IND vs SL: అరుదైన రికార్డులో చేరిన రోహిత్-గిల్ జోడీ.. వన్డేల్లో అత్యంత వేగంగా అగ్రస్థానం.. అదేంటంటే?

Rohit And Shubman Gill

Rohit Sharma and Shubman Gill, IND vs SL, Asia Cup 2023 : ఆసియాకప్ 2023లో భాగంగా మంగళవారం కొలంబోలో శ్రీలంకతో జరుగుతోన్న మ్యాచ్‌లో భారత కెప్టెన్ రోహిత్ శర్మ, శుభ్‌మాన్ గిల్ జోడీ అరుదైన రికార్డ్‌ను బ్రేక్ చేసింది. ఈ జోడీ వన్డేల్లో అత్యంత వేగంగా 1000 పరుగులను పూర్తి చేసిన భారత జోడీగా నిలిచారు.

టాస్ గెలిచి మొదట బ్యాటింగ్ ఎంచుకున్న భారత వికెట్లేమీ నష్టపోకుండా 36 పరుగులు చేయడంతో రోహిత్, గిల్ జోడీ ఈ మైలురాయిని దాటారు. కుడిచేతి వాటం జోడీ ఈ ఫార్మాట్‌లో కేవలం 13వ ఇన్నింగ్స్‌ల్లోనే ఈ మార్క్‌ను దాటింది. రోహిత్ గతంలో 14 ఇన్నింగ్స్‌లలో 1000 పరుగులు పూర్తి చేసిన భారతీయులలో కేఎల్ రాహుల్‌తో కలిసి ఈ రికార్డును కలిగి ఉన్నాడు.

జనవరి 10, 2023న గౌహతిలో శ్రీలంకతో జరిగిన మ్యాచ్‌లో రోహిత్, గిల్ మొదటి వికెట్‌కు 143 పరుగులతో కలిసి భారత్‌ తరపున అగ్రస్థానంలో నిలిచారు. ఈ జంట ఆసియా కప్‌లో వరుసగా రెండు 100-ప్లస్ భాగస్వామ్యాలను పంచుకోవడం విజయవంతమయ్యారు. అందులో 147 v నేపాల్, పాకిస్తాన్‌పై 121 పరుగుల భాగస్వామ్యాలు ఉన్నాయి. అలాగే ఈ జోడీ అత్యధిక సగటు ఓపెనింగ్ భాగస్వామ్యంలోనూ రికార్డును కలిగి ఉంది.

రోహిత్ శర్మ్, శుభ్మన్ గిల్ జోడీ ఖాతాలో చేరిన అరుదైన రికార్డ్..

వన్డేల్లో భారతదేశం తరపున అత్యంత వేగంగా 1000 భాగస్వామ్య పరుగులు పూర్తి చేసిన జోడీ (ఇన్నింగ్స్‌ల వారీగా)

13 – రోహిత్-గిల్

14 – రోహిత్-రాహుల్

14 – ఎంఎస్ ధోని-గౌతమ్ గంభీర్

16 – రోహిత్-విరాట్ కోహ్లీ

16 – ధోని-సురేష్ రైనా

16 – శిఖర్ ధావన్-అజింక్యా రహానే

16 – సచిన్ టెండూల్కర్-అజయ్ జడేజా

16 – మహ్మద్ అజారుద్దీన్-సునీల్ గవాస్కర్.

టీమిండియా ప్లేయింగ్ XI vs శ్రీలంక

ఇరు జట్లు:

భారత్ (ప్లేయింగ్ XI): రోహిత్ శర్మ (కెప్టెన్), శుభ్‌మన్ గిల్, విరాట్ కోహ్లీ, కేఎల్ రాహుల్ (కీపర్), ఇషాన్ కిషన్, హార్దిక్ పాండ్యా, రవీంద్ర జడేజా, అక్షర్ పటేల్, కుల్దీప్ యాదవ్, జస్ప్రీత్ బుమ్రా, మహ్మద్ సిరాజ్.

శ్రీలంక (ప్లేయింగ్ XI): పాతుమ్ నిస్సాంక, దిముత్ కరుణరత్నే, కుసల్ మెండిస్(కీపర్), సదీర సమరవిక్రమ, చరిత్ అసలంక, ధనంజయ డి సిల్వా, దసున్ షనక(కెప్టెన్), దునిత్ వెల్లలాగే, మహేశ్ తీక్షణ, కసున్ రజిత, మతీషా పతిరనా.

మరిన్ని క్రీడా వార్తల కోసం ఇక్కడ క్లిక్ చేయండి..