Team India: టెస్టు మ్యాచ్‌లో ఐదు వికెట్ల హాల్‌తో చెలరేగిన ఐదుగురు భారత కెప్టెన్లు.. లిస్టులో డేంజరస్ పేసర్
Indian Captains Took 5 Wicket Haul in Tests: పెర్త్‌లో ఆస్ట్రేలియాతో జరుగుతోన్న తొలి టెస్ట్‌లో టీమిండియా ఆధిపత్యం చూపిస్తోంది. తొలి ఇన్నింగ్స్‌లో 150కే ఆలౌట్ అయిన భారత్.. ఆ తర్వాత బుమ్రా, రానా చెలరేగడంతో కంగారులను కూడా 104 పరుగులకే కట్టడి చేశారు. దీంతో తొలి ఇన్నింగ్స్‌లో 46 పరుగుల ఆధిక్యంతో నిలిచింది. ఈ క్రమంలో బుమ్రా ఓ స్పెషల్ రికార్డులో చేరాడు.
Indian Captains Took 5 Wicket Haul in Tests: ఒక ఇన్నింగ్స్‌లో ఐదు వికెట్లు తీయడం టెస్ట్ క్రికెట్‌లో ఏ బౌలర్‌కైనా పెద్ద ఘనత. అలాగే, కెప్టెన్‌గా ఉన్నప్పుడు ఈ ఘనతను సాధిస్తే చెప్పలేనంత గౌరవాన్ని అందిస్తుంది. ఆస్ట్రేలియాపై కెప్టెన్‌గా తొలి టెస్ట్ ఆడుతోన్న జస్ప్రీత్ బుమ్రా మొదటి ఇన్నింగ్స్‌లోనే తన పేరున ఓ అద్భుత రికార్డ్ నమోదు చేశాడు. దీంతో దిగ్గజాల సరసన చోటు దక్కించుకున్నాడు.
భారత్‌కు బుమ్రా బౌలింగ్ ఎంతో కీలకమని రుజువైంది. ఎందుకంటే మొదట బ్యాటింగ్ చేస్తున్నప్పుడు, భారత జట్టు మొదటి ఇన్నింగ్స్‌లో కేవలం 150 పరుగులకే ఆలౌట్ అయింది. టెస్టుల్లో కెప్టెన్‌గా అత్యధికంగా ఐదు వికెట్లు తీసిన భారత ఆటగాళ్ల గురించి ఇప్పుడు తెలుసుకుందాం..
5. జస్ప్రీత్ బుమ్రా:
ఆస్ట్రేలియాతో జరుగుతోన్న పెర్త్ టెస్టులో తొలి ఇన్నింగ్స్‌లో వికెట్ తీసి టెస్టుల్లో ఐదు వికెట్లు తీసిన భారత కెప్టెన్ల జాబితాలో జస్ప్రీత్ బుమ్రా చోటు దక్కించుకున్నాడు. ఈ మ్యాచ్‌లో రోహిత్ శర్మ గైర్హాజరీలో బుమ్రా సారథ్యం వహిస్తున్నాడు.
4. వినూ మన్కడ్..
టెస్టుల్లో కెప్టెన్‌గా ఐదు వికెట్లు తీసిన తొలి భారత బౌలర్‌ వినూ మన్కడ్. 1955లో పాకిస్థాన్‌పై రెండో ఇన్నింగ్స్‌లో ఐదు వికెట్లు పడగొట్టాడు. కెప్టెన్‌గా ఒక్కసారి మాత్రమే ఇలా చేశాడు.
3. అనిల్ కుంబ్లే..
భారత మాజీ లెగ్ స్పిన్నర్ అనిల్ కుంబ్లే టెస్టుల్లో కెప్టెన్‌గా రెండు సార్లు ఐదు వికెట్లు పడగొట్టాడు. కుంబ్లే 2007లో ఒకే నెలలో రెండుసార్లు ఈ ఘనత సాధించాడు. అంతకుముందు బెంగళూరులో పాకిస్థాన్‌తో జరిగిన రెండో ఇన్నింగ్స్‌లో ఐదు వికెట్లు పడగొట్టాడు. ఆ తర్వాత, మెల్‌బోర్న్‌లో ఆస్ట్రేలియాతో జరిగిన బాక్సింగ్ డే టెస్ట్ తొలి ఇన్నింగ్స్‌లో కూడా అతను తన సత్తా చాటాడు.
2. కపిల్ దేవ్..
భారత దిగ్గజాలలో అత్యంత విజయవంతమైన ఆల్ రౌండర్ కపిల్ దేవ్ నాలుగు సార్లు కెప్టెన్‌గా ఉన్నప్పుడు ఐదు వికెట్లు తీసిన ఘనత సాధించాడు. బెంగళూరులో పాకిస్థాన్‌పై కపిల్ తొలిసారిగా ఈ ఘనత సాధించాడు. ఆ తర్వాత, అతను కెప్టెన్‌గా వెస్టిండీస్‌పై రెండుసార్లు, ఆస్ట్రేలియాపై ఒకసారి ఐదు వికెట్లు తీశాడు.
1. బిషన్ సింగ్ బేడీ..
మాజీ గ్రేట్ లెఫ్టార్మ్ స్పిన్నర్ బేడీ కెప్టెన్‌గా గరిష్టంగా ఎనిమిది సార్లు ఇన్నింగ్స్‌లో ఐదు వికెట్లు తీసిన ఘనత సాధించాడు. ఇంగ్లండ్, న్యూజిలాండ్, ఆస్ట్రేలియా, వెస్టిండీస్‌లపై బేడీ ఐదు వికెట్ల హాల్ సాధించాడు. అతను నాలుగు ఫైఫర్‌లను భారతదేశంలో, నాలుగు విదేశాల్లో సాధించాడు.
మరిన్ని క్రీడా వార్తల కోసం ఇక్కడ క్లిక్ చేయండి..