Sarfaraz Khan: 7 ఫోర్లు, 1 సిక్స్‌‌తో తుఫాన్ టెస్ట్ హాఫ్ సెంచరీ.. డెబ్యూలోనే ఇంగ్లండ్ బెండ్ తీసిన దేశవాళీ సెన్సెషన్..

Sarfaraz Khan Half Century: టీమ్ ఇండియా తరపున అరంగేట్రం టెస్టు ఆడుతున్న సర్ఫరాజ్ ఖాన్ 48 బంతుల్లో హాఫ్ సెంచరీ సాధించాడు. అతను టామ్ హార్ట్లీ బౌలింగ్‌లో ఒక పరుగు తీసుకొని తన యాభైని పూర్తి చేశాడు. ఇది అతని అంతర్జాతీయ కెరీర్‌లో తొలి హాఫ్ సెంచరీ కావడం విశేషం. ఇందులో 7 ఫోర్లు, 1 సిక్స్ బాదేశాడు.

హాఫ్ సెంచరీ భాగస్వామ్యం..

రోహిత్ శర్మ ఔటైన తర్వాత, అరంగేట్రం టెస్టు ఆడుతున్న సర్ఫరాజ్ ఖాన్, జడేజాతో కలిసి భారత ఇన్నింగ్స్ బాధ్యతలు చేపట్టాడు. వీరిద్దరి మధ్య 50 పరుగుల భాగస్వామ్యం ఉంది.

ఎదురు దెబ్బల నుంచి ఆధిపత్యం దిశగా..

In No Time!

5⃣0⃣ on Test debut for Sarfaraz Khan 👏 👏

Follow the match ▶️ https://t.co/FM0hVG5pje#TeamIndia | #INDvENG | @IDFCFIRSTBank pic.twitter.com/F5yTN44efL

— BCCI (@BCCI) February 15, 2024

భారత్, ఇంగ్లండ్ జట్ల మధ్య ఐదు టెస్టుల సిరీస్‌లో భాగంగా మూడో మ్యాచ్ రాజ్‌కోట్ వేదికగా జరుగుతోంది. నిరంజన్ షా స్టేడియంలో జరుగుతున్న ఈ మ్యాచ్‌లో టీమిండియా కెప్టెన్ రోహిత్ శర్మ టాస్ గెలిచి బ్యాటింగ్ ఎంచుకున్నాడు. ధృవ్ జురెల్, సర్ఫరాజ్ ఖాన్ అరంగేట్రం చేశారు.

ప్రస్తుతం తొలిరోజు మూడో సెషన్‌ ఆట కొనసాగుతోంది. దీంతో భారత్ 4 వికెట్ల నష్టానికి 310 పరుగులు చేసింది. క్రీజులో రవీంద్ర జడేజా, సర్ఫరాజ్ ఖాన్ ఉన్నారు. వీరిద్దరి మధ్య అర్ధ సెంచరీ భాగస్వామ్యం ఉంది. సర్ఫరాజ్ యాభై పరుగులు పూర్తి చేసుకున్నాడు. జడేజా తన కెరీర్‌లో 21వ అర్ధశతకం ఆడుతున్నాడు.

కెరీర్‌లో 11వ టెస్టు సెంచరీ చేసిన తర్వాత రోహిత్ అవుటయ్యాడు. మార్క్ వుడ్ అతడిని పెవిలియన్‌కు పంపాడు. ఇంగ్లండ్ బౌలర్లలో మార్క్ వుడ్ 3 వికెట్లు తీయగా, టామ్ హార్ట్లీ ఒక వికెట్ తీశారు.

భారత్ ప్లేయింగ్-XI:

రోహిత్ శర్మ, యశస్వి జైస్వాల్, శుభ్‌మన్ గిల్, రజత్ పటీదార్, సర్ఫరాజ్ ఖాన్, ధృవ్ జురెల్, రవీంద్ర జడేజా, రవిచంద్రన్ అశ్విన్, కుల్దీప్ యాదవ్, మహ్మద్ సిరాజ్, జస్‌ప్రీత్ బుమ్రా.

ఇంగ్లండ్ ప్లేయింగ్-XI:

జాక్ క్రాలీ, బెన్ డకెట్, ఆలీ పోప్, జో రూట్, జానీ బెయిర్‌స్టో, బెన్ స్టోక్స్ (కెప్టెన్), బెన్ ఫోక్స్ (వికెట్ కీపర్), రెహాన్ అహ్మద్, టామ్ హార్ట్లీ, మార్క్ వుడ్, జేమ్స్ ఆండర్సన్.

మరిన్ని క్రీడా వార్తల కోసం ఇక్కడ క్లిక్ చేయండి..