Asia Cup 2025: సూపర్ 4 రౌండ్‌లో రెండో మ్యాచ్‌కు భారత్, బంగ్లా రెడీ.. తొలి ఓటమి ఎవరికి ఎదురవుతుందో?

India vs Bangladesh Asia Cup 2025: ఆసియా కప్ 2025లో టీమిండియా నాలుగు మ్యాచ్‌ల్లో ఓటమి లేకుండా దూసుకపోతోంది. సూపర్ 4లో రెండో మ్యాచ్‌లో బంగ్లాదేశ్‌తో తలపడనుంది. టీ20 క్రికెట్‌లో ఇరు జట్ల మధ్య ఇది తొలి మ్యాచ్ అవుతుంది. ఈ మ్యాచ్‌లో గెలిచిన జట్టు ఫైనల్ రౌండ్‌కు టికెట్ పొందుతుంది.

Ind Vs Ban

Venkata Chari |
Updated on: Sep 23, 2025 | 8:29 PM

India vs Bangladesh: ఆసియా కప్‌ 2025లో భారత్ తన అజేయ ప్రస్థానం కొనసాగిస్తోంది. టోర్నమెంట్‌లో ఇప్పటివరకు ఆడిన నాలుగు మ్యాచ్‌ల్లో నాలుగింటిని గెలుచుకుంది. ఇప్పుడు సూపర్ 4 రౌండ్‌లోని రెండవ మ్యాచ్‌లో బంగ్లాదేశ్‌తో తలపడేందుకు సిద్ధమైంది. ఆసియా కప్‌లో రెండు జట్ల మధ్య ఇది మొదటి మ్యాచ్. ఈ మ్యాచ్‌లో ఓడిపోయిన ఏ జట్టు అయినా సూపర్ 4 రౌండ్‌లో తొలి ఓటమి అవుతుంది. భారత జట్టు తన మొదటి సూపర్ 4 మ్యాచ్‌లో పాకిస్థాన్‌ను ఓడించగా, బంగ్లాదేశ్ శ్రీలంకను ఓడించింది.

భారత్ – బంగ్లాదేశ్ టీ20 గణాంకాలు..

టీ20 ఫార్మాట్ క్రికెట్‌లో రెండు దేశాల గణాంకాలను పరిశీలిస్తే, భారత జట్టు బంగ్లాదేశ్ కంటే చాలా ముందుంది. రెండు దేశాలు టీ20 అంతర్జాతీయ మ్యాచ్‌లలో 17 సార్లు తలపడగా, వాటిలో భారత జట్టు 16 సార్లు గెలిచింది. రెండు జట్లు మొదటిసారి టీ20లో 2009లో తలపడ్డాయి. అప్పటి నుంచి బంగ్లాదేశ్ ఒకే ఒక టీ20 మ్యాచ్‌లో గెలిచింది.