IND vs ENG: మా తీరు మారదు.. 600ల పరుగులైన ఛేజింగ్ చేస్తాం: ఇంగ్లండ్ పేసర్ షాకింగ్ స్టేట్మెంట్
India vs England, 2nd Test: విశాఖపట్నంలో భారత్ ఇచ్చిన 399 పరుగుల లక్ష్యాన్ని ఛేదించేందుకు ఇంగ్లండ్ బరిలోకి దిగింది. అయితే, ఈ పిచ్పై ఇంత భారీ స్కోరును ఛేదించడం అంత ఈజీ కాదు. ఎందుకంటే, చివరి రెండు రోజుల్లో పిచ్ చాలా మారుతుంది. దీంతో బ్యాటర్లకు మరింత ఇబ్బంది కలుగుతుంది. ఈ మ్యాచ్లో ఇంగ్లండ్ గెలిస్తే అది చరిత్ర అవుతుంది. ఎందుకంటే ఇప్పటి వరకు ఇంగ్లండ్ జట్టు టెస్టు క్రికెట్ లో ఇంత పెద్ద లక్ష్యాన్ని సాధించలేకపోయింది. ఇప్పుడు విశాఖపట్నం టెస్టు మ్యాచ్కు కోచ్ బ్రెండన్ మెకల్లమ్ ఇచ్చిన లక్ష్యాన్ని ఇంగ్లండ్ వెటరన్ ఫాస్ట్ బౌలర్ జేమ్స్ అండర్సన్ వెల్లడించాడు.
Updated on: Feb 05, 2024 | 7:04 AM
IND vs ENG: ప్రస్తుతం విశాఖపట్నంలో భారత్-ఇంగ్లండ్ (India vs England) మధ్య జరుగుతున్న రెండో టెస్టు మ్యాచ్పై టీమ్ ఇండియా (Team India) పట్టు సాధించింది. భారత్ నిర్దేశించిన 399 పరుగుల లక్ష్యాన్ని ఛేదించేందుకు బరిలోకి దిగిన ఇంగ్లండ్ జట్టు మూడో రోజు ముగిసే సమయానికి 1 వికెట్ కోల్పోయి 67 పరుగులు చేసింది. దీంతో మిగిలిన 2 రోజుల్లో ఇంగ్లండ్ విజయానికి ఇంకా 332 పరుగులు చేయాల్సి ఉంది. ఈ భారీ లక్ష్యాన్ని నాలుగు, ఐదో రోజు ఛేదించడం అంత తేలికైన విషయం కాదు. ఇదిలా ఉంటే.. టార్గెట్ ఛేజింగ్ గురించి ప్రకటన చేసిన ఇంగ్లండ్ జట్టు వెటరన్ స్పీడ్ స్టర్ జేమ్స్ అండర్సన్ (James Anderson).. 600 పరుగుల ఛేజింగ్కు సిద్ధంగా ఉన్నామని షాకింగ్ స్టేట్మెంట్ ఇచ్చాడు.
నిజానికి ఇంగ్లండ్ టెస్టు జట్టు కోచ్గా బ్రెండన్ మెకల్లమ్ ఎంపికైన తర్వాత ఇంగ్లండ్ టెస్టు ఆడుతున్న తీరు మారిపోయింది. జట్టులోని ప్రతి ఆటగాడు అటాకింగ్ స్టైల్కు ఎక్కువ ప్రాధాన్యత ఇస్తున్నాడు. తదనుగుణంగా వికెట్ల పతనం మధ్య ఆటగాళ్లు జట్టు రన్ రేట్ తగ్గకుండా చేస్తున్నారు. అందుకే ఇంగ్లండ్ జట్టు టెస్టు క్రికెట్లో ఇంతటి విజయాన్ని సాధిస్తోంది.
ఈ మ్యాచ్ గెలిస్తే చరిత్రే..
విశాఖపట్నంలో భారత్ ఇచ్చిన 399 పరుగుల లక్ష్యాన్ని ఛేదించేందుకు ఇంగ్లండ్ బరిలోకి దిగింది. అయితే, ఈ పిచ్పై ఇంత భారీ స్కోరును ఛేదించడం అంత ఈజీ కాదు. ఎందుకంటే, చివరి రెండు రోజుల్లో పిచ్ చాలా మారుతుంది. దీంతో బ్యాటర్లకు మరింత ఇబ్బంది కలుగుతుంది. ఈ మ్యాచ్లో ఇంగ్లండ్ గెలిస్తే అది చరిత్ర అవుతుంది. ఎందుకంటే ఇప్పటి వరకు ఇంగ్లండ్ జట్టు టెస్టు క్రికెట్ లో ఇంత పెద్ద లక్ష్యాన్ని సాధించలేకపోయింది. ఇప్పుడు విశాఖపట్నం టెస్టు మ్యాచ్కు కోచ్ బ్రెండన్ మెకల్లమ్ ఇచ్చిన లక్ష్యాన్ని ఇంగ్లండ్ వెటరన్ ఫాస్ట్ బౌలర్ జేమ్స్ అండర్సన్ వెల్లడించాడు.
600 పరుగులైనా ఛేజింగ్ చేస్తాం..
Stumps on Day 3 in Vizag 🏟️
England 67/1 in the second-innings, need 332 more to win.
An eventful Day 4 awaits 👌👌
Scorecard ▶️ https://t.co/X85JZGt0EV#TeamIndia | #INDvENG | @IDFCFIRSTBank pic.twitter.com/nbocQX36hB
— BCCI (@BCCI) February 4, 2024
విశాఖపట్నం టెస్టు మ్యాచ్ మూడో రోజు ఆట ముగిసిన అనంతరం ఇంగ్లండ్ పేసర్ జేమ్స్ అండర్సన్ మాట్లాడుతూ.. ‘ఎంత పెద్ద స్కోరు చేసినా ఛేజింగ్ చేయాల్సిందేనని కోచ్ బ్రెండన్ మెకల్లమ్ చెప్పాడు. మూడో రోజు భారత జట్టు మంచి స్కోరు సాధించింది. ఇప్పుడు సోమవారం, ఇంగ్లాండ్ ఈ లక్ష్యాన్ని సాధించడానికి తమ వంతు ప్రయత్నం చేస్తుంది. రెండో ఇన్నింగ్స్లో భారత్ 600 పరుగులు చేసినా.. దాన్ని ఛేజ్ చేసేందుకు ప్రయత్నించాలని జట్టు సమావేశంలో మెకల్లమ్ మాతో చెప్పాడని అండర్సన్ చెప్పుకొచ్చాడు.
ఇంగ్లండ్ తొలి వికెట్ డౌన్..
విశాఖపట్నం టెస్టు మ్యాచ్ మూడో రోజు ఆట ముగిసే సమయానికి ఇంగ్లండ్ ఒక వికెట్ నష్టానికి 67 పరుగులు చేసింది. బానే డకెట్ రూపంలో ఇంగ్లండ్కు ఎదురు దెబ్బ తగిలింది. డకెట్ 28 పరుగులు చేసి పెవిలియన్ చేరాడు. మూడో రోజు ఇంగ్లండ్కు ఆర్ అశ్విన్ తొలి షాక్ ఇచ్చాడు. ఇప్పుడు ఈ మ్యాచ్ గెలవాలంటే టీమ్ ఇండియా ఇంకా 9 వికెట్లు పడగొట్టాలి. ఇంగ్లండ్ జట్టుకు 332 పరుగులు అవసరం.
మరిన్ని క్రీడా వార్తల కోసం ఇక్కడ క్లిక్ చేయండి..
