IND vs AUS: ఎట్టకేలకు ఆసీస్ విజయం.. ఇండోర్‌లో ఓడిన రోహిత్ సేన.. WTC ఫైనల్‌పై భారీ ఎఫెక్ట్?
బోర్డర్-గవాస్కర్ ట్రోఫీలో భాగంగా ఇండోర్‌లోని హోల్కర్ మైదానంలో జరిగిన మూడో టెస్టులో ఎట్టకేలకు ఆస్ట్రేలియా ఓ విజయాన్ని అందుకుంది. మూడో రోజు స్వల్ప టార్గెట్‌ను ఒక వికెట్ కోల్పోయి ఛేదించింది. 76 పరుగుల విజయలక్ష్యంతో బరిలోకి దిగిన ఆస్ట్రేలియా..
ట్రావిస్ హెడ్, మార్నస్ లాబుస్‌చాగ్నే సంయమనంతో ఆస్ట్రేలియా జట్టు బోర్డర్-గవాస్కర్ ట్రోఫీలో మూడో టెస్టులో 9 వికెట్ల తేడాతో విజయం సాధించింది. ఈ విజయంతో నాలుగు మ్యాచ్‌ల సిరీస్‌లో కంగారూ జట్టు 2-1తో పునరాగమనం చేసింది. సిరీస్‌లోని చివరి మ్యాచ్ మార్చి 9 నుంచి 13 వరకు అహ్మదాబాద్‌లోని నరేంద్ర మోదీ స్టేడియంలో జరగనుంది.
మూడో రోజు మ్యాచ్‌లో కంగారూ జట్టు నాల్గో ఇన్నింగ్స్‌లో 76 పరుగుల లక్ష్యాన్ని సులువుగా ఛేదించింది. అయితే భారత స్పిన్నర్ రవిచంద్రన్ అశ్విన్ రెండో బంతికి ఉస్మాన్ ఖవాజాను పెవిలియన్‌కు పంపి భారత అభిమానుల ఆశలు రేకెత్తించాడు. మొదటి 11 ఓవర్లలో భారత స్పిన్నర్లు కూడా సమర్థవంతంగా బౌలింగ్ చేశారు. కానీ, 12వ ఓవర్లో బంతిని మార్చారు. బంతి మారగానే పరిస్థితులు మారిపోయాయి. ట్రావిస్ హెడ్, మార్నస్ లాబుషెన్ అజేయంగా నిలిచి, విజయంతో తిరిగి వచ్చారు.
అంతకుముందు భారత్ రెండో ఇన్నింగ్స్‌లో 163 పరుగులకు ఆలౌటైంది. అదే సమయంలో ఆస్ట్రేలియా తమ తొలి ఇన్నింగ్స్‌లో 197 పరుగులు చేసి తొలి ఇన్నింగ్స్‌లో 88 పరుగుల ఆధిక్యాన్ని సాధించింది. భారత్ తొలి ఇన్నింగ్స్‌లో 109 పరుగులకే కుప్పకూలింది.
ఇక సిరీస్‌లోని 4వ టెస్ట్ అహ్మదాబాద్‌లో మార్చి 9 నుంచి జరగనుంది.
డబ్ల్యూటీసీ ఫైనల్‌పై ఎఫెక్ట్..
ఆస్ట్రేలియాతో టెస్టు సిరీస్‌ను 2-1తో గెలిస్తే లేదా 2-2తో డ్రా అయితే న్యూజిలాండ్-శ్రీలంక సిరీస్ ఫలితంపై భారత్ ఆధారపడాల్సి ఉంటుంది. ఇటువంటి పరిస్థితిలో న్యూజిలాండ్‌తో జరిగే రెండు మ్యాచ్‌లలో శ్రీలంక కనీసం ఒక మ్యాచ్‌లోనైనా ఓడిపోవాలని భారత్ కోరుకోవాల్సి ఉంటుంది. న్యూజిలాండ్ వంటి బలమైన జట్టుపై శ్రీలంక గెలవడం చాలా కష్టం. అది కూడా న్యూజిలాండ్‌ను స్వదేశంలో ఓడించడం కష్టమే కావొచ్చు. ఈ సిరీస్ తర్వాతే డబ్ల్యూటీసీ ఫైనల్లో ఆడే రెండో జట్టు ఏదో తెలియనుంది. ఆస్ట్రేలియా ఇప్పటికే ఫైనల్ చేరిన తొలి జట్టుగా నిలిచింది.
ఇరు జట్ల ప్లేయింగ్11…
భారత్: రోహిత్ శర్మ (కెప్టెన్), శుభమన్ గిల్, ఛెతేశ్వర్ పుజారా, విరాట్ కోహ్లీ, శ్రేయాస్ అయ్యర్, కేఎస్ భరత్ (వికెట్ కీపర్), రవీంద్ర జడేజా, రవిచంద్రన్ అశ్విన్, అక్షర్ పటేల్, ఉమేష్ యాదవ్, మహ్మద్ సిరాజ్.
ఆస్ట్రేలియా: స్టీవ్ స్మిత్ (కెప్టెన్), ట్రావిస్ హెడ్, ఉస్మాన్ ఖవాజా, మార్నస్ లాబుషాగ్నే, స్టీవ్ స్మిత్, పీటర్ హ్యాండ్‌స్కాంబ్, అలెక్స్ కారీ (వికెట్ కీపర్), కామెరాన్ గ్రీన్, మిచెల్ స్టార్క్, నాథన్ లియోన్, టాడ్ మర్ఫీ, మాథ్యూ కుహ్నెమాన్.
మరిన్ని క్రీడా వార్తల కోసం ఇక్కడ క్లిక్ చేయండి..