Indian Cricket Team: ఐపీఎల్ తర్వాత టీమిండియా షెడ్యూల్ సిద్ధం.. ఐర్లాండ్‌తో టీ20 సిరీస్ ఎప్పుడంటే?

Indian Cricket Team: ఐపీఎల్ తర్వాత టీమిండియా షెడ్యూల్ సిద్ధం.. ఐర్లాండ్‌తో టీ20 సిరీస్ ఎప్పుడంటే?
Indian Cricket Team Vs Ireland Cricket Team

India vs Ireland Schedule: IPL 2022 తర్వాత వెంటనే T20 సిరీస్‌లో భారత క్రికెట్ జట్టు ఆటగాళ్లు పాల్గొంటారు. ఇందులో దక్షిణాఫ్రికా, తర్వాత ఐర్లాండ్‌తో మ్యాచ్‌లు షెడ్యూల్ అయ్యాయి.

Venkata Chari

|

Mar 02, 2022 | 8:32 AM

India vs Ireland: శ్రీలంకతో టీ20 సిరీస్‌ను కైవసం చేసుకున్న భారత క్రికెట్ జట్టు (Indian Cricket Team) ఇప్పుడు టెస్టు సిరీస్‌కు సిద్ధమైంది. దీని తరువాత, భారత జట్టు నేరుగా జూన్‌లో అంతర్జాతీయ క్రికెట్‌కు తిరిగి వస్తుంది. ఇందులో భాగంగా దక్షిణాఫ్రికాతో పరిమిత ఓవర్ల సిరీస్ ఆడనుంది. టీమ్ ఇండియా ఈ షెడ్యూల్‌లో ఐర్లాండ్‌తో టీ20 సిరీస్ (India vs Ireland Schedule) కూడా ఉంది. ప్రస్తుతం ఈ సిరీస్‌ తేదీలు అధికారికంగా ప్రకటించారు. భారత్‌తో టీ20 సిరీస్‌తో ప్రారంభమయ్యే ఈ ఏడాది స్వదేశంలో జరిగే అంతర్జాతీయ మ్యాచ్‌ల షెడ్యూల్‌ను క్రికెట్ ఐర్లాండ్(Cricket Ireland) విడుదల చేసింది.

క్రికెట్ ఐర్లాండ్ తన అంతర్జాతీయ క్యాలెండర్‌ను మంగళవారం, మార్చి1న విడుదల చేసింది. దీని ప్రకారం జూన్ చివరి వారంలో భారత జట్టు ఐర్లాండ్‌లో పర్యటించనుంది. ఈ సందర్భంగా భారత జట్టు రెండు టీ20 మ్యాచ్‌లు ఆడనుంది. ఈ రెండు మ్యాచ్‌లు జూన్ 26, 28 తేదీల్లో మలాహిడ్‌లో జరగనున్నాయి. నాలుగేళ్ల తర్వాత భారత జట్టు ఐర్లాండ్‌లో పర్యటించనుంది. దీనికి ముందు 2018లో కూడా టీ20 సిరీస్ కోసం భారత జట్టు ఐర్లాండ్‌లో పర్యటించి మలాహిడ్‌లోనే మ్యాచ్‌లు ఆడింది.

భారత్ రిజర్వ్ జట్టును పంపుతుందా? ఈ సిరీస్‌కు ముందు, భారత జట్టు దక్షిణాఫ్రికాతో 5 మ్యాచ్‌ల T20 సిరీస్‌ను ఆడనుంది. దీని కోసం దక్షిణాఫ్రికా జట్టు భారతదేశాన్ని సందర్శించనుంది. ఈ మ్యాచ్‌లు జూన్ 9 నుంచి జూన్ 15 వరకు జరుగుతాయి. అయితే ఈ సిరీస్‌కు టీమిండియా ప్రధాన జట్టును పంపుతుందా లేక రిజర్వ్ ఆటగాళ్లతో కూడిన జట్టును సిద్ధం చేసి పంపుతుందా అనేది చూడాలి. ఎందుకంటే IPL 2022 సీజన్ తర్వాత భారత ఆటగాళ్లు నేరుగా T20 సిరీస్‌లో పాల్గొంటారు. ఇటువంటి పరిస్థితిలో ఐర్లాండ్ పర్యటన కోసం చాలా మంది పెద్ద ఆటగాళ్లకు విశ్రాంతి ఇవ్వవచ్చు.

భారత్‌తో పాటు న్యూజిలాండ్-దక్షిణాఫ్రికాతో కూడా.. ఐర్లాండ్ టీం, భారతదేశం మాత్రమే కాకుండా మరో 3 దేశాల జట్లకు కూడా ఆతిథ్యం ఇవ్వనుంది. భారతదేశం తర్వాత, ఐరిష్ జట్టు న్యూజిలాండ్‌కు ఆతిథ్యం ఇవ్వనుంది. ఇందులో 3 ODIలు, 3 T20 మ్యాచ్‌లు ఆడతాయి. ఈ సిరీస్ తర్వాత, ఐర్లాండ్, దక్షిణాఫ్రికా మధ్య 2 T20Iలు కూడా ఉన్నాయి. అయితే ఈ రెండు మ్యాచ్‌లు ఇంగ్లాండ్‌లోని బ్రిస్టల్‌లో జరుగుతాయి. ఈ రెండింటితో పాటు అఫ్గానిస్థాన్‌తో టీ20 సిరీస్‌ కూడా ఉండనుంది. అయితే దాని షెడ్యూల్‌ను ఇంకా ప్రకటించలేదు.

Also Read: Nicholas Pooran: నికోలస్ పూరన్ 10 సిక్సర్లు కొట్టాడు, 37 బంతుల్లో సెంచరీ చేశాడు, వీడియో చూడండి

IND vs SL: కోహ్లీ అభిమానుల ఒత్తిడికి తలవంచిన బీసీసీఐ.. ప్రేక్షకుల ఎంట్రీకి ఓకే..!

Follow us on

Related Stories

Most Read Stories

Click on your DTH Provider to Add TV9 Telugu