Watch Video: చెన్నై టీంలో చేరిన ఆల్ రౌండర్.. ఘన స్వాగతం పలికిన ప్లేయర్స్.. ఇక దబిడ దిబిడే అంటోన్న ఫ్యాన్స్..
చెన్నైకి ఐపీఎల్ నాలుగో టైటిల్‌ను అందజేయడంలో మోయిన్‌ కీలక పాత్ర పోషించాడు. అందుకే వేలానికి ముందే ఫ్రాంచైజీ అతడిని జట్టులో ఉంచుకుంది.
ఇంగ్లండ్ ఆల్ రౌండర్ మోయిన్‌ అలీ(Moeen Ali) చెన్నై సూపర్ కింగ్స్‌(Chennai Super Kings)లో చేరాడు. సోమవారం ఆయన తోటి క్రీడాకారులను కలిశారు. ఈమేరకు ఓ వీడియోను ఫ్రాంచైజీ సోషల్ మీడియాలో షేర్ చేసింది. ఈ వీడియోలో, మోయిన్‌చెన్నై ఆటగాళ్లతోపాటు సిబ్బందిని ఒక్కొక్కరుగా కరచాలనం చేస్తూ, కౌగిలించుకోవడం కనిపిస్తుంది. చెన్నై జట్టులో ఈ ఆల్ రౌండర్ చేరడంతో జడేజా సేనకు మరింత బలమొచ్చింది. రాబోయే మ్యాచ్‌లలో ప్లేయింగ్ ఎలెవన్‌లో భాగం కానున్నాడు. సకాలంలో వీసా లభించకపోవడంతో మోయిన్‌ అలీ ఐపీఎల్(IPL 2022 ) తొలి మ్యాచ్‌కు అందుబాటులోకి లేడు. అతను గురువారం భారతదేశానికి చేరుకున్నాడు. అయితే నిబంధనల ప్రకారం, అతను జట్టులో చేరడానికి ముందు మూడు రోజులు నిర్బంధంలో ఉండాల్సి వచ్చింది. సోమవారం, అతను తన క్వారంటైన్ వ్యవధిని ముగించాడు. దీంతో తోటి ఆటగాళ్లను కలుసుకున్నాడు.
మోయిన్‌కి వీసా రావడంలో ఎందుకు ఆలస్యం జరిగిందంటే?
పాకిస్థానీ సంతతికి చెందిన ఆటగాళ్లకు వీసాల కోసం నిర్ణయించిన నిబంధనల కారణంగా మోయిన్‌వీసా ఆలస్యం అయింది. మోయిన్‌తాత పాక్ ఆక్రమిత కాశ్మీర్ నివాసి. తర్వాత ఇంగ్లండ్ వెళ్లాడు. మోయిన్‌ఇంగ్లండ్‌లోనే పుట్టాడు. మార్చి 31న లక్నో సూపర్ జెయింట్‌తో జరిగే రెండో మ్యాచ్‌లో CSK ఆడాల్సిన రెండో మ్యాచ్‌లో మోయిన్‌ అందుబాటులో ఉంటాడు. ఐపీఎల్ తొలి మ్యాచ్‌లో చెన్నై వాటా కోల్పోయిన సంగతి తెలిసిందే. కోల్‌కతా నైట్ రైడర్స్ జట్టు 6 వికెట్ల తేడాతో విజయం సాధించింది.
గత సీజన్‌లో..
ఐపీఎల్‌లో చెన్నైకి నాల్గవ టైటిల్‌ను అందించడంలో మోయిన్‌ కీలక పాత్ర పోషించాడు. అందువల్ల, ఫ్రాంచైజీ వేలానికి ముందు కెప్టెన్ మహేంద్ర సింగ్ ధోనీ, రవీంద్ర జడేజా, రుతురాజ్ గైక్వాడ్‌లతో పాటు అతనిని జట్టులో ఉంచుకుంది. మోయిన్‌ గతేడాది ఐపీఎల్‌లో చెన్నై తరపున 15 మ్యాచ్‌ల్లో 357 పరుగులు చేయడంతోపాటు ఆరు వికెట్లు కూడా పడగొట్టాడు.
Vanganna Vanakkangana! ?? A Superfam welcome to Namma Mo Bhai! ??#WhistlePodu #Yellove ?? pic.twitter.com/Y9L5tqES7r
— Chennai Super Kings (@ChennaiIPL) March 28, 2022
IPL 2022: ఢిల్లీ క్యాపిటల్స్‌కు బ్యాడ్ న్యూస్.. గాయంతో స్టార్ ఆల్ రౌండర్ దూరం?
