IPL 2022: ఈ ఆర్సీబీ ప్లేయర్ చెన్నైని కోలుకోలేని దెబ్బతీశాడు.. ప్రత్యర్థి జట్లకి హెచ్చరికలు జారీ చేశాడు..!

IPL 2022: చెన్నై సూపర్ కింగ్స్, రాయల్ ఛాలెంజర్స్ బెంగుళూరు మధ్య మ్యాచ్‌ చాలా ఆసక్తికరంగా ఉంటుంది. ఈ రెండు జట్లు నిన్న మరోసారి తలపడ్డాయి.

Harshal Patel

uppula Raju |
Updated on: May 05, 2022 | 11:00 AM

IPL 2022: చెన్నై సూపర్ కింగ్స్, రాయల్ ఛాలెంజర్స్ బెంగుళూరు మధ్య మ్యాచ్‌ చాలా ఆసక్తికరంగా ఉంటుంది. ఈ రెండు జట్లు నిన్న మరోసారి తలపడ్డాయి. ఐపీఎల్ -2022లో ఈ రెండు జట్లు తలపడడం ఇది రెండోసారి. తొలి మ్యాచ్‌లో చెన్నై విజయం సాధించగా, రెండో మ్యాచ్‌లో బెంగళూరు విజయం సాధించింది. అయితే బెంగుళూరు విజయంలో యువ ఫాస్ట్ బౌలర్ హర్షల్ పటేల్ కీలక పాత్ర పోషించాడు. ఈ బౌలర్ నాలుగు ఓవర్లలో 35 పరుగులిచ్చి మూడు కీలక వికెట్లు తీశాడు. అతను ఈ మూడు వికెట్లను కూడా చాలా ప్రత్యేకంగా తీసుకున్నాడు. ఈ ప్రదర్శన కారణంగా హర్షల్ ప్లేయర్ ఆఫ్ ది మ్యాచ్‌గా ఎంపికయ్యాడు.

స్లో బంతుల్లోనే హర్షల్ మూడు వికెట్లు సాధించాడు. ఈ మ్యాచ్‌లో రవీంద్ర జడేజా రూపంలో హర్షల్ తొలి వికెట్ తీశాడు. గంటకు 127 కిలోమీటర్ల వేగంతో పటేల్ ఈ బంతిని విసిరాడు. తర్వాత మొయిన్ అలీ రెండో బాధితుడయ్యాడు. తర్వాత మూడో బంతికి డ్వేన్ ప్రిటోరియస్‌న్ ఔట్‌ అయ్యాడు. పటేల్ స్లో డెలివరీలో ప్రిటోరియస్ కూడా అవుటయ్యాడు. ఈ బంతిని గంటకు 129 కిలోమీటర్ల వేగంతో విసిరాడు. మ్యాన్ ఆఫ్ ద మ్యాచ్‌గా నిలిచిన తర్వాత హర్షల్ మాట్లాడుతూ.. “బ్యాట్స్‌మెన్ స్లో బంతుల కోసం వేచిచూసేటప్పుడు నేను అలాంటి బంతులను అస్సలు వేయను. ఆ సమయంలో హార్డ్ లెంగ్త్‌లు, బౌన్సర్లు, యార్కర్లను విసురుతాను. కానీ ఈ సీజన్‌లో యార్కర్లను ఎక్కువగా ఉపయోగించలేకపోయాను. అయితే ఐపీఎల్ ద్వితీయార్థంలో వీటిని ప్రయోగించడానికి ప్రయత్నిస్తాను” అన్నాడు.

ప్లే ఆఫ్ రేసు నుంచి CSK ఔట్!

చెన్నై జట్టు ప్లే ఆఫ్‌కు చేరడం అసాధ్యమని లెక్కలు చెబుతున్నాయి. ఎందుకంటే పాయింట్ల పట్టికలో చెన్నై 6 పాయింట్లతో 9వ స్థానంలో ఉంది. టోర్నమెంట్లో ఇంకా 4 మ్యాచ్‌లు ఆడాల్సి ఉంది. ఈ 4 మ్యాచ్‌ల్లో విజయం సాధిస్తే రన్ రేట్ 14 ప్లస్‌లోకి వచ్చే అవకాశాలు ఉంటాయి. కానీ ఇప్పటికీ రాజస్థాన్‌ రాయల్స్, రాయల్ ఛాలెంజర్ బెంగుళూరు 12 పాయింట్లతో 3, 4 స్థానాల్లో కొనసాగుతున్నాయి. వీటితో పోల్చుకుంటే చెన్నై దాదాపు వెనుకంజలో ఉంది. ప్లే ఆఫ్ చేరుకోవడం దాదాపు అసాధ్యమే. RCB చేతిలో ఓడిపోయిన తర్వాత CSK ప్లే-ఆఫ్ రేసు నుంచి నిష్క్రమించినట్లు ధోని మాటలని బట్టి అర్థమవుతుంది.

మరిన్ని ఐపీఎల్‌ వార్తల కోసం ఇక్కడ క్లిక్ చేయండి