IND vs SA: విరాట్ కోహ్లీ సెంచరీ కంటే.. రోహిత్ శర్మ 40 పరుగులే విలువైనవి.. ఎందుకో తెలుసా?
ICC world cup 2023: టీమిండియా కెప్టెన్ రోహిత్ శర్మ, శుభ్‌మన్ గిల్‌తో కలిసి ఇన్నింగ్స్ ప్రారంభించాడు. రాగానే హిట్టింగ్ ప్రారంభించిన రోహిత్.. దక్షిణాఫ్రికా బౌలర్ల పరిస్థితిని మరింత దారుణంగా మార్చేశాడు. అయితే 24 బంతుల్లోనే 40 పరుగులు చేసి రోహిత్ ఔటయ్యాడు. అతని ఇన్నింగ్స్‌లో ఆరు ఫోర్లు, రెండు సిక్సర్లు బాదాడు. రోహిత్ ఇన్నింగ్స్ దక్షిణాఫ్రికాను ఒత్తిడికి గురి చేసింది. ఆ తర్వాత జట్టులోని మిగిలిన బ్యాట్స్‌మెన్ దానిని సద్వినియోగం చేసుకున్నారు. ఆరంభం నుంచి జట్టుకు అంత స్కోరు ఉండడంతో కోహ్లీ తన సమయాన్ని వెచ్చించి సెంచరీ సాధించాడు. రోహిత్ ఇన్నింగ్స్ ఆధారంగానే ఇది సాధ్యమైంది.
Updated on: Nov 06, 2023 | 9:59 PM
IND vs SA: ప్రస్తుతం భారత క్రికెట్ జట్టు అద్భుతమైన ఫామ్‌లో ఉంది. రోహిత్ శర్మ సారథ్యంలోని టీమిండియా ఆదివారం దక్షిణాఫ్రికాపై 243 పరుగుల భారీ తేడాతో విజయం సాధించింది. కోల్‌కతాలోని ఈడెన్ గార్డెన్స్ స్టేడియంలో జరిగిన ఈ మ్యాచ్‌లో విరాట్ కోహ్లీ అద్భుత సెంచరీ చేశాడు. దీంతో సచిన్ టెండూల్కర్ రికార్డును సమం చేశాడు. సచిన్, కోహ్లీ ఇద్దరూ ఇప్పుడు వన్డేల్లో తలో 49 సెంచరీలను కలిగి ఉన్నారు. అయితే, కోహ్లీ సెంచరీ కంటే రోహిత్ శర్మ చేసిన 40 పరుగులే కీలక పాత్ర పోషించాయి. ఒకరకంగా చెప్పాలంటే కోహ్లి సెంచరీని అధిగమించేలా ఉంది రోహిత్ స్వల్ప ఇన్నింగ్స్.
ఈ మ్యాచ్‌లో టాస్ గెలిచిన టీమిండియా కెప్టెన్ రోహిత్ శర్మ ముందుగా బ్యాటింగ్ ఎంచుకున్నాడు. శుభ్‌మన్ గిల్‌తో కలిసి రోహిత్ శర్మ ఇన్నింగ్స్ ప్రారంభించాడు. రాగానే హిట్టింగ్ ప్రారంభించిన రోహిత్.. దక్షిణాఫ్రికా బౌలర్ల పరిస్థితిని మరింత దారుణంగా మార్చేశాడు. అయితే 24 బంతుల్లోనే 40 పరుగులు చేసి రోహిత్ ఔటయ్యాడు. అతని ఇన్నింగ్స్‌లో ఆరు ఫోర్లు, రెండు సిక్సర్లు బాదాడు.
అందుకే రోహిత్ ఇన్నింగ్స్ ప్రత్యేకం..
View this post on Instagram
రోహిత్ అవుటైన తర్వాత కోహ్లి వచ్చి అద్భుత ఇన్నింగ్స్ ఆడి సెంచరీ సాధించాడు. అయితే, కోహ్లీ ఇన్నింగ్స్ చాలా నెమ్మదిగా సాగింది. కోహ్లి వన్డే కెరీర్‌లో నెమ్మదైన సెంచరీలలో ఇదీ ఒకటి. 121 బంతుల్లో 10 ఫోర్ల సాయంతో అజేయంగా 101 పరుగులు చేశాడు. దీనికి కారణం కూడా ఉంది. కొన్ని ఓవర్ల తర్వాత పిచ్ నెమ్మదించి స్పిన్నర్లకు సహకరిస్తోంది. గిల్‌ను కేశవ్ మహారాజ్ అవుట్ చేసిన తీరు ఇందుకు నిదర్శనం. ఇలాంటి పరిస్థితుల్లో కోహ్లీ నెమ్మదిగా ఇన్నింగ్స్ ఆడాల్సి వచ్చింది. అయితే, దీని తర్వాత కూడా టీమిండియా 326 పరుగులకు ఆలౌటైంది. అంటే రోహిత్ ఆరంభంలో వేగంగా బ్యాటింగ్ చేసి దక్షిణాఫ్రికా బౌలర్ల లయను చెడగొట్టడంతో పిచ్‌ను సద్వినియోగం చేసుకున్నాడు. దీంతో జట్టులోని మిగతా బ్యాట్స్‌మెన్‌లకు బ్యాటింగ్ సులువుగా మారింది. రోహిత్, గిల్ కలిసి కేవలం నాలుగు ఓవర్లలోనే జట్టు స్కోరును 50 పరుగులకు చేర్చారు.
సిద్ధం చేసిన వేదిక..
రోహిత్ ఇన్నింగ్స్ దక్షిణాఫ్రికాను ఒత్తిడికి గురి చేసింది. ఆ తర్వాత జట్టులోని మిగిలిన బ్యాట్స్‌మెన్ దానిని సద్వినియోగం చేసుకున్నారు. ఆరంభం నుంచి జట్టుకు అంత స్కోరు ఉండడంతో కోహ్లీ తన సమయాన్ని వెచ్చించి సెంచరీ సాధించాడు. రోహిత్ ఇన్నింగ్స్ ఆధారంగానే ఇది సాధ్యమైంది. రోహిత్ వేగంగా ఆడకపోతే, స్కోరుబోర్డుపై మరిన్ని పరుగులు పెట్టాలని తదుపరి బ్యాట్స్‌మెన్‌పై ఒత్తిడి ఉండేది. దాని కారణంగా టీమిండియా వికెట్లు కూడా కోల్పోయే అవకాశం ఉంది. దీని ప్రభావం కోహ్లిపై కూడా కనిపించవచ్చు. ఈ క్రమంలో రోహిత్ ఇన్నింగ్స్ మొత్తం మ్యాచ్‌ను సెట్ చేసింది.
మరిన్ని క్రీడా వార్తల కోసం ఇక్కడ క్లిక్ చేయండి..
