంజాబ్, కోల్‌కతా జట్లను ఓడించింది. అదృష్టం ఏంటంటే.. ఢిల్లీకి ఇప్పుడు కేవలం 4 మ్యాచ్‌లు మాత్రమే మిగిలి ఉండగా ఈ మైదానంలో ఎలాంటి మ్యాచ్‌లు జరగడం లేదు.
మరిన్ని ఐపీఎల్‌ వార్తల కోసం ఇక్కడ క్లిక్ చేయండి